กำลังแสดงผล 1 ถึง 8 จากทั้งหมด 8

หัวข้อ: เฮ็ดบุญ เฮ็ดทาน

  1. #1
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    407
    บล็อก
    3

    เฮ็ดบุญ เฮ็ดทาน

    ย้อนเพิ่นว่าบุญๆนี้ บ่มีไผ๋ปันแจก ..ช่วงนี้กะเทศกาลบุญกฐินเนาะครับพี่น้อง ชัย เมืองหมอแคน กะเลยเดินสายเฮ็ดบุญ ก่อนลงเกี่ยวข้าว ครับ สำหรับงานแรกกะงานบุญกฐินอยู่วัดเวฬุวัน อ.เมือง ขอนแก่น เป็นวัดสาขาวัดอัมพวัน ของหลวงพ่อจรัญ ฐิตธมฺโม เพิ่นกะจัดงานใหญ่ทุกปี ปีนี้เป็นปีแรกที่ครอบครัวข่าน้อย มีโอกาสได้รับการเชื้อเชิญไปร่วมงานและเฮ็ดโรงทาน กะเลยมีใจใสศรัทธาจองโรงทาน ทั้งที่เป็นมื้อเดียวกัน(13 พย.53)กับอยู่บ้านจัดงานบุญกฐินใหญ่คือกัน กะเลยแบ่งๆกันไปเนาะ 2 งานนี้มีสายบุญจากต่างแดนคือคุณนิ สะใภ้สาน คนงามใจบุญแห่งบ้านมหาเฮา เพิ่นทราบข่าวกะร่วมบริจาคนำ เป็นจำนวนเงิน 1,000 บาท กะขออนุโมทนานำเพิ่นให้มีความสุขกาย สุขใจ ให้มีความสุขหลายๆเด้อ คับ ขาดบ่ได้กะญาอ้ายพล พญาแล เป็นผู้ประสานงานให้ ขอบคุณอ้ายหลายๆคับผม
    แนวเฮ็ดไปโรงทาน ตอนแรกกะมาด้อมๆมองๆหาในครัวบ้านมหา เฮานี่ล่ะคับ แต่กะบ่ได้ย้อนว่า บ่มีฝีมือคือพ่อครัว แม่ครัว บ้านเฮา กะเลยตัดสินใจกันกับเลขาผู้ซ่อย(อิอิ) ว่าปีนี้ปีแรก สั่งขนมเทียนให้คะเจ้าเฮ็ดให้ จัก 1000 ชิ้น กับขนมใส่ไส้ 300 ชิ้น มีน้ำดื่มแบบขวดกับแบบถ้วยนำ เว้ามายาวโพดย้อนอยากให้พี่น้องฮู้ที่ไปที่มา ถ้างั้นไปเอาบุญนำกันโลด...พี่น้อง
    เฮ็ดบุญ เฮ็ดทาน
    ...พากันไปฮอด ประมาณ 8 โมงเคิ่ง พี่น้องมากันมากมายหลายคัก ทั้งที่มาทำบุญ ที่หลายคักแม่นมาทำ(รับประ)ทาน หอบลูกจูงหลานกันว่าแม่นเหมิดเมืองขอนแจ่น
    เฮ็ดบุญ เฮ็ดทาน
    ...พอไปฮอด กะมีเจ้าหน้าที่พามาโต๊ะที่จองกับขนของลงซ่อย ผมให้เลขา(เสื้อม่วง) ลงไปเบิ่งของก่อน ส่วนเจ้าของวนหาหม่องจอดรถ
    เฮ็ดบุญ เฮ็ดทาน
    ...กว่าสิหาหม่องจอดได้ พอย่างมาฮอด เลยแปลกใจ เอ้า ของเฮาเด้ อยากอายเพิ่นตี้ คือบ่เอามาแจก ได้รับคำตอบอย่างเฮ็ดหน้าบ่ถืกว่า เหมิดแล้ว พะนะ เหลือแต่หม้อ
    เฮ็ดบุญ เฮ็ดทาน
    ...พี่น้อง เอ๊ยย..บ่อยากเชื่อ คุณเลขา เว้าให้ฟังว่า พอแต่ลงมาฮอด คะเจ้าใช้เวลา บ่ฮอด 3 นาที ในการรับของ(ยาดกัน แย่งกัน) โต๊ะข้างๆบอกว่า ดีแล้วแสดงว่า ของเฮาเป็นที่นิยม พะนะ ผู้ข่า กะเลยเออๆ ออๆ ว่าสิมาถ่ายฮูปไปฝากผู้ร่วมจิตศรัทธาเลยเหลือแต่น้ำ.. เอ๋า เอามาแจกมาทาน ดอก แฮงคึดยากได้ขนเมืออยู่
    เฮ็ดบุญ เฮ็ดทาน
    ...กะเลยได้แจกแต่น้ำ ที่เหลือเหลียวเห็นนี่ล่ะ ..น้ำถ้วยเพิ่นบ่อยากได้เด๋ แต่น้ำขวดสปอนเซ่อร์เชลซี(สิงห์) เอาเทือละ 2 555....
    เฮ็ดบุญ เฮ็ดทาน
    ..หลังจากนั้น กะเลยพากันแจกน้ำ อยู่คาวหนึ่ง น้ำกะเกือบเหมิด เลยพากันไปหาไหว้พระ ทำบุญ ทิ่งศาลาใหญ่ อธิฐานให้มีความสุขความเจริญ มีเงินใช้ และให้คุณนิมีความสุขกาย สำบายใจ เช่นกัน เด้อ สาธุ...
    เฮ็ดบุญ เฮ็ดทาน
    ...ทำบุญแล้ว กะเลยมาหา แนวสิพารวยก่อน หลังอธิฐานแล้ว เหอๆๆ ต่าคุณยายอายุหลายแล้วเลายังมีหวัง แล้วเฮาล่ะ แล้วเฮาล้า....
    เฮ็ดบุญ เฮ็ดทาน
    ...จากนั้นกะพากันหาทาน(เริ่มหิว)ก่อน บัดนี้กะเหลือแต่หม้อเปล่าเมือบ้าน โชคดีมีความสุขทุกท่าน คือกัน คับผม

  2. #2
    เจ้าหน้าที่ประชาสัมพันธ์ สัญลักษณ์ของ คนบ้านบ้าน
    วันที่สมัคร
    Mar 2009
    กระทู้
    452

    บอกบุญ

    ธุจ้าสาธุธุจ้าสาธุธุจ้าสาธุ อนุโมทามิ

    ขอบคุณญาติธรรม..โชคดีมีความสุขทุกท่าน คือกัน คับผม

  3. #3
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    407
    บล็อก
    3

    บุญกฐินอยู่บ้าน

    ...ในมื้อเดียวกันนี้ 13 พ.ย.53 อยู่บ้าน กะมีบุญกฐินคือกันคับเป็นกฐิน มาจาก กทม.มาจองไว้ ประธานใหญ่ เพิ่นก่าเป็นคนบ้านนี่ แต่ไปร่ำไปรวย มีธุรกิจ อยู่ทาง กทม.เพิ่นมาจองทอดถวายเกือบทุกปี ครับ ปีนี้กะเช่นเดียวกันมา 3 คันรถบัสใหญ่ ทางชาวบ้านกะออกสมทบนำรวมถึงศรัทธาบุญมาจากแดนไกลคุณนิ สะใภ้อีสานเพิ่นกะมีศรัทธานำ ตามที่กล่าวไปแล้วตอนต้น.. ผมกะเสียดายเพิ่นมาฮอด 8 โมงเคิ่ง แล้วกะแห่ บ่ได้เอาบรรยากาศแห่มาให้พี่น้องเบิ่งย้อนว่า เจ้าของกะคาบุญอยู่คือกัน หลังจากแห่แล้ว ตอนเที่ยงกะมีหมอลำซิ่งฉลอง (ได้ไปหย่าวนำเพิ่น 2 กลอนนี่ล่ะ)
    ..พอเช้าวันที่ 14 พย.53 กะเป็นมื้อทอดกฐิน เลยได้บรรยากาศมาฝากพี่น้องอยู่ คับ
    บรรยากาศโดยรวม
    บุญกฐินอยู่บ้าน

    บุญกฐินอยู่บ้าน

    บุญกฐินอยู่บ้าน
    ...ในงานกะมีการติดโคมลมมาปล่อยคับ ฉลอง
    บุญกฐินอยู่บ้าน
    ..ป่านบอลลูน ส่งผลบุญไปยังพี่น้องทุกสารทิศ
    บุญกฐินอยู่บ้าน
    ..ขอนำผลานิสงฆ์ แห่งบุญนี้บันดาลให้พ่อแม่พี่น้อง เฮาทุกคน จงประสบแต่ความสุข ความเจริญ ให้โชคให้หมาน ให้มั่งให้มี
    บุญกฐินอยู่บ้าน
    ....ให้อยู่ดีมีแฮง สุขกายสำบายใจ ทุกคนๆ คับผม...
    บุญกฐินอยู่บ้าน
    ...ลูกนี้กำลังลอยไปไกลนำความสว่างไสว ความสดชื่น สดใส ให้คุณนิ สะใภ้อีสาน ฮอดประเทศอังกฤษ คับ..
    บุญกฐินอยู่บ้าน
    ...ยอดกฐินทอดถวายทั้งหมด 463,985.-บาท ส๊าธุ...
    ...ขอบคุณเจ้าของพื้นที่และขอบคุณทุกท่านที่มาเอาบุญนำกัน คับผม....

  4. #4
    แบ่งปันความรู้และประสบการณ์ สัญลักษณ์ของ บ่าวเคน
    วันที่สมัคร
    Jun 2009
    ที่อยู่
    อุบลฯ เมืองดอกบัวงาม
    กระทู้
    360
    อนุโมทนาบุญ มานำเด้อครับ ขอให้ผลบุญส่งยู้ให้เจริยรุ่งเรืองเด้อครับ

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ดีใจนำปลื้มเนาะจ้า ยอดเงินกฐินกะบ่น้อย คนกะหลายอิ่มบุญอิ่มใจจ้า สาธุ สาธุ สาธุ

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    อนุโมทนาสาธุนำเด้อบ่าวชัย ..ขอให้ได้พ้อผุสาวงามๆครับ อิอิ..

  7. #7
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    สาธุนำเด้อค่ะอ้าย ผลบุญในครั้งนี้ขอให้อ้ายได้น้องโบ...งาม ๆ เด้อค่ะ อิอิ....

  8. #8
    International chef สัญลักษณ์ของ สะใภ้อิสาน
    วันที่สมัคร
    Dec 2008
    กระทู้
    1,565
    บล็อก
    4
    สาธุ สาธุ สาธุ มาร่วมอนุโมทนา บุญด้วยคะทั่งกฐินและโรงทานเป็นปลื้มและอิ่มเอิบใจคะ
    ขอบคุณในน้ำใจและที่เป็นกำลังใจแบ่งปั่น ในสิ่งดีๆให้คะ
    ขอให้ผลบุญ พรที่ดีเลิศ ที่น้องชัย กล่าวมาพี่ขอมอบให้น้องและครอบครัวด้วยจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •