ไปเลี้ยงหมู

[นู๋น้อย]

หลังจากพักเซาเมื่อยและไปฮับพ่อออกจากโรงพยาบาลแล้ว กะบ่รอช้า ไปทดลองงานกะน่า ห่าเทื่อได้เมือเลี้ยงหมูอยู่บ้าน เอิ้กกกกกก ตื่นแต่ ตี 5 เคิ่ง กั่วสะแล้วเวียกทางบ้านกะสวยเติบจั่งได้ไปไฮ่เข้าคอกหมู ไปฮอดกะบ่รอช้า หย่างเข้าคอกหมูทันที ว่าสะไปเกียหมู แต่กะเอื้อยกะเกียแล้วละ เหลือแต่เก็บเข่หมูกะล้างคอก พะนะ สู้บ่เอื้อยถาม ฮ้าๆๆ :l- เอ้า ได๋ๆกะมาแล้ว เก็บกะเก็บเข่หมู แต่กะบ่เข้าคอกเองดอกจ้า แผนกเข็ญรถให้เผิ่น เอื้อยว่าแดวเปื้อยเอาไว้เทื่อหน้ามาอีก เอื้อยให้เกียเองเก็บเองเลย เทื่อนี้เบิ่งงานไว้ก่อนพะนะ เอิ้กกกก มาเบิ่งน้องหมูน้อยกันก่อนจ้า เลี้ยงบ่หลายดอกพอได้มีงานเฮ็ดตลอดปีนี้ละ หุหุ



หมูน้อย 2 เดือนจ้า

คอกนี้ 3เดือน


คอกนี้ปีใหม่กะขายได้

เผิ่นอยากเข้ากล้องนำ


แล้วเวียกทางคอกหมูแล้ว กะหย่างเลาะกะน้า มีหยังให้เก็บกินบ่น้อ ระหว่างทางกะแนมนั้นแนมนี้ไปละจ้า เป้าหมายคือท่งนาและฝั่งห้วย เถียงน้อยข้างป่ายางพารา หม่องที่เคยนอนเวน พะนะ


ป่ามันสัมปะหลัง(ของอ้าย)


ป่าปอยังบ่ได้ตัดยุจ้า


หย่างมาเรื่อยๆ กะสอดออกทางท่งนาพ้อป่าข้าวที่กำลังรอรถเกี่ยวมาเกี่ยวเพราะกำลังคนบ่มีเวลาคายากหลายทาง พะนะ เห็นกอข้าวกะคึดพ้อปีเฟียงข้าว ลองเฮ็ดเบิ่งกะน่า สะเป่าดังบ่ ปรากฎว่าดังยุ ฮ้าๆๆ

ป่าข้าว


ปี่จากตอเฟียงข้าว


วิวข้างทางน้ำไสไหลเย็นเลี้ยงปลาดุกในนี้ละเอาไว้ถ่าปีใหม่พะนะ


ห้วยน้อยๆแต่มีน้ำตลอดปี


ป่ายางพารายังน้อยยุกะเลยปลูกข้าวโพดใส่ระหว่างร่องเอาไว้บดให้หมูจ้า อีกฝั่งยางให้แหน่แล้วกะปลูกมันสัมประหลังระหว่างร่องกลาง



ต้นแดงบ่ทันใหย่ปลูกไว้เฮ็ดเสาเฮือน


หลังจากนั่งกินลมชิมวิวอยู่เถียงน้อย ดนเติบ กะได้เวลาหย่างเมือคอกหมูคือเก่า เวลากะบ่ายแล้วเริ่มหิว ไปหาแนวกินเที่ยงก่อนจ้า จบทิบสำหรับมื้อนี้ ไปก่อน หาแนวกินลงเมือกินทางชลบุรีก่อนจ้า (สะเบียง)

[/COLOR]

[เพ็นนี]

ต้นแดง มันคือต้นอะหยังละหึ คือบ่เคยเห็นหว่า
ฮู้จักแต่ต้นดู่ โอ้ยๆ เวียกยุบ้านเพิ่นคือหลายแท่น้อ เป็นตาบ่อดตายดอกเว่ย
มีน้ำเบิดปี พะนะ นาไร่กะบ่อึด (หาคนเฮ้ดเวียกสอยบ่น้อ..ลูกชายเฒ่าแม่ยังบ่น้อ ฮ่าๆๆๆ)

[คนบ้านบ้าน]

สะออน...หมู..เคยเลี่ยงยูคับ
ขอสงสัยแหน่คับ คอกหมู 3 เดือน
เผิ่นห้อยล้อรถจักรยานไว้เฮ็ดหยังครับคุณนู๋น้อย...55

[นู๋น้อย]

หือ...บ่จักต้นแดงบ้อ แสดงว่าบ้านในเด้นิ เพนเด้อนั้น เป็นไม้ยืนต้น เกิดตามท้องไฮ่ท้องนา เอาไว้เฮ็ดเสาเถียง เสาเฮือน หรือสะแขวนอู่นอนเวนกะด้าย ตามสบาย ฮ้าๆ แต่ทางอื่นสะเอิ้นว่าจะได๋บ่รู้คือกัน แดวไปถามผะถ่าวก่อนด้า อั่นๆ เพนๆ เหลือตะลูกสาวหล้านี้ละมาเฮ็ดเวียกส่อยบ่ ละ ฮ้าๆๆ อ้ายใหย่กะเอื้อยใหย่ขายออกแล้ว พะนะ

อั่นๆ อ้ายคนบ้านๆ ที่ห้อยยางรถ กะเพราะหมูคอกนี้ดื้อคัก กัดกันหลายจน เฒ้าพ่อเลากะเลยเอายางรถมาแขวนไว้ให้กัดเล่น จ้า จั่งบ่ไปหากัดโตอื่น :l- หมูกะดื้อลูกสาวหล้ากะดื้อ เฒ้าพ่อเลาว่า

[มั่วหน่าฮ่าน]

หมูกะดื้อลูกสาวหล้ากะดื้อ เฒ้าพ่อเลาว่า

บรื๋ยยย...อยากเป็นเขยหล่าเบิ่งเด้...สิคอยถ่าเอาหมูไปขายอย่างเดียว...เอิ๊กๆ

[คนบ้านบ้าน]

(พ่อเฒ่านิเลาหัวดีเนาะคับ...อ่านอิหยังงกะออก..555)

....นับถือครับ เป็นภูมิปัญญา..ชาวบ้าน..อีหลีครับ..

[บักขามป้อม]

น่านๆ แบบนี้ต้องหาลูกเขยไปเฮ็ดเวียกซ่อยพ่อใหญ่หนวดเด้นี่ มู๋น้อยเจ้ว่า เบิ่งแหน่ เลายากเวียกหลายจนบ่ซำบาย อิอิ เถียงนาน้อยเป็นตานอนเว็นดีเนาะ ปีหน้าเจ้สิเมือไปยามพ่อใหญ่หนวดนำอยู่ ไปกินลาบเป็ด กับไปขอหมูนำเลาจักโต ฝากเพิ่นเลี้ยงไว้ให้ ฮอดยามขายค่อยไปใหม่ 555

[บ่าวจัย]

ต้นแดงพวกนั่นใหญ่ยามได๋ ส่งข่าวอ้ายแนเด้อน้องหล้า สิไปเอามาเฮ็ดเสาเฮือนแนซั่นดอกอิอิอิ

[นู๋น้อย]

มานกะหายากเด้ละเจ้ เว้าคือเว่ย ฮ้าๆๆๆ เอ้อ ลืม เป็ดกะมีด้า ลืมบอก ฮ้าๆๆพอได้ลาบยุ อั่นๆหมูน้อยนั้นกะถ่าเอาลูกมานอีกชุดด้า มีหมูแม่พันธุ์ยุ 2 โต หุหุ :l-

หือ อ้ายจัย จ่ายต้นละ 2500 คั้นต้นส่ำพอดีเฮ็ดเสา

[Tom_ChumChon]

โอ้ ปันจักต้นแนเด้อต้นแดงหนะ คือปลุกได้แท้น้อ