หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: สิให้อ้ายอยู่จั่งได๋(มอบให้บ่าวก๋าคาม)

  1. #1
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318

    สิให้อ้ายอยู่จั่งได๋(มอบให้บ่าวก๋าคาม)

    สิให้อ้ายอยู่จั่งได๋(มอบให้บ่าวก๋าคาม)
    หล่านางเอย...เจ้าฮู้บ่เจ็บหลายหล่า ยามเจ้าป๋าไปไกลอื่น

    ทุกวันคืนคึดฮอดเจ้า หัวใจเศร้าคึดฮอดเธอ

    ยังละเมอเผลอถึงเจ้า ภาพเก่าๆยังวนเวียน

    บ่เคยเปลี่ยนจากหัวใจ แม้ต่อไปบ่มีเจ้า

    เดินตามเงาแบบคนพ่าย ยิ้มง่ายๆเพื่อหลบคน

    แต่สับสนอยู่ในหัว ตากะมัวคึดเห็นเจ้า

    ร้อยความเหงาที่เฮาสู้ ไผสิคู่ยามเดียวดาย

    เบิดความหมายเมื่อเธอจร ยังอาวรแค่เพียงเจ้า

    เหลือเพียงเงาความอ้างว่าง เส้นทางย่างที่ยาวไกล

    เดินกับไผบ่มีเธอ คงสิเผลอพาใจล้ม...ละน้องสาวเอย


    ผญาบทนี้มอบให้อ้ายบ่าวที่กำลังมีปัญหาทางหัวใจเด้อครับ
    สู้ๆเด้ออ้ายทุกคนยังเป้นกำลังใจเสมอครับ...
    แก้ไขครั้งสุดท้ายโดย ดอกมันปลา; 21-11-2010 at 13:16.


  2. #2
    แบ่งปันความรู้และประสบการณ์ สัญลักษณ์ของ aobab1980
    วันที่สมัคร
    Oct 2008
    กระทู้
    117
    ป๊าดดดด อ้ายข่อยเป็นปานนี้บ่ หายหน้าหายตาไปโดนๆ แม่นอกหักนิบ่น้อ สู้ๆเด้ออ้าย น้องสาวคนนี้ขอเป็นกำลังใจให้อ้ายจ้า มีหยังกะเว่าสู่น้องฟังได้เด้อจ้าอ้ายบี
    อืม..ว่าแต่เจ้าของกระทู้ ไปรู้นำเขาได้จั่งใด คักเนาะเพิ่น จอบดีคัก555

  3. #3
    :*- ขอบคุณครับน้องวัฒน์ สำหรับผญา ขอบคุณกำลังใจครับ น้องออฟ และพี่น้องทุกคน เว้าบ่ออก นอกจากคำว่า ขอบคุณจริงๆครับ..

  4. #4
    เจ้าหน้าที่ประชาสัมพันธ์ สัญลักษณ์ของ บ่าวพันธ์คนเดิม
    วันที่สมัคร
    Sep 2006
    กระทู้
    1,717
    ขอเป็นกำลังใจให้กับทุกคนเด้อครับ แวะมาจอบ

  5. #5
    ดูแลตรวจสอบเนื้อหา สัญลักษณ์ของ ฝนหลวง
    วันที่สมัคร
    Feb 2008
    กระทู้
    1,444
    อดสาเอาครับ เรื่องลืมคงสิบ่อง่าย ทำใจแฮงเป็นไปบ่ได้ เอาเป็นว่าอย่าทำโตไห่จะของว่างเด้อ
    หาแนวยากเข่าไว่ ดนไปสิดีขึ่น แล้วกะหาคนมาดามใจสาคับ
    เขาว่าอกหักดีกว่ารักไม่เป็น ผมว่าขอรักบ่เป็นดีกว่าเพราะถ้ามันหักมาแท้ๆเจ็บแปตาย
    จากผู้มีประสบการณ์ดอกว้า อิอิ

  6. #6
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    น้องหลิน มาให้กำลังใจอ้ายอีกคนจ้า
    เป็นจั่งได๋กะส่งข่าวน้องสาวแหน่เด้อจ้า
    เป็นห่วงอยู่จ้าอ้าย............สู้ๆๆๆจ้าอ้าย
    ทุกปัญหามีทางแก้....ทุกเส้นทางรักย่อมมีอุปสรรค์ ที่ต้องเอาชนะจ้า.....

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ปัญหารักมักมีกลุ้ม อยู่ในมุมหัวใจหม่น ให้อดทนเอาไว้ อย่ายอมพ่ายแพ้ใจ
    สักมื่อหนึ่งคงสิได้ สาวคนใหม่ที่เหมาะสม บอต้องตรมใจเลย หลานก๋าเอ้ยให้ฟังป้า
    มื่อนี่น้าแมนเจ้าพ่าย คอยมื่อใหม่สิมาหา เซ็ดน้ำตาให้แห้งหาย อย่าเสียดายให้มันช้ำ คนงามๆอย่าไปเว้า เห็ดให้เฮาสมองปั่น ปากหวานๆอย่าไปไกล้
    ให้จำไว้นั่นเด้อหลาน

    ป้าขอเป้นกำลังใจให้เด้อ ลุกขึ้นสู้สู้ และก็สู้ อิอิอิอิ
    แก้ไขครั้งสุดท้ายโดย chudhancock; 22-11-2010 at 21:13.

  8. #8
    มาอกหักเป็นเปิ๊ดบ้าน เฮือนซานบ้านผญ๋า
    แต่งกันไปพรรณา แต่งผญ๋ามาฮ่ำฮ้อง
    คนเขาคองคอยท่า อ่านผญ๋าแล้วไห้ใส่
    แม๋...แต่งได้สมใจ คันมื่อได๋ได้ฮ่ำฮ้อง คนกะหย่องว่าแต่งดี
    ข่อยนี้ตี้อยากหัวแท้ แอบยิ้มแป้นำคำเขียน
    ไผ๋วนเวียนเขียนขี้ตั๋ว อกหักหลายสิตายพุ้น
    บ่ฮู้คุณพ่อโตดี ไปกินสุกี้นำสาวใหม่
    เพิ่นอ่านไปหัวล้อ โอ้ย...อยากพ้อฮอดผู้เขียน
    พะนะ เว้าเล่นเด้อจ้า





    ส่างว่าอกหักติจ้าบ่าวก๋าคาม สาพ้อบ่อเห็น อิอิ:l-

  9. #9
    ขอบคุณหลายใจซาบซึ้ง ตราตรึงอยู่ในดวงจิต
    ที่มวลมิตรลิขิตหมาย ให้ผ่อนคลายจากความเศร้า
    มื้อที่เหงามื้อที่ท้อ หัวใจฝ่อเหมิดความหวัง
    ท่านกะยังเป็นแรงใจ ให้คนโซนี้หันสู้
    ทั้งมวลหมู่เอื้อยอ้ายน้อง ส่งมอบกล่องกำลังใจ
    ด้วยห่วงใยใจห่วงกัน สายสัมพันธ์ฉันท์พี่น้อง
    เหมิดทุกห้องหัวใจนี้ เกิดปี้ป่นเพราะคนฮัก
    เพิ่นมาปักป้ายแขวน ตำแหน่งแฟนว่าลาแล้ว
    ทุกๆแนวที่เคยร่วม ที่เคยฮ่วมเส้นทางฝัน
    เรื่องสัมพันธไมตรี กว่าสิบปีมาลาล้าง
    เกิดฮักจางย่อนห่างหน้า วันเวลาพาใจเปลี่ยน
    บ่ได้เขียนเพราะเรียกร้อง หรืกฮ่ำฮ้องขอเห็นใจ
    แค่อยากระบายถึงความเศร้า เหงาหม่นปนความเจ็บ
    ที่มันเหน็มในมะโน ที่พาโซเซซ้ำ
    หากว่าทำให้บางท่าน เกิดรำคาญหรือเคืองโกรธ
    กะให้โทษบ่าวเด้อครับ สิขอรับด้วยนอบน้อม ประการพร้อมแม่นสุแนว...

  10. #10
    อกหักหยังน้อญาอ้าย
    ทุกข์หัวใจอิหยังพี่
    สาวพะนางผุนี้
    สิพอบี้ใส่ยา.
    ..บ่น้อ อิอิ เอาหญ้า โอ๊ะ ยาทาใจบ่จ้าอ้ายบ่าวก๋าคาม

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •