หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ฮู้ล่ะยัง.....ควมซ้ำเป็นจั่งใด๋

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ฮู้ล่ะยัง.....ควมซ้ำเป็นจั่งใด๋

    ฮู้ล่ะยัง.....ควมซ้ำเป็นจั่งใด๋

    ไปสาอ้าย....น้องเลือกผู้ชายที่ดีกว่า
    ยังคงฝังอยู่ในหัว พี่ชายคนต่ำต้อย คำเว้าเจ้า มื้อสั่งลา
    อ้ายเลยเป็นจั่งคนบ้า หูหนาตามืดบอด
    กอดตั้งแต่ขวดเหล้า เฝ้าตั้งแต่แก้ว แนวหัวใจล้าอ่อนเพลีย
    เสียใจหลายจนนอนไข้ สามเดือนยังบ่อส่วง
    เป็นป่วงๆ เซ่อๆ คือจั่งน้องเฝ้านั่งเคียง
    เสียงยังคงดังก้อง คำน้องสั่งยังบาดใจ
    เบิ๊ดอาลัยให้คืนหวน ฮักเฮาจบกันแล้ว
    ผัดมาเห็นน้องแก้ว นั่งเหงาน้ำตาหลั่ง
    บอกว่าถืกหักหลัง เขาไปมีใหม่แล้ว ป๋ะน้องบ่อสั่งลา
    คึดเห็นอ้ายแหน่บ่อหล่า ยามน้ำตาเจ้าร่วงหล่น
    คนอกหักฮักร้าว ควมเจ็บซ้ำเป็นจั่งใด๋

  2. #2
    แบ่งปันความรู้และประสบการณ์ สัญลักษณ์ของ บ่าวหาร
    วันที่สมัคร
    Aug 2008
    ที่อยู่
    ชัยภูมิ
    กระทู้
    158
    ฮ่วย...คือเป็นตาเหลือโตนแท้น้อบัดนี้...

  3. #3
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    คือมาจั่งเข้ากับชีวิตของบ่าวแท้น้อบาดทีนี่

  4. #4
    แบ่งปันความรู้และประสบการณ์ สัญลักษณ์ของ เขยผู้ไท
    วันที่สมัคร
    Jun 2009
    ที่อยู่
    กาฬสินธุ์ , อยุธยา
    กระทู้
    164
    จะแมนเศร้าเนาะคับเนาะ...ยังมีกำลังใจจากพี่น้องบ้านมหามอบให้ยุเด้อคับ
    แก้ไขครั้งสุดท้ายโดย เขยผู้ไท; 26-11-2010 at 15:04.

  5. #5
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    มีพบต้องมีจาก มันเป็นสัจธรรม...จุดจบทำให้เกิดการเริ่มต้นเสมอ....เป็นกำลังใจให้เด้อจ้า สู้ สู้ สู้ :b-b :b-b

  6. #6
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    แนวความฮักว่านั้น มันเป็นสิทธิ์ที่หัวใจ
    แมนสินั่งน้ำตาไหล เจ็บหัวใจคือไฟดุ้น
    ขอขอบคุณความฮักไป ที่เฮ็ดให้ได้แข็งแกร่ง
    ให้เฮาได้เข้มแข็ง ต้านความแฮงโน้มท่วงโลก หัวบ่โขกดอกแผ่นดิน
    อันชีวิตยังบ่อสิ้น ดินบ่อได้กลบหน้า
    มันยังมีเวลา โอกาสหน้าสิมาซ้อง
    ความเจ็บซ้ำของน้อง น้ำสินองกะแห่งเหือด
    บ่อมีเชือดเฉือนได้ แต่ฝังใจแมนบ่ลืม
    ยืมเอาความเจ็บร้าว ก้าววันใหม่ได้ศึกษา
    ว่ามันสิบ่กลับมา สร้างปัญหาเทื่อสองซ้ำ
    ยอมเป็นคนใจดำ จำแล้วเจ็บเจ็บแล้วจื่อ
    ให้มันดำคือหมื๋อ บ่สามรถดอกเปลี่ยนสี แท้แล้วพี่เอ้ย

  7. #7
    ศิลปิน นักแสดง สัญลักษณ์ของ เชษ แฟมมิลี่แมน
    วันที่สมัคร
    May 2010
    กระทู้
    207
    เรื่องแบบนี้ บ่ถืกกับไผ กะบ่รู้รสชาติความเจ็บปวด ความทรมาน ถ่าพ้อผู้ใหม่ยามได๋

    ขอให้บอกว่า **บ่เสียใจเลยที่เคยอกหัก**

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย เว้าถึงคราวก่อนนั่น น้องบอทันตรึกตรองก่อน
    ถิ่มอ้ายไปย้อนใจฮ้อน บอห่อนฮู้มองบอเห็น
    เจ็นลำเค็นได้เห็นแล้ว มารู้รสเป็นจังได๋
    ความเสียใจที่น้องเคย ก่อกระทำดอกนำอ้าย
    ฮอดเจ็บหลายเป็นสามเท่า รับอุ้มเอาเป็นสิบท่อ
    นี่แหละน้อ กรรมเฮ็ดไว้ เลยมาได้ดอกรับเอานี่แหล่ว

  9. #9
    ศึกษาหาความรู้ สัญลักษณ์ของ บ่าวจีดส์
    วันที่สมัคร
    Apr 2010
    กระทู้
    349
    ฮ่วยยยยย...น้อ มันคือกันบ่ล่ะ ทิดจ่อย การอกหักกะการรอคอยแบบบ่มีความหวังนะ แต่มันก้อคือซิเจ็บปวดบ่ต่างกันดอกเนาะ บ่อยากคึดฮอดมันแล้วครับ ลืมมันสา แฮงคึดฮอดแฮงเจ็บหลายยยยยยยย

  10. #10
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    ถึงน้ำตาสิอาบแก้ม อ้ายยังแนมสิฮักต่อ
    ประสานก่อต่อใจฮ่าง จากเขานั้นที่สั่งลา
    กลับคืนมาสาน้องเจ้า ถิ่มความเหงาอย่าเป็นห่วง
    สิ่งหลอกลวงแต่ก่อนพุ่น อ้ายคนนี้บ่ว่าหยัง
    เก็บฮักพังที่เพม่าง โยนข้างทางอย่าเหลียวเบิ่ง
    อีกบ่เหิงดอกน้องหล้า ลืมเขานั้นได้แน่นอน...ละน้องสาวเอย

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •