ร่วมอวยพรวันเกิดให้ pcalibration พี่ชายที่แสนดี

[ติ๋ม เปอร์โย]

สุขสันต์วันคล้ายวันเกิดจ้าอ้าย...ขอให้มีแต่ความสุขความเจริญ สุขภาพดีตลอดปีและตลอดไปจ้าอ้าย

[ติ๊กต็อค]

มื้อนี้วันเกิดเจ้า เอาพรชัยมาส่ง

ประสงค์ใดขอให่ได้ สมด้ามดั่งหมาย

คันเจ้าคึดอยากได้ สรรพสิ่งเงินทอง

ให่หลั่งไหลมากอง เต็มห่องเฮือนของเจ้า

โชคดีให่หลั่งเข่า โพยภัยให่ไกลห่าง

พบแต่ทางก้าวหน่า นำพาเจ้าสุขสำบาย

อันหมู่โรคาไข่ หวัดไอไข่บ่สวง

ปวดแข้งขาเจ็บส่วง ให่หายสิ้นสู่อัน

อายุยืนยาวมั่น สุขสำราญการเป็นอยู่

สมประสงค์สู่ด้าน ให่ฝันเจ้าเป็นความจริง เด้อ สาธุ

....สุขสันต์วันเกิดจ้าอ้าย...

เครดิตผญา --- พ่อครูวิทิต ไชยวงศ์คต

[ข้าวต้มมัด]

อ้าว....วันเกิดเจ้าติอ้าย พี บ่มีหยังมาให้นำหมู่ดอก(ขนมเค็กกะโหลดบ่เป็น)
อ้าวสมมติว่าเอาฝ้ายมาผูกแขนสั่นน่ะ ยื่นมือมาจ้า

ศรี ศรี มื่อนี้แมนมื่อดี
อ้ายพี่(คนหล่อ)เพิ่นได้เกิดมา
คนงามตา วาจาเว้าม่วน ( เพิ่นตอบกวนยุสุมื่อนำกะทู้ทั่วไป )

อ้าว......ลำผิดแล้วพี่ ...ขออภัยจ้า

เพิ่นน่าชวนนับถือคือคุณพี่ชายต่อไป
ได้ห่วงใยน้องๆๆคือเจ้าของพุ้นตั่ว
คำมวนนัวม่วนหูเพิ่นเขียนไว้ให้เบิ่งนำ
ให้มีคำมีแก้ว แนวของล้ำค่า
ให้มีหน้ามีตา เลื่อนขั่นใหญ่เป็นนายโต
ให้อยู่สุขส่ำบายกายใจทุกเช้าค่ำ
นางนำฝ้ายผูกแขนนี้มาผูกคุณพี่นาง
นอนหลับให้เจ้าได้เงินพัน
นอนฝันให้เจ้าได้เงินหมื่น
นอนตื่นให้เจ้าได้เงินแสน
แปนมือไปให้ได้แก้ว มณีโซติ
โทษฮ้ายอย่ามาพาล
มารฮ้ายอย่ามาผ่า ให้ตลอดลอดฝั่ง
อายุหมั่นขวัญยืน อายุ วัณโณ สุขขัง พลัง สาธุ

อ้าว โหลดให้ได้แต่ในนี้หล่ะจ้า อันอื่นกะเฮ็ดบ่เป็น อิอิ

[ดอกมันปลา]

สุขสันต์วันเกิดเด้ออ้าย อย่าเมาเด้อมื้อวันเกิดนะ
จาก......น้องวัฒน์

[บ่าวโจ่โล่]

ขอความสุข ความหวัง ความตั้งใจ ความปลอดภัย ความสมบูรณ์พูนสุข

ในทุกหวัง ขอให้ดั่งสมปรารถนา โรคโรคาพยาธิ หลีกหนีพ้น เด้อครับอ้าย

ปราถนาสิ่งใด ให้สมแม้น เป็นหมื่นแสนคือใจว่า ขอเทวาคุ้มครองอ้าย

ให้แพ้พ่ายหากสิ่งบ่ดีครับผม สุขสันต์วันเกิดครับอ้ายพี

[pui.lab]

ขอให้ท่านและครอบครัว มีความสุข หลายๆเด้ออ้าย

[หญ้านาง]

สุขประเสริฐเลิศดวงในปวงภพ
ให้มาครบพรงามความทรงศรี
พละยิ่งอายุยาวใดในปฐพี
วรรณะศรีสุดพิลาสประสาทพร

สุขสันต์วันเกิดเด้อจ้า อ้ายพี

[pcalibration]

ขอบคุณครับ..
ผมขอน้อมรับด้วยความปิติ
ทุกดำริห์คำอวยพรจงย้อนกลับ
ทั้งคนรับคนส่งคงความหมาย
ขอบคุณครับพี่น้องทั้งหญิงชาย
ขอบคุณอย่างมากมายด้วยไมตรี
ธุจ้าธุจ้าธุจ้า

[บ่าวน้ำโสม]

ขอให้อ้ายสุขเทิงกายสุขเทิงใจ โรคภัยอย่าได้ข้อง แข็งแรงทุกมื่อเด้อครับผม..