กำลังแสดงผล 1 ถึง 10 จากทั้งหมด 10

หัวข้อ: อย่าลืมฮากเหง่าเฮาเด้อ

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    อย่าลืมฮากเหง่าเฮาเด้อ

    อภิวัฒน์เบื้องพลเมืองผญากล่าว
    บอกเรื่องราวพอฮู้เป็นครูหนังสือข่อย
    บ่เคยจางจืดจ้อยคือเกลือจ้ำแฮ่งเค็ม
    ตกบ่อนเข้มกะเต็มถุงกระบุงกระต่า
    สืบกันมาแต่ต้นจนถึงรุ่นหุ่นสมัย
    สังสิไลลาถิ่มเป็นสนิมคือของเก่า
    คั่นหมู่เฮาบ่เตื้องภูมิเมืองถิ่มป่อย
    คนสมัยหนุ่มน้อยกะป๋าถิ่มเป่าดาย
    บ่หว่าฝั่งขัวซ้ายแลงงายแปรเปลี่ยน
    วิถีเวียนต่างกี้เทคโนโลยี่หากต่างกัน
    ความสำคัญผิดหม่องครรลองกะฝืนฮีต
    ทางจารีตกะผิดเพี้ยนเป็นคือเสี่ยนถั่งแทง
    พิษสำแดงหมกมุ่นหลงลืมคุณคนหัวด่อน
    หาแต่ควมเดือดฮ้อนสุมไฟซ่อนอยู่บ่วาย
    ควมคิดเห็นกะเป็นฮ้ายฝักฝ่ายแต่กูมึง
    บ่คำนึงเลยไผลูกพ่อไทยคือเดียวด้าม
    ถิ่นสยามเมืองยิ้มใสฮอยพริมบ่คือเก่า
    พวกชาวเฮาพี่น้องสิมองหน้ากันจั่งได๋
    นับฮอยไทที่เขาหย่อสิเหลือบ๊อท่ฮิ้นไต่
    ขั่นบ่ฮักกันไว้แหม่นไผแท้สิฮักเฮา...น๊อพี่น้องเอ้ย
    แก้ไขครั้งสุดท้ายโดย pcalibration; 04-12-2010 at 15:21. เหตุผล: แก้คำ

  2. #2
    แบ่งปันความรู้และประสบการณ์ สัญลักษณ์ของ หนุ่ม101
    วันที่สมัคร
    Dec 2009
    ที่อยู่
    ร้อยเอ็ด แต่ใน กทมพระราม2
    กระทู้
    79
    บางครั้งก็อยากลืมมันเหมือนกันแหละ คับ มันขมขื่นเหลือเกิน

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ผญ๋าอ้ายพี่ ม่วนขนาดจ้ามื่อนิ
    ขออภิวาทเพทไถ่ พระจอมศรี
    บารมีทรงธรรม ให้มาโฮมมาตุ้ม
    ให้มาโฮมมาหุ่ม ชาวอีสานน้องพี่
    ให้รักษาประเพณี โบราณมีแต่ฮีตเค้า
    อย่าให้เศร้า ดอกเก่าหมอง
    ให้ซุมพวกพี่น้อง มาครองฮักกันดู
    ให้ความดีมาอุ้มชู คือดั่งครูเพิ่นเขียนไว้

    "อย่าสุไลลืมถิ่ม มูลมังอีสานเก่า
    อย่าสุเผามอดเมี่ยน เสียถิ่มบ่มีเหลือ"

    ให้เฮาเมือมาสร้าง นำกันคือดั่งเก่า
    ให้มันสมคำเว้า ฮู้รักสามัคคี
    สิ่งได๋ดี ให้พี่น้องเติมต่อ
    สิ่งได๋งอให้ตัดถิ่ม สิเอาไว้แมนเฮ็ดหยั่ง สั่นแหล่วพี่น้องเอ้ย

  4. #4
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    "สำนึกบ้านเกิด" ฮ่าๆๆๆๆ:*-:*-:*-

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    หลาน พีเอ๋ย คำว่าลืมคำนี่ บอมีอยู่ในสมอง ยังฮักผองเผ่าพัน เมืองอีสานคำเก้ย
    ไสสิเคยลืมได้ ฮากเหง่า วงตระกูล เลือดหากขุ่นอยู่เสมอ บอมีใสคือดั่งน้ำ อีสานคำ
    ยังคงก้อง ฝังสมอง บอลัยห่าง บอเคยวางปล่อยไว้ บอหงายถิ่ม จังบักหอย
    ดอกจ้า

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    พงพันธุ์เซื้อซุมเก่าชาวอีสาน
    อยู่แต่เหิงโดนนาน
    เผ่าอีสานพงเซื้อ
    ไปบ้านเหนือได้เกลือก้อน
    ไปสวนดอนได้ซิ้นใหม่
    บ่ว่าเหนือหรือใต้
    ฮักแพงไว้อยู่เสมอ........มาร่วมม่วนนำเด้อจ้า อ้าย

  7. #7
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    แม่นจากไกลมาหลายฟ้า หลายเวลาบ่ได้ต่าว
    ยังบ่ลืมบ้านเค้า ของเฮานี้ถิ่นสถาน
    จากมานานเพียงกายพ้น ใจยังวนบ่ถิ่มห่าง
    แม่นมาอยู่ต่างบ้าน ทางใจนั้นบ่ต่างไป
    ถึงเวลาพอคืนได้ สิกลับไปชบถิ่นเก่า
    มีพ่อแม่พี่น้องเค้า บ่ลืมเจ้ายังคิดถึง...อยู่เด้อ

    น้องวัฒน์ กะบ่เคยลืมคือกันครับ

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    เห็นว่ามีสุขแล้วผักตำนิลบออยากเบิง
    เห็นว่ามีสุขแล้วบอเหลียวแลเพื่อนหมู่
    ในโลกนี่บอฮ่อนอยู่เดี๋ยวเป็น

    คั่นว่ามีผืนผ้า บอหาแพรมาพาดบ่า
    คั่นได้กินต่อนซิ้น ปลากั้งบออยากเหลียว
    คั่นบอสุขอยู่เรื่อยสิเหลียวหน่าเบิงไผ๋
    อยู่แต่คนเดี๋ยวด๋าย บอฮ่อนเป็นเมืองบ้าน
    คั่นสินุ่งแต่ผ้า ไปได้ดอกจังได๋ นี่แหล่ว

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อย่าสุลืมฮากเหง้า เดิมเก่าปางหลัง
    อย่าได้ซังเซีงติ กล่าวเตียนเต็งเค้า
    อย่าสุลืมคลองเฒ่า บูฮานเพิ่นต้านสั่ง
    โอวาทังถ่องแท้ เด้อท้าวบ่างนาง
    ผญาคำกล่าวอ้าง หาก-วางป่องคลองเดิม
    มีบ้างเติมสาธก ยกมาให้เห็นแจ้ง
    เขียนแสดงไขอ้าง เป็นทางฮั้วฮ่อม
    ซอมให้เห็นบ่อนแท้ เด้อท้าว บ่าวนาง ก็ดี
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    บ่ได้ไลลืมเหง่า..พงษ์เผ่าสกุลเดิม
    บ่เห่อเหิมเติมต้อง..คะนองล้นจนลืมหลัง..ดอกหนา
    ยังจือจำคำเว้า..ยายเฒ่าเผิ่นสอนสั่ง
    ได้กินหนังกินเนื้อ..อย่าลืมเกลือกะทอ..เด้อนางเด้อ

    คันลืมเกลือบ่ได้กินปลาแดก :l-

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •