หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ให้ไปเบิงต้นน้ำชี

  1. #1
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949

    ให้ไปเบิงต้นน้ำชี

    พี่น้องเอ้ย กล่าวถึงชัยภูมิก้ำ อีสานคำ น้ำชีก่อ
    เมืองเจ้าพ่อเพินก่อสร้าง เลามายั่งอยู่นำ
    ภูเขาเขียวเป็นต้นน้ำ เอิ้นลำชีเป็นที่กล่าว
    เขาเทวดาพุ้นเด้อเจ้า น้ำไหลเข้าฮ่วมกัน
    มีน้ำตกเป็นร้อยชั้น ไหลโฮมกันปานวาดใส่
    เทวดาเพินเฮ็ดไว้ หรือไผ๋สร้างจังแมนดี
    เขายอดชีมีนามตั้ง เขาอุ้มนางมีน้ำลั่ง พี่น้องเอ้ย
    แต่หล่ะทางไหลซับซ้อน มาโฮมท่อนบ่อนเดี๋ยว
    เขาหินปูนน้ำเซาะเสี้ยว ไหลซึมเซาะมาเป็นสี
    ไหลลงชีคือดั่งกัน อรรศจรรเด้พี่น้อง
    หลายหลากมองเห็นสีน้ำ ตามแต่บอคือกัน
    ปานสวรรณ์สั่งทำ มาซ่างงามเอาฮ้าย
    ไผ๋ได้ไปกะคงฮู้ ขึ้นเทิ้งภูไปลองเบิง
    ไปฮอดเถิงแล้วสิฮ้อง ซะออนโอ้โอ่ยน้อ
    น้ำตกมากนี่กะด้อ สวยงามน้อธรรมชาติ
    ใสสอาดบอต้องเว้า ให้ซุมเจ้าไปเที่ยวชม
    หย่างข่วมเขาไปให้โม้ม มัวหลงชมดงอร่าม
    ขึ้นเทิ้งเขา สันปั๋นน้ำ งามแท้ได้แวะเซา
    คือเป็นเขาแบ่งห้าม เขาเขตเพรชบูณ
    ลองพวกคุณได้ไป น้ำเพียวใสได้เห็นพร้อม
    ดอกไม้หอมก็หลายล้น มวนไม้ผลกะหลายหย่าง
    มีฮอดเสือฮอดซ้าง กวางเก้งเบ่งเสียง
    เทิ้งฟังเสียงชนีฮ้อง มันเกาะก่องแล้วโหยหวน
    ดอกลำดวนกะมีหลาย มากมาย พืชพันธ์ไม้
    ซุมต้นไผ่ก็หลายแท้ มีตั้งแต่ลำใหญ่ๆ
    เป็นบุญหลายเด้พี่น้อง ได้มาท่อง เที่ยวเห็นนี่แหล่ว:l-:b-b
    แก้ไขครั้งสุดท้ายโดย chudhancock; 07-12-2010 at 04:24.

  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    พี่น้องเอ้ย มาตอนสอง ของแม่น้ำ ต้นลำชี
    มีมาตื่ม ย้อนว่าลืม แต่ทีแรก กะเลยต้อง
    มาต่อเติม ก่อนสิเว้าริเริ่ม ความตอนเดิม ยังบอเปี่ยง
    เว้าแต่เรื่องแม่น้ำ เลยลืมถ้ำเทวดา เขาน้ำอุ่นนี่หล่ะจ้า
    น้ำไหลมาสีขุ่นๆ เขาหินปูนแฮงขุ่นฮ้าย น้ำไหลใต้ในหลืบหิน
    น้ำที่ใสอยู่บอสิ้น ไหลเทิ้งหินที่พันเกี่ยว สายน้ำเพียวที่หล่ะเจ้า
    ไหลมาเข้าฮ่วมชี สุดน้ำเพียวแต่ทอนี่ ใสสวยดีบอมีหม่น
    เย็นสวยใสไหลจล้น มาสุดส้นหม่องต้นชี ส่วนน้ำโกยกะเต็มที่
    ไหลลงชีมีน้ำตื่ม รวมสี่สายที่แน่ๆ ขานซื่อแท้ว่าแม่ชี นี่แหล่ว

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ดีหลายครับป้า...ขอบคุณครับ
    พรรณนาแนวนี่..เคยฟังแต่ลำกลอนสมัยก่อนๆ
    เผิ่นสิลำพรรณนาเป็นเรื่องเป็นราว.เช่น.เวียงจันทร์ล้านช้าง..ประวัติเมืองเก่าๆ
    หรือแม้แต่ชาดกต่างๆ..ฟังแล้วมันออนซอน..ส่ำฟังเทศมัทรีกัณฑ์สองครับป้า

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อิอิอิ ขอบใจเด้อหลานพีจ๋า ทีแรกป้าก็ว่าสิใส่เป็นลำ ทีนี่เลยมาใส่กลางเว้ากลางลำคือลำกลอนตอนเพินเว้านั่นหล่ะจ้า อิอิอิ ขอบใจหลานมากๆเลยจ้าที่แวะเข้ามาอ่านเป็นหมู่ป้า คนแรกแฮกหมาน อิอิอิอิ

  5. #5
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ม่วนหลายจ้าแม่ สุดยอดจ้า นางเข้ามาเป้นกำลังใจเด้อจ้า ถ้าใส่ทำนองนี้ม่วนแฮงจ้า

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    เอ้าเด้อ นางสิพาลงผ่าย สายนทีแม่น้ำส่ง ชวนพี่ลงเฮือน้อย สิลอยเล่นหว่างตะพัง นางสิพาอ้ายยั้ง
    กลางแก่งลำหิน ยินแต่เสียงโตนๆ หล่นลงแต่ลำน้ำ งามแท้น้อบ่มีเทียบ เปรียบสายลำชีเอื่อย เชิญหมู่ป้าน้าเอื้อย มาชมเล่นและฮักษา

    สายน้ำชีนี้น่า ครั้งบุราณกะขานกล่าว คือจั่งเงาหล่อเลี้ยง อีสานเสี้ยงคู่สู่อัน .............อิอิ(ร่วมลำนำจ้าแม่)

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ลูกแม่เอ๋ย หญ้านางลูกแม่ ลำเจ้ามวนแท้แท้ มาแจมแค่หน่อยเดี๋ยว แท้น้อ



    มวนดีจ้าคือบอต่ออีกแนเก่งอีหลี แท้แท้เลยลูกสาวคนงามของแม่ ขอบใจลูกมากๆเด้อที่เข้ามา
    ม่วนเข้ามาซ่อยกันม่วน แถมยังมาชมแม่อีกอิอิอิโอ้ยตื่นเติลลลลลล

  8. #8
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ได้ยินเสียงสาวชัยภูมิต้านเว่าคำหวานมาต้านกล่าว
    เสียงเว่าปานผุสาวมาเสนาะเพราะพริ้งจริงแท้แมนผุใด๋

    โอ้ ป๊าด กรี๊ด ๆ คุณป้าลำซิ่ง แต่งได้เสนาะเพราะพริ้งคักครับ เอาอีก ๆ ๆ

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อิอิอิอิ หลานพลจ๋า โอ้ยเต่นเติ้ล อิอิอิ เทิ้งดีใจ กำลังที่แสนดี ก็ยังมีมาเรื่อย

    ดีใจและมีกำลังใจที่สิเอาอีกยุดอกจ้าจังซี่ อิอิอิ อั่นมาๆเอาต่อเนาะซั้น หลาน อิอิอิ

    ขอบใจมากๆๆๆและก็มากๆเลยจ้า ในเมื่อมีกำลังใจมาช่วยเชียร์ปานนี่ สิบอต่อก็เห็นทีสิเป็นไปบอได้อิอิอิอิ






    และก็ขอขอบใจทุกๆกำลังใจที่มีให้กับป้าที่แวะมาหามาช่วยให้มีแฮงและกำใจที่จะตั้งกะทิ เอ้ยอิอิอิตั้งสมาธิ รักทุกๆคนเลยจ้า

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    พี่น้องเอ้ย ให้ไปเบิงเอาโลดเจ้า หย่างปีนเขาเข้าในป่า
    ดงป่าหนา ดงป่าน้ำสวยล้ำถ้ำทอง เป็นตามองแท้สายน้ำ
    ไหลนำฮูไต้หินโผ่ล ซอดมาจบเบิงแล้วโอ้
    เป็นสายน้ำหลั่งนอง ยามได้มองคั่นเห็นแล้ว
    บอมีแนวสิมาท่อ งามแท้น้อสายน้ำ เหย็นฉ่ำซุ่มใจ
    น้ำตกไหลอยู่บอสิ้น โตนจากหินบอสิ้นส่าง
    ไหลเป็นทางต่างพร้อม สมยอมต้อมใส่กัน
    เขายอดชีว่านั่น ขนานนามตามแต่เก่า
    ที่พวกเฮาได้เอิ้น เติ๋ลต้าวกล่าวนาม
    เอิ้นว่าสายแม่น้ำ ลำชีนี่หล่ะท่าน
    ปรากฎการตั้งแต่กี้ ได้มีน้ำหลั่งนอง
    พวกพ่อแม่พี่น้อง ผองเผ่าชาวอีสาน
    สายลำธาร แ ม่ นที ใช้น้ำชีบอมีเว้น
    น้ำชียาวเป็นล้านเส้น หลายจังหวัดไหลลัดผ่าน
    บอกันดาลเรื่องน้ำ ตามท้องท่งนา
    แม่น้ำชีนี่เลิศค่า พวกชาวนามีน้ำหล่อ
    ไหลจากตอ ต้นน้ำ ตามแต่ต้นได้กล่าวมา นั่นแหล่วว


    ขอ ขอบใจทุกๆกำลังแรงใจเด้อจ้า
    แก้ไขครั้งสุดท้ายโดย chudhancock; 16-12-2010 at 18:55.

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •