เมื่อพระเอกมาช่วยลูกหิน...

[lukhin_inter]

เมื่อพระเอกมาช่วยลูกหิน...อีหลีจ้า

20 พฤศจิกายน 2553 อีกหนึ่งวันที่ลูกหินต้องจดจำภาพความประทับใจไว้ไม่ลืมเลือนเลยจ้า...การเดินทางจากสุรินทร์ถิ่นอีสานใต้มุ่งหน้าสู่กรุงเทพมหานครเพื่อไปอัดเพลง"คิดถึงเธอ" หนึ่งในผลงานเพลงจากอัลบั้มเติมฝันปั้นดาว ณ ฮ่มบักมี่เรคคอร์ด อิอิ ได้เจอหน้าอ้ายบ่าวข้าวจี่ที่ได้ยินแต่เสียง ..บ่เคยพ้อหน้าญาอ้าย มื้อนั้นได้เจอแล้วจ้า ได้เจอหน้าพี่น้องจากคุ้มบูรพาที่อยากเจอมานาน ทีมงานคนฮักบ้าน คุ้มสามเสน คุ้มยุดยา :l- ...ได้เจออ้ายหมอลำธนิต อ้ายบ่าวเซียงน้อย อ้ายพล เสี่ยวเด็กน้อยที่รัก อ้ายบ่าวยางตลาด อาวอ้วน ทิดรสมักม่วน (กรี๊ดๆๆ) น้องหน่อย น้องแม็กกี้ น้องสาวกรุงศรี น้องลูกหล่า น้องแพม น้องไหน้ำน้องบ่าวพันธ์คนเดิม น้องยุทธ น้องปั๊ม จ่าเหลือง น้องฝนหลวง น้องลูกหล่า น้องออฟ น้องบ่าวจัย น้องเอ๋ และอีกหลายๆน้อง อิอิ สรุปว่าข้อยซงสิเฒ่าสุดหละ มีแต่ผู้เป็นน้องหละหลาย

มื้อนั้นไปฮอดที่ห้องอัดฮ่มบักมี่กะเกือบสิบ่าย 2 ได้ไปฮอดปุ๊บ พอรถเลี้ยวเข้าจอด ยางรถเจ้าทองดำกะแบนแต๊ดแต๊ ทันที....(ปานว่าจะลองใจสุภาพบุรุษ ยังไงยังงั้นเลยจ้า) เจ้าทองดำของลูกหินกะบ่เคยเน๊าะ ที่ต้องเปลี่ยนล้ออะหลั่ย เลยถอดยากคัก...มื้อนั้นได้ 2 หนุ่มใจดี ทิดรสมักม่วน น้องบ่าวจัย พระเอกจ้า พระเอก และอีกหลายๆหนุ่มจ้า มาช่วยเปลี่ยนล้อ (ตอนเพิ่นเปลี่ยนลูกหินกะไปอัดเพลงอยู่ด้านใน) ด้านนอกมอบกุญแจไว้ให้อ้ายบ่าวคนเดิมจัดการ ออกมากะเรียบร้อย...จากนั้นต้องไปเปลี่ยนและซ่อมที่ปั๊มอ้ายบ่าวยางตลาดต่อจนแล้วเสร็จ (ขอบพระคุณญาอ้ายบ่าวยางตลาดหลายๆเด้อจ้า) และไปปั๊มฮ้างสถานที่ที่อยากไปมาตั้งโดนแล้ว..อิอิ มื้อนี้นำภาพประทับใจในน้ำใจที่มีให้กับลูกหินอินเตอร์ ความเอื้ออาทรของพี่น้องบ้านมหาเรา แม้นอยู่ไกลกัน แม้นเราจะไม่ได้เว้าจากันมากมาย ชีวิตดำเนินไปทุกวัน แต่มิตรภาพนั้นจะอยู่ในใจกันและกันตลอดไป......ขอบคุณจ้า

มาดพระเอก..เอาฆ้อนมาทุบให้ล้อหลุดเด้นี่ ปรากฎว่า..ฆ้อนอันนี้หัก จ้า


น้องบ่าวจัย..มาจากซิดเบ็ดกะมาถอดล้อเลย 55555+


ต้องรักกันจริงเด้อจ้า...ล้อถอดยากคัก เกือบจะ 2 ชั่วโมงได้เด้อจ้ากว่าสิเรียบร้อย


ขอบคุณทิดรสและน้องบ่าวจัย อ้ายบ่าวยางตลาด อีเกียม้างโลก ทุกท่านมากๆเด้อจ้า


ถอดยางอาหลั่ยเสร็จต้องพักเอาแฮง..พอดีเลยเด้นี่หม่องนอน


จากนั้นก็ต้องมาถอดซ่อมเอาของจริงใส่กลับคืนได้รับความอนุเคราะห์จากอ้ายบ่าวยางตลาด
อ้ายพล และอ้ายบ่าวคนเดิม...ช่าง..ช่างเพิ่นเถอะ..เอ้ย ช่างกิตติมศักดิ์ จ้า



ลูกหินขอกราบขอบคุณทุกกำลังแรงใจมิตรภาพที่งดงาม..ที่มีให้ด้วยดีมาโดยตลอดจ้า