โอกาสของคุณหญิง

มื้อนี้โอกาสดีสิได้นำเสนอเอาใจฝ่ายหญิง แฟนๆนิทานขาประจำ มอบไว้เป็นกำลังใจผุ
ท้อแท้สิ้นหวัง หรืออยู่ในภาวะที่กำลังอ่อนแอทางจิตใจ บ่ว่าสิเป็นในเรื่องความรัก ครอบ
ครัว เชิญรับฟังได้เลยครับ

คฤหาสน์หลังงาม มีคุณหญิงคนหนึ่ง ซึ่งเป็นคนที่สวยงามมากๆ งามจนเลอโฉมพุ้นหล่ะ
แต่ว่า..คนงามๆมักสิบ่สมหวังในทุกๆเรื่องดอกเนาะ จุ๊...จุ๊..จุ๊.. เพิ่นได้สามีขี้หล่าย ขี้ฮ้ายนั้น
หล่ะ บ่ค่อยเอาการเอางาน กินแต่เหล้าเมาแต่ยาพะนะ สาวใซ้เพิ่นกะมักสงสัยเนาะ
เอ๊..คนผุดีผุงามปานนี้คือมีผัวขี้หล่ายแท้ เพิ่นคิดในใจ กะเลยตัดสินใจถามคุณหญิงเพื่อให้
หายความสงสัย


“อันนน...คุณหญิงขา...อย่าว่าหนูระลาบ ระล่วงเด้อค่ะ คุณหญิงทั้งขาว ทั้งสาวทั้งสวยทั้ง
งามปานนี้ คือจั่งเลือกเอาคุณผุซายผุนี้เป็นคู่ชีวิต...? ล่ะค้า” คุณหญิงมีเหตุผลหยัง อดบ่
ได้ อยากฮู้อยากเห็นตามคุณลักษณะวิชาชีพเพิ่นนั่นหล่ะ

ฝ่ายคุณหญิงที่ถืกถาม กะยิ้มบ่ได้ฮ้ายเด้เพราะว่าเพิ่นเป็นคุณหญิงเนาะ และกะบ่ได้ตอบ
อิหยัง มีแต่บอกสาวใซ้ว่า....


“เอาจั่งซี้ เธอจงย่างเข้าไปในสวนดอกไม้แล้วกะเด็ดดอกไม้ ที่เธอคิดว่าสวยที่สุดมาให้เฮา
จักดอกนึง แต่ว่าเธอห้ามย่างย้อนหลังกลับเด็ดขาด”

สาวใซ้กะทำตามที่คุณหญิงบอก.... สาวใซ้เข้าไปในสวนดอกไม้ที่สวยงาม พ้อดอกไม้
หลากหลาย นานาพันธุ์มีแต่ดอกสวยๆทั้งนั่น เทิ่งปากเทิ่งใจกะคิดว่าดอกนี้สวยแท้ ดอกนั้น
งามแท้ ดอกนี่กะสวย สิเลือกดอกใด๋ดีน้อสวยไปเหมิดทั้งสวนเล้ย... นางกะเดินไปเรื่อยๆ
จนมาฮู้สึกโตอีกเทื่อนึงกะจนสิสุดสวนดอกไม้แล้ว เหลียวเห็นแต่ดอกหน้างัวเหี่ยวๆ อยู่
ท้ายสวนดอกสุดท้าย บ่ฮู้ว่าสิเฮ็ดจั่งใด๋ดี....ย่างย้อนกลับหลังกะบ่ได้ คณหญิงสั่ง กะเลย
เด็ดเอาดอกหน้างัวเหี่ยวๆ ดอกสุดท้ายนั่นแหล่วมาให้คุณหญิง

คุณหญิงกะเลยเว้าขึ้นว่า..... “เป็นใด๋เพิ่นนนน.... เป็นใด๋เธอออ.. เข้าใจแล้วไป่...บาด
ฮิ..เนี้ย...?”


บางคนอาจมีโอกาสที่ดีๆ มากมายในชีวิต แต่ถ้าว่า...บ่หยิบฉวยมันไว้ ปล่อยให้ลองลอย
ผ่านไปเทื่อแล้วเทื่อเล่า เพียงเพื่อว่าถ่าหาโอกาสที่ดีที่ซู๊ด บางครั้งเฮาอาจสิกลายเป็นผู้ที่
ต้องสูญเสีย เพราะเวลากะสิเหมิดไปๆ โดยที่ยังบ่ได้เฮ็ดอิหยังเลย



คือกัน คือกัน สิเป็นสิ่งที่น่าเศร้าหลายถ้าคุณอยากว่ายน้ำแต่กะย่านจะของเปียก.... อยาก
ลดน้ำหนักแต่ของกินกะบ่เคยขาดปากจั๊กเทื่อ กินจิบกินจ้อยเอิ้นว่าตามใจปาก อยากมีราย
ได้หลายแต่ทำงานน้อยลง อยากสำเร็จแต่กะรอถ่าแต่ผุอื่นมาซ่อย บ่เคยให้โอกาสมันเกิด
ขึ้นเลย แน่นอนมันกะสิบ่มีมื้อเกิดขึ้นได้


การมีความใฝ่ฝัน มีเป้าหมายในชีวิต มีความทะเยอทะยาน ขอเพียงพวกเจ้าทำให้มันเกิดมี
เกิดขึ้นท่อนั่น แม้บางเทื่อเฮาอาจสิบ่ได้ประสบความสำเร็จสูงที่สุดกะตาม แต่สิ่งที่เฮา
สามารถพบพ้อได้อย่างแน่นอนกะคือ เฮาเป็นผู้สร้างโอกาสและลงมือเฮ็ดให้มันเกิดขึ้น
ได้....นี่ล่ะคือ....


“โอกาสที่ดีที่สุด...อยู่ที่ตัวพวกเจ้าเอง”

ขอได้รับความขอบคุณที่ติดตาม Prayoon


ขอกราบขอบพระคุณในข้อมูลดีดี จากหนังสือ ถอดรหัสแนวคิด เพื่อชีวิตที่มีคุณค่า รศ. ดร. ชัยณรงค์ วงศ์ธีรทรัพย์