กำลังแสดงผล 1 ถึง 4 จากทั้งหมด 4

หัวข้อ: ครวญหาน้องให้คืนนา....กลับสาหล่ากลับมาบ้านเฮา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ครวญหาน้องให้คืนนา....กลับสาหล่ากลับมาบ้านเฮา

    ผญาฝากเพิ่นว่าฝากมาลงพะนะครับ(เฒ่ายาวเพิ่นคอยทางสาว)
    ...คึดฮอดสาวคองคอยท่าอยู่เถียงนาท่าน้องพี่ นางเอ้ย
    สาวคนดีน้องนั้นออกจากบ้านหันหน้าเข้าสู่กรุง
    ใจของพี่มันโลดเกิดยากยุ่งเป็นห่วงแต่คนสวย นางเอ้ย
    ย้านคนรวยเอาไปชม อ้ายขื่นขมอยู่ทางบ้าน
    ...งานที่ทำหนักบ้อหล่าย้านกายาน้องล้าเมื่อย
    คันอ้ายรวยสิแต่งน้องเอามาซ้อนเป็นคู่ครอง
    ...เป็นจั่งได๋แล้วล่ะน้องคึดฮอดพี่บ่น้อนาง
    หรือแม่นสาวนางหล่ามีคู่ชมอยู่ทางพี้
    หรือมีแฟนคนโก้กิ๊กโก๋กรุงเขามาจีบ น้อหล่า
    ถิ่มอ้ายบาวอยู่บ้านให้คอยท่าเจ้าบ่มา
    ...ปีใหม่หวังสิเห็นหน้าให้เจ้าต่าวคืนกลับแหน่เด้อ
    แม่เจ้าคองคอยหาค่ำแลงได้นอนเพ้อ
    กินข้าวแลงคนเดียวเก้อ เผลอเอินหา ลูกสาวแม่
    มากินข้าวถะแม้หล่าหรือไปเล่นอยู่หว่างได๋นางเอ้ย
    แม่เทิงกินพ่องไห้เป็นห่วงดวงสมร
    เถิงยามนอนกวาดบ่อนปูไว้รอน้อง
    แม่เจ้าคองคอยท่าให้กลับมาสาเด้ออุ่น
    แก้มจุ่นพุ่นแฟนบักอ้าย ให้คืนบ้าน แม่เจ้าคอย พี่กะคอยจ้าน้องสาวเอ้ย
    :l-:l-:l-:l-
    แก้ไขครั้งสุดท้ายโดย หนุ่มหน้าลาว; 07-12-2010 at 14:54.

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    :1- :1- มาซ่อยบ่าวต่าย เอิ้นพุสาวคืนบ้านจ้า อดเอา อดเอา ปีใหม่คราวเดียวท่อนล่ะ.... :l- :l-

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ซวดๆๆ บูยยย คักยุดอกเพื่อน บทโอ้อ่าวผุสาวนิ ขอยืมไปเว้ากับผุสาวแน่เด้อ 55555

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อยากกลับเด้ อยากไปกินข้าวจ้า กินข้าวภาว์นาข้าวใหม่
    คือสิหอมไง่กุ่ม ซุ่มขาวลั่วอ่อนดี พี่เอ้ย
    น้องเปิดหลายยุทางพี้ กินตั้งแต่พิซซ่า
    กินแต่แป้งนั้นหนา จนว่าหน้าอ้วนตุ้ย พี่เอ้ย
    อยากไปลุยขี้ตม นำงมปลากะเดิ๊ด
    คือสิเกิดรสชาด ปานวาดไว้กะบ่มี พี่เอ้ย
    ปีใหม่นี้สิมาแล้ว คิดถึงแนวสิม่วน ฮ่าๆ
    คิดอยากหวลมาบ้าน บ่อยากต้าน พี่เอ้ย
    อยากกินเว้ย หอยแคลง แปะซะปลาค่อใหญ่
    ใส่ข้าวปุ้นเข้าไป น้ำลายไหลเว้ามาแล้ว พี่เอย
    น้องแก้วเแนมเวลาแล้ว สิขอลาสาก่อน
    มื่อใหม่เฮาจั่งย้อม มาต้านนนน ผญ๋าอีกต่อไป พี่เอ้ย




    แจมนำค่ะ ม่วนๆเนาะหยอกเล่น
    แก้ไขครั้งสุดท้ายโดย ข้าวต้มมัด; 12-12-2010 at 16:44.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •