ใจปลาซิวอ้าว

มื้อนี้ขอเอาใจแฟนนิทานขาร็อค ร็อคแบบเฮฟวี่ขี่ชอบเปอร์ บ่แม่นร็อคออเยาะ เชิญมาฟัง
เบิ่งพี่น้อง เพื่อเป็นการผ่อนคลายกะจั่งเคยเว้าให้ฟังนั่นหล่ะ นิทานกะคือนิทาน ทำให้เพลิด
เพลินเจริญใจกะถือว่าดีแล้วเนาะครับ อ่านไปนำคิดไปนำ หรืออ่านไปบ่คิดไปกะบ่เป็นหยัง
เอ้าม่วนได้แล้ว

ซายหนุ่มมีหนวดจักหน่อยขับรถสิบล้อจักว่าบรรทุกหยังดอกเข้าไปเติมน้ำมันในปั๊ม ระหว่าง
เพิ่นเติมน้ำมันอยู่นั่นซายหนุ่มเพิ่นกะคึดว่าสิไปหาซื้อของมากินมาหย่ำจักหน่อยกะน้า ว่า
แล้วกะเลยย่างเข้าไปหาเลือกซื้อได้...ไส้กรอก 1 อัน กาแฟโบราณยอดฮิต 1 โจก ล่ะกะ
ซาลาเปานำอีก 1 ลูกในร้านมินิมาร์ทในปั๊มนั้นหล่ะ ขณะสิเอาเข้าปากกะพอดีมีเสียงมอตะ
ไซค์บรืนๆ มาจอดดับเครื่องอยู่หน้าร้านพอดี หนุ่มซิ่งมอตะไซค์ซอปเปอร์ใส่ซุดแจ๊กเก็ท
หนัง รูปร่างใหญ่ 3 คนพากันย่างเข้ามาในร้าน

หนุ่มคนแรก เข้ามาฮอดกะคว้ามับเอาไส้กรอกที่ซายหนุ่มขับสิบล้อกำลังสิยัดเข้าปาก ไป
กินต่อหน้าต่อตาบ่ามๆ

หนุ่มคนที่สอง กะยกโจกกาแฟโบราณของซายหนุ่มขับรถสิบล้อไปซดโกรก...อ้า..แบบบ่

สนใจใยดีไผ


หนุ่มคนที่สามกะบ่หยอก คว้าก้อนซาลาเปาของซายหนุ่มขับรถสิบล้อไปยัดใส่ปากจะของ
อีกแล้ว

เกิดอีหยังขึ้นล่ะพี่น้อง.....มุ่นทั้งร้านบ่ แต่บ่เป็นอย่างทีท่านบางคนคิดหรือเห็นในหนัง

ได้ใจ หนุ่มซิ่งมอตะไซค์ซอปเปอร์ ทั้ง 3 คน กะเป่าปาก ทั้งโห่ฮิ้ว ฮ้องกันอย่างสนุก
สนาน บักอันนึงในจำนวนนั้นกะเลยเว้าเปรยขึ้นมาว่า.....

“เป็นผุซายที่..บ่เอาไหนเล๊ย..บ่มีความเป็นลูกผุซายแม้จั๊กหน่อยเดียว ยังมีหน้ามาขับรถสิบ
ล้ออีก โธ่เอ็ย บักหัวใจปลาซิว!...” พะนะ หนุ่มซอปเปอร์ว่า

ซายหนุ่มขับสิบล้อกะบ่อปากบ่เว้าต่อความยาวสาวความยืด ย่างทื้อๆเข้าไปจ่ายเงินที่
เคาน์เตอร์ แล้วกะย่างออกประตูร้านกลับไปขึ้นรถจะของ

เด็กเก็บเงินผุหนึ่งที่เคาเตอร์ที่เพิ่งสิกลับมาจากทำความสะอาดหน้าร้านกะเว้าเสริมหนุ่มซอ
ปเปอร์อีกว่า......

“แม่น.... แม่นอิหลีหล่ะครับ บ่ได้เรื่องเลยคนอิหยังหว๋า...ขับรถกะบ่เป็นยังมีหน้ามาขับรถ
สิบล้ออีก...แย่มั๊ก..มาก หว่างนึงฮั่น! ถอยรถสิบล้อเหยียบมอตะไซค์ซอปเปอร์ผุใด๋บุ๊ที่
จอดอยู่หน้าร้าน รวดเดียว 3 คันเลย....!!!”


นี่หล่ะ ทุกเทื่อที่เฮาสบประมาทไผ กะหาใช่ว่าผุที่เฮาสบประมาทสิเสื่อมถอยหรือด้อยคุณค่า
ลงไป หากแต่ผุที่สิเสื่อยมถอยหรือด้อยคุณค่าลงกะคือ “ตัวผุที่สบประมาทเอง” หากแต่ผุ
ที่ได้รับคำสบประมาทกะสิมีแรงต่อต้านเป็นทวีคูณ เป็นการสร้างปรปักษ์อย่างน่ากลัว

ขอได้รับความขอบคุณจากแฟนๆผู้ติดตาม Prayoon

ขอขอบพระคุณในข้อมูลดีดี จากหนังสือ ถอดรหัสแนวคิด เพื่อชีวิตที่มีคุณค่า รศ. ดร. ชัยณรงค์ วงศ์ธีรทรัพย์