+++แกงไก่ใส่เส้นล้อน(วุ้นเส้น)+++

**สาวบ้านแต้** · 06-12-2010, 18:07

มาแล้วค่ะ ร้อนๆเลย แกงไก่ใส่เส้นล้อน ครัวสาวบ้านแต้ เฮ็ดตะกับข้าวลาวๆ กะเพราะว่า จำอั๋นที่อิแม่เฮ็ดให้กิน แล้วกะมาลองเฮ็ดกิ๋นจ้า จริงๆแล้วฝีไม้ลายมือ สู่อิแม่บ่ได้เลย ประมาณว่า กระดูกคนละเบอร์ ยามคิดฮอดเลากะลองเฮ็ดแนวนั่นแนวนี้ กะมีความสุขไปอีกแบบจ้า บ่เว้าหลายมา มา ติชมได้ตามสมควรจ้า
"แกงไก่ใส่เส้นล้อน"
+++แกงไก่ใส่เส้นล้อน(วุ้นเส้น)+++

เครื่องปรุง
1.ไก่ หรือเนื้อไก่ จะเป็นไก่บ้านยิ่งดี จะให้ความอร่อยมากกว่าไก่พันธุ์
2. วุ้นเส้น บ้านเฮาเอิ้น "เส้นล้อน"
3.พริกแกง
4.น้าปลาร้า (ขาดไม่ได้ถ้าเป็นแม่ใหญ่ตุ๊)
5. ต้นหอม ผักชี
+++แกงไก่ใส่เส้นล้อน(วุ้นเส้น)+++

วิธีทำ
1. ลวนไก่ โดยการใส่ไก่ที่สับแล้วลงหม้อ ตั้งไฟ แล้วคั่วกับน้ำปลาเล็กน้อย แล้วใส่พริกแกง คั่วให้หอมก่อน แล้วค่อยเติมน้ำเปล่า...นี่คือการลวนค่ะ
+++แกงไก่ใส่เส้นล้อน(วุ้นเส้น)+++

2. เติมน้ำลงไป ครึ่งหม้อ รอให้เดือด ปุด ปุด ขึ้นมา
3. ใส่วุ้นเส้นลงไป ปิดฝา สักพัก ชิมรสชาติ ไม่ต้องต้มนาน วุ้นเส้นสุกง่าย
4. ใส่ต้นหอมผักชี ปิดฝา ยกลง

**ข้าวปาด** · 06-12-2010, 18:48

แกงไส่ไก่บ้านเนาะน้องอิ๊ท มักกินอยุ่เมนูนี้ ขอบคุณน้องอื๊ทจ้า เรียกน้ำย่อยอีกแล้ว อิอิ

**หนุ่มน้อย** · 06-12-2010, 19:28

เสียดานบ่อมีผักอีตู่น้อครับ ต่อนไก่ถ้ามีกระดูกนำและก็เป็นไก้บ้านใหม่ๆก็ยิ่งเพิ่มรสชาดของการกินแกงเส้นอีกมากหลาย หนุ่มน้อยกะเฮ็ดบ่อเป็นแต่กะติได้อยู่ดอก
ส่วนมากกะได้แต่ตำเครื่องแกงให้เขาละครับ เริ่มต้นด้วยหัวสิงไคมาหั่นเป็นชิ้นเล็กๆน้อยๆ เอาลงไปในครกแล้วกะตำ ค่อยทะยอยเอาพริกดิบลงทีละหน่วย พอสมควรแล้วกะหั่นหัวหอมแห้งลงเพิ่มเข้าไป ตำๆๆ แล้วกะเบิดหน้าที่ 555

**สาวบ้านแต้** · 06-12-2010, 20:16

บ่แซบคืออิแม่เฮ็ดดอกจ้า พี่ข้าวปาด

......

แม่นอยู่จ้า อ้ายหนุ่มน้อย น้องอี๊ทจำๆอิแม่มา แม่น้องอี๊ท แกงไก่บ้านจ้า ใส่ใบผักอีตู กับใบบักกรูด แต่น้องอี๊ท บ่ได้ใส่แบบแม่ ฝังใจเคยแกงขี้เหล็กใส่ใบบักกรูด แล้วมีคนบอกว่าเหม็นบ่มัก อี๊ทเททิ้งใส่ถังขยะ 55555 (บ่คิดว่าคนเฮามักบ่คือกัน )

**nuzing** · 06-12-2010, 20:54

นำมากินแกงหนูอิ้ท :l- เนื้อไก่พากันกินสาจ้ายายมักแต่เส้นซดฮ่อนๆแซบบ่วางบ่วง (ซ้อน)เลยแหล่ว//เสียดายแกงขี้เหล็กเด๊สิเทถิ่มกะสาดมาทางยายโลดใส่ใบบักกรูดนี่หละเฮ็ดให้น่ากิน