กำลังแสดงผล 1 ถึง 5 จากทั้งหมด 5

หัวข้อ: วันเดือนปีสิผ่านพ้น..ใจคนนี้สิเปลี่ยนนำ..บ่น้อ

  1. #1

    วันเดือนปีสิผ่านพ้น..ใจคนนี้สิเปลี่ยนนำ..บ่น้อ

    เถิงฤดูเดือนจ้อ พอศอสิกายผ่าน
    ดอกไม้บานฮ่วงเฮ้า หอมกุ้มกะพ่องโฮย
    สายลมโชยเชยไม้ ไพรยะพฤกษ์สุคนธา
    วาสนาสะพรั่งแซง หอมแฮงโฮยเฮ้า
    คนใจเหงาอ่าวโอ้ คณิงโอ่เถิงสาว
    ชลธารรินไหล เนตรนองนำน้อง
    เจ็บย่อนจ่องพ่องงานยุ่ง นุงนังเหมิดทางปล่อย
    อดได้เว้านำนารถน้อย จักคำแล้วจั่งห่างกัน แน่เนาะ
    ฮามห่างหายหลายพันลี้ สิเนหาสุดที่ป่วง
    แต่หากดวงจิตอ้าย บ่หยับย้ายยังอยู่น่ำ ดอกนา
    แม่นว่ายินเสียงซ้อง ดุริยางค์เสียงเสพ กะดีแหล่ว
    บ่ปานเสียงปากเจ้า ที่ออยเว้าต่อพี่ชาย
    แม่นว่าเสียงแคนไค้ ขานซอพิณพาทย์
    บ่ท่อนารถอุ่นเอิ้น เชิญอ้ายเข้าฮ่วมภาชน์
    แม่นว่าของกินล้น เต็มภาชน์อ้ายหาแต่ง กะตามแหล่ว
    บ่ท่อแจ่วถ้วยน้อย ที่นางน้องสู่พี่กิน
    แม่นว่าสิบคนเว้า ซาวคนมาปาก
    หากบ่ม่วนในมะโน คือเจ้าโสนำอ้าย
    แม่นหลากหลายสุวรรณเกี้ยว กวมคอฮ้อยฮอบ
    หากบ่ชอบคือแขนแก้ว กวมอ้ายบาดสินอน
    สุดอาวรณ์ถอนใจท้อ กรรมใด๋น้อ มาพรากข้างนางไกลพี่
    ส่างมามิดซี่ลี่ วันเดือนปีสิผ่านพ้น ใจคนนี้สิเปลี่ยนนำ..บ่น้อ..นางเอ้ย..
    แก้ไขครั้งสุดท้ายโดย พลายแก้ว; 11-12-2010 at 16:45.


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    ใจ นาง กะยุกับนางคือเก่าล่ะอ้ายฯบ่เปลี่ยนไปใสดอกจ้า :1- :1- :b-b :b-b (เหตุ และ ผล ของเวลา เปลี่ยนแปลงโลกให้เป็นไปจ้า แล้วนับประสาอะไรกับใจคน สิบ่เปลี่ยนตามน้ออ้าย)

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,989
    บล็อก
    1
    "สิบแขนกอดสิถอดห่อย ขอเอาส่อย(สร้อย)ไปจำนำ" ดอกเด้อบ่าวเอ้ย
    บาทละท่ได๋บุ๊ตอนนี้...55555...ช่างจำนรรจาเนาะบ่าวเจ้ากะดาย

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ห้ามฝนตก ห้ามแดดฮ้อน ห้ามงัวควาย บอกินหญ้า
    สาแหล่ว จังห้ามใจ ห้ามหยัง อ้ายกะห้ามบอได้
    ยิ่งหัวใจ ไผ๋ว่าสิห้ามอยู่ ใจมันหย่าง คือกะปู
    อย่างเซซักเซซ้าย ใจบอเที่ยงดั่งเดิมอ้ายเอ้ย


    อิอิอิอิ มามวนนำหลานบ่าวก๋าจ้า

  5. #5
    เถิง พ.ศ. สิลาค้อย
    วันคืนสิเคลื่อนผ่าน
    ฮักยังหวานจื่อไว้
    มะโนเนื้ออ่าวบ่เซา.
    ...ดอกจ้า อิอิ หายไปนานมาแจมนำเด้อจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •