กำลังแสดงผล 1 ถึง 7 จากทั้งหมด 7

หัวข้อ: ..ฝากคำขอโทษ..

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ..ฝากคำขอโทษ..

    ย่างหันหลังหลีกทางน้อง น้ำตานองใจหมองหม่น
    ขอเป็นคนที่แพ้พ่าย ยอบหยับย้ายไปฝ่ายลา
    ให้สุขีสาเด้อหล่า หากแม่นว่าเธอมีสุข
    แม่นโตอ้ายสิมีทุกข์ สิค่อยทนบนทางแพ้
    คำว่าแคร์ดูแลเจ้า คำว่าเหงาเหมาให้พี่
    ให้พบพานแต่สิ่งดี อย่าสุมีความทุกข์ฮ้าย คือกับอ้ายผู้เอ่ยลา
    ฝากบอกเขานำเด้อหล่า ที่อ้ายว่ามาแย่งแฟน
    อย่าสุแค้นแหน่นมะโน อะโหสิให้พี่ด้วย
    และคนสวยอย่าถือโทษ โกรธพี่ที่มายาม
    แค่มาตามความคิดถึง ที่คำนึงถึงแฟนอ้าย
    คิดฮอดหลายอยากเห็นหน้า อยากเว้าจาพอได้ส่วง
    ด้วยความฮักและความหวง เห็นเธอควงแขนเขาอ้อน ตอนนั้นแม่นคิดซัง
    เลยด่าไปใส่บ่ยั้ง เทิ่งเว้าสั่งด้วยคำเจ็บ
    ค้อนทุบเล็บกะบ่ปาน ย่อนบ่ทานทนได้
    เขาเคียดหลายอยู่บ่หล่า เขาสิว่าเธอบ่อุ่น
    เขาสิสูนให้กับเจ้า ย่อนคำเว้าบ่าวพี่ชาย บ่น้อ
    อ้ายเลยขอมาจาต้าน ขานคำว่า..ขอโทษ
    อย่าคิดโกรธบ่าวพี่ชาย และฝากไปให้เขาพร้อม
    และที่ยอมก็เพราะเจ้า ที่ฮักเขาหลายกว่าพี่
    ฝากดูแลเธอดี ดี หากเธอมีความเจ็บช้ำ สินำเมี้ยนให้ม่อมรณ์...สั่นแหล่ว..

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    เย้ๆๆๆๆๆๆๆๆๆๆๆๆที่ 1 มาคือคนอกหักแท่น้ออ้ายข่อย จั่งได๋น้องนุ่งกะเป็นกำลังใจให้ยุเด้อจ้า++++(อดเอา อดเอา ใหญ่แล้ว)

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    สามาเว้าได้สะใจแท้น้อ คนอกหักเอ้ย
    ได้ฟังคำแล้วอยากเต้ย เอ่ยว่า โอละน้อ
    ปากกะเว้าว้อว้อ แต่ใจน้อยั่งฮักเจ้า(ผุสาว)
    คือเข้ากันกับเพลง ปากโกรธใจคิดถึง แท้แหล่วเพื่อนเอ้ย

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ตอบ...ข้าวต้มมัด ครับ..



    เพื่อนเอ้ยย...เฮาบ่เคยได้ยอมแพ้ แต่เที่ยวนี้มันมาอุก
    จุกแหน่นหนักปักในทรวง จนว่าป่วงวินเวียนเซ่อ
    ได้มาเจอความเจ็บช้ำ โหมกระหน่ำเต็มสะตรีม
    นอนเก็กซิมโซเซซึม ยากสิลืมเลือนลงได้
    แนวอาศัยพอหายข่อน ลดทอนบ่อนอุกอั่ง
    พอสิลืมความหลัง คือมานั่งลิขิตไว้ ระบายบ้างแม่นแบ่งเบา..นั่นแหล่ว..



    ขอบคุณมากเพื่อน..และพี่น้องทุกคอมเมนท์...ขอบคุณครับ..:*-

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    เข้าใจหลายแท้เด้อเพื่อน ที่ได้เอื้อนเอ่ยต่อ
    ความฮักน้อ มันแรงกล้า สิเป็นบ้าป่วงนำ
    ใจระกำทำเฮาเศร้า เข้าใจหลายเคยได้กล่าว
    เพียงแต่เฮาได้ใช้ พระธรรมไซร้ ให้ซ่อยคุม
    มรสุมฮักนี้ ผุได๋มีสิฮู้ค่า
    บ่ปรารถณาสิได้พ้อ สุดแท้แต่กรรม
    ขอให้เพื่อนทำใจ ไหว้พระหลายหลายเด้อหมู่
    คือสิชูให้ชื่น ขึ้นมาได้บัดห่าเซา แท้แหล่วเพื่อนเอ้ย

  6. #6
    ศึกษาหาความรู้
    วันที่สมัคร
    May 2010
    กระทู้
    23
    แวะ มาหา เด้อ สบายดีเนาะ ขอโทษที่รบกวน คิดถึงเลยแวะมาอ่าน

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย อย่าสุเว้าจังซั่น มาหันหลังเบี่ยงหน้าป่าย
    ความเสียใจคือทางน้อง แมนขัดข่องดอกเรื่องหยัง
    มาหลีกทางคือหย่างย้าย ถิ่มน้องไปบอได้เอ่ย
    หย่างหนีเฉยแท่หล่ะเจ้า กลับมาเว้าให้เข้าใจ ก่อนนา
    น้องขอฮักตั้งแต่อ้าย เกิดซาติได๋กะคือเก่า
    ยังขอฮักตั้งแต่เจ้า บอเอาแท้ผู้อื่นชมอ้ายเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •