อีกหนึ่งภาระกิจที่ตั้งใจไปเฮ็ดตอนเมือยามบ้าน คือการไปรวบรวม ตุ้มโฮมพี่น้องบ้านมหา ที่อยู่ที่จังหวัดยโสธร
บ่ว่าสิเป็นสมาชิกบ้านมหาแล้ว หรือว่าเป็นแค่ผู้ที่เข้ามาแวะฟังเพลงในกล่องขอเพลง เท่าที่ได้รู้จัก และนัดหมายกันใว้ มีไผมาแน่ ไผเป็นไผกะมาเบิ่งเอาครับ ไผน้อออออ
เริ่มต้นด้วย "ดีเจสาวไร่อ้อย" อั่นนี้เดินทางมาจาก บุรีรัมย์เลยครับ และก้อ บุคคลที่พบตัวยากมากครับ อาจารย์เพลง ผู้แต่งเพลงเต้ยบ้านมหาอันโด่งดัง
หนุ่มหล่อคนนี้ชื่อ "เดอะดอน" บ่อยากเชื่อว่าเกิดปีเดียวกันกับอาวอ้วน หน้าเพิ่นคืออ่อนกว่าวัยแท้
เอิ้นต่าวเอาหลายคนบ่ว่าสิเป็นบ่าวกุดชุม น้องหนึ่ง สมาชิกใหม่บ้านมหา สาวปลายทางฝัน ดับเบิ้ลดีโทนเนอร์ สองสมาชิกจากกล่องขอเพลง
(แต่ว่าบ่มาจ้า เนื่องจากติดธุระ และเรียกอย่างกะชั้นชิด หรือย่านอาวอ้วนดอกหละ)
และลุงเดฟอีกหนึ่งสมาชิกที่ได้เอิ้นไป แต่ว่าท้ายสุดกับมากันแค่นี้ น้อยจังชาวยโสแมะ
กะได้พบปะพูดจากันพอสมควรแก่เวลาแล้ว กะแม่นพากันไปเบิ่งหมอลำ หนูภาร วิเศษศิลป์ ครับ แสดงนะ อ.เสลภูมิ จังหวัดร้อยเอ็ด เฮากะนำไปเบิ่งย่อนมัก
และหลังจากนั้น อาวอ้วนเองกะได้เดินทางไปยังเมืองอุบล เพื่อสิพาเฒ่าพ่อไปหาหมอ
ก่อนสิกลับบ้านกะเลยได้แวะยามอ้ายวร คนบ้านบ้าน และไปกราบหลวงพ่ออินแปลง วัดปะใหญ่
ขอบคุณทุกท่านครับ ที่ได้มาพบปะกันในครั้งนี้ บ่ว่าพี่น้องทางยโสธร นะครับหวังว่าโอกาสหน้าสิได้พบพ้อกันหลายกว่านี้
อีกทั้งพี่น้องทางอุบลเนื่องจากผมมีเวลาน้อยครับ กะเลยบ่ได้อยู่พบพ้อกับ เอื้อยอ้ายอีกหลายๆ คน และขอโทษไปยังเอื้อยแจงหลายๆ ที่บ่ได้แจ้งให้ทราบ อิอิ เทื่อหน้าสิไปตู๊ดใหม่เอื้อย
ขออภัยสำหรับบางภาพที่บ่เหมาะสม เนื่องจากมีสิ่งของมึนเมาเข้ามาด้วย ต้องขออภัยมา ณ. ที่นี้ด้วยครับ
Bookmarks