หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 28

หัวข้อ: เอ้าเบิ้ดแก้ว ขาว ขาว

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    พบปะพูดคุย เอ้าเบิ้ดแก้ว ขาว ขาว


    ในสโมสรนักดื่ม ถึงแม้ว่าข่อยสิบ่ช่ำชองในเรื่องนี้ปานใด๋ก็ตาม เพราะปกติแล้วข่อยเป็นคนบ่กินเหล่าบ่สูบยา เคยกินเหล่าเทือแรกตอนอยู่ ม.6 ช่วงใกล้สิจบเพิ่นเลี้ยงเหล่าขาวกับเหล่าโท กะเลยกินทั้งสองอย่าง นอนหลับไปสองมื่อแบบบ่ฮู้เรื่อง ปานตายแล่วเกิดใหม่

    หลังจากนั้นข่อยเข็ดปานตอนแมว บ่แตะต้องน้ำเมาอีกเลย เพราะมีโรคประจำตัวคือพอกินเหล่าแล้ว มักสินิสัยเสียบ่อยู่กับร่องกับรอย ซงจั่งวาดสิเป็นโรคไส้เลื่อนนี่ล่ะ 555

    เพิ่นบอกว่าเป็นเมียทหารนับขวดเป็นเมียตำรวจนับแก้ว อันนี้บ่แมนข่อยเด็ดขาด แต่ในสังคมกะต้องมีแนพอเจริญอาหาร ยิ่งได้มาพ้อพี่พ้อน้องยิ่งเว่านัวหัวม่วนถืกอกถืกใจหลาย ผลกระทบตอนนี้พอร่างกายอ่อนแอแนกะเป็นช่วงเอาคืนของโรคภัยไข้เจ็บ นึกว่าเจ้าของแข็งแรง มันบ่แมนซะแหล่ว อย่าสิคึดว่าเจ้าของแข็งแรงอยู่เด้อ ให้เบิ่งกำลังเจ้าของแน

    การออกกำลังกายเป็นยาวิเศษอันนี้คือเรื่องจริง เมื่อฮู้สึกว่าอ่อนเปลี้ยเพลียแรง เบื่อ หน่าย วินหัว มึนหัว ให้ลงไปออกกำลังกาย หรือหางานอดิเรกเฮ็ด ให้เลือดมันสูบฉีด มีคนเก่าคนแก่เพิ่นบอกว่าถ้าห้อยหัวได้คืออีเจีย กะให้ห้อยหัวลงให้ต่ำ สิเฮ็ดให้สมองปลอดโปร่ง รักษาโรคปวดหัว วินหรือมึนหัวได้พะนะ ข่อยกะแนมหาขื่อในบ้านอยู่ ว่าสิเอาขาไปห้อยขื่อกะย่านตกลงมาคอหัก เอ้าเบิ้ดแก้ว ขาว ขาวเอ้าเบิ้ดแก้ว ขาว ขาว

    มีอยู่เทือหนึ่งไปกินเหล่ากับเจ้านาย เพิ่นโฆษณาสรรพคุณข่อยอย่างดี ต่อหน้าสาวเสริฟที่มานั่งรายล้อม หมอนี่แข็งแรงกินเหล่าบ่เมา เพิ่นเป็นนักมวย เป็นนักกล้ามพะนะ ข่อยกะฮังเป็นคนมักย่องซะแนแล้ว กะเลยโชว์ให้เบิ่ง เอ้า...เบิ๊ดแก้ว...ขาว...ขาว พะนะ ซุมกองเชียร์กะดาย

    แก้วสองแก้วกะไคแนอยู่ แต่ดุ ๆ เข้าเริ่มบ่อยากลุกเข้าห้องน้ำแล้วข่อยบาดเนี่ย ย่านเสียอาการ แต่กะอดบ่ได้ พยายามกัดแข่วหย่างให้ตรงทางที่สุด ไปจกคอฮากอยู่ในห้องน้ำ ซุมนวดในห้องน้ำกะจั่งแมนคัก บีบต้นคอเอามือสับป๊อก ๆ ข่อยละเยี่ยวบ่ออก

    หลังจากได้ผ้าเย็นแล้ว กะพยายามหย่างกลับที่ เปิดประตูเข้ามานั่งในห้องปานบ่มีอีหยังเกิดขึ้น เอ้า...ต่อไปเป็นการกำเหรียญพะนะเพิ่นว่า คือเอาเหรียญมากำและให้ทวย ไผทวยผิดกะได้กินเหล่าในแก้ว ไผทวยถืกผู้ที่กำเหรียญอยู่กะได้กินไป กินแล้วกะหยิ่นและกำเหรียญทวยผู้อื่นต่อ

    มาฮอดตาข่อยทวยเพิ่นหยิ่นมาปานให้ซุมสามล้อบ้านเฮากิน อู้..พะนะเสียงหมู่เพิ่นฮ้อง ปรากฎว่าข่อยทวยผิด ซัดเข้าไปพี่น้องเอ้ยแมงหิงห่อยออกตามาบ ๆ เสียงลมออกหูวิง ๆ

    ข่อยกะแก้เผ็ดหยิ่นเพียว ๆ เกือบเต็มคือกันแหล่ว ป๊าด...เสียงหมู่เพิ่นฮ้อง ฟังเสียงเอาโลด อู้ กับ ป๊าด มันต่างกันอยู่เด้น้อ ปรากฎว่าเพิ่นทวยเหรียญที่ข่อยกำถืกพี่น้องเอ้ย

    เฮ็ดจั่งใด๋บาดเนี่ย ผลกรรมกะมาตกอยู่กับข่อย ถ้าบ่กินกะบ่ได้มันเป็นกติกาในวงเหล่า และกะเสียราคาสรรพคุณที่เพิ่นอวดอ้าง ข่อยซัดไปจนเบิ๊ดแก้ว ผุสาวที่นั่งนำตบมือแตกโคบ ๆ หลังจากนั้นข่อยบ่ฮู้เรื่องหยังอีกเลย ตื่นมื่อเซ่าแปะเที่ยงข่อยมืนตาขึ้นที่นี่ที่ไหนพะนะข่อยว่า จักผู้ใด๋พาข่อยมานอน ข่อยยังจำบ่ได้ทอซูมื่อนี่ล่ะ แต่กำเหรียญข่อยสิจำฮอดมื่อข่อยตาย เอ้าเบิ้ดแก้ว ขาว ขาวเอ้าเบิ้ดแก้ว ขาว ขาวเอ้าเบิ้ดแก้ว ขาว ขาว

    เอ้าเบิ้ดแก้ว ขาว ขาว

    แก้ไขครั้งสุดท้ายโดย พล พระยาแล; 15-12-2010 at 09:18.

  2. #2
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    นี่ละน๊า... คำพระเพิ้นว่า...สุรารินเป็นระยะ ระยะ ... วนไป วน มา...

  3. #3
    Banned

    วันที่สมัคร
    Oct 2010
    กระทู้
    798
    บล็อก
    4
    เกิดมาบ่อเคยกินเหล้า บ่อเคยเมา อยากฮู้คือกันจ้า ว่าเมามันเป็นแบบได๋ คือซิเป็นแบบคนวินแล้วย่าง

    เซๆ เน๊าะ..ลางเทื่อเห็นเพิ่นกินเหล้ากะย่านแทนเพิ่น เหล้ากะคือสารพิษ ที่เราเอาเข้าไปในร่างกาย

    เพื่อให้ตับกำจัด...เอาเข้าไปดู๋ๆ เดี๋ยวหน้าที่ของตับกะซิเสื่อมเร็วๆ...คือกันล่ะกับการดื่มสุราทำให้

    สมรรถภาพทางเพศเสื่อม:l-

  4. #4
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    หลังดื่ม หรือ แม่น หลังตื่นนอน ก่อพ่อใหญ่ รูปแหม่ะ 555555

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,990
    บล็อก
    1
    เหล้าหยัง..เฺฮากะหว่าสู้ "เหล้า.ทบ." บ่ได้ดอกหมอ..5555
    แมนรับบ่ได้เด้อภาพนี้สงฉัยสิมีการตัดต่อ(หรือถ่ายทำจากเหตุการณ์จริง)
    :b-b

  6. #6
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    งด"ดื่ม"(ชั่วคราว).....จ้า

  7. #7
    แบ่งปันความรู้และประสบการณ์ สัญลักษณ์ของ บุญศรี
    วันที่สมัคร
    May 2009
    กระทู้
    114
    กินยามใด๋กะบ่แซบจั้กเทือหยีหน้าหยีตากินหลายๆกะวินหัวแต่กะถามหาคือเก่า..มึนหลาย

  8. #8
    แบ่งปันความรู้และประสบการณ์ สัญลักษณ์ของ หนุ่มคำก้าว
    วันที่สมัคร
    Oct 2008
    กระทู้
    321
    สุราเหล้ากินเมาเว่าม่วนกินหลายสิอ้วนกินน้อยสิจ่อยผอมเด้พี่น้องเอ้ย

  9. #9
    แบ่งปันความรู้และประสบการณ์ สัญลักษณ์ของ ครูคอมจำเป็น
    วันที่สมัคร
    Jan 2010
    ที่อยู่
    ขอนแก่น&จันทบุรี
    กระทู้
    109
    อั่นตอนเมาคักๆยามได๋ กะว่าสิเข็ดสิหลาบคักๆ สิเซากินมันคักๆ พู้นแล่วความคึด บัดเบิดฤทธิ์แอลกอฮอล์แล้ว บ่ะ! มันคือลืมความคึดเจ้าของได้ล่ะหือ กะเห็นตะตั้งวงยามได๋กะมีตะ อ้าว ยกๆๆๆ นั่งอยู่นำกันเป็น 10 กะบ่เห็นมีพุได๋ห้ามกันจักคนตั๊วล่ะ แล้วจั่งซี่มันสิเซาได้ติล่ะบาดเนี้ยยยยย

  10. #10
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    บ่แม่นเมาเหล้าดอกผมว่า ซงคือสิหิวนอนหลายกั่ว

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •