หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: มนต์รักต้นผักกะเดา

  1. #1
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876

    มนต์รักต้นผักกะเดา

    มนต์รักต้นผักกะเดา

    ...หล่านางเอ๊ย/สายลมต้อง ใบตองกุง โคบคิเคบ

    เจ็บในทรวง เป็นห่วงน้อง มองเบิ่งฟ้า เจ้าห่างหาย

    หนาวทั้งกาย ชายคนเศร้า เหงาอุราเป็นบ้าป่วง

    ดวงเอ๊ยดวงดอกท้อ อ้ายรอเจ้า เฝ้าห่วงหา

    ...หลายๆปีเจ้าทิ้งพี่ ไปมีใหม่ ในแดนไกล

    ศิวิไลย์ในดินแดน แม่นบ่อน๊อ ชายหลงง้อ

    ลืมเสียงแคนที่เคยจ้อ ลืมเสียงซอแล้วน้องผี่

    ได้นอนบ้านผู้ดี ลืมแล้วติ๊ ป่นเบ้า คําจาเจ้าฮักพี่ชาย

    ...อ้ายเซียงยังคอยถ่า ข้าวต้มมัดกลับมา หาอ้ายอยู่ม่องเก่า

    ไต้ต้นห่มผักกะเดา ม่องที่เฮาจูบแก้ม แนมดูฟ้าเป็นคู่จันทร์

    จนตะวันรุ่งฟ้า สัญญาเก่า เฮาไกลกัน

    อ้ายยังคองคอยวัน จันทร์ยังมีวันหวน ให้ด่วนมาสาน้อง

    ....สายลมต้อง ผักกะเดา โหวกวิเหว่

    ชายใจเพ แหงนหน้าจ้อง มองน้องลัดทุ่งนา

    ข้าวต้มมัดน้องหล่า อยู่แดนไกล ได้ยินข่าว

    ผักกะเดา ล่วงหล่นแล้ว ชายใจแป้ว แม่นป่วงหา นางเอ๊ย...
    แก้ไขครั้งสุดท้ายโดย ตรี ศรีเมืองใหม่; 15-12-2010 at 21:41.


  2. #2
    :*-อะปร๊าดๆๆๆ มาเป็นตาดีใจนำข้าวต้มมัดแท้ค่ะ มีคนคิดฮอด ขอบคุุณหลายๆเด้อจ้าอ้ายแต่งม่วนหลายค่ะ


    สายลมหนาวพัดมาต้อง หนาวในในตัวเนื้ออุ่น
    แก้มจูนพูนคิดฮอดอ้าย ชายคนแรกที่จากมา พี่เอ้ย
    ได้แนมเบิ่งแต่ฟ้า ฝากจันทราให้เป็นหมู่
    ใจนางคิดฮอดชู้ ผุเพิ่นท่านั่งคอย แท้แหล่ว
    โตอ้ายบ่าวเซียงน้อย เพิ่นคอยท่าใต้ห่มกะเดา
    ผุเคยเฝ้าท่องทางเทียว เหลียวส่องหาแต่ก่อนกี้
    ชายผุดีของน้อง คำกึ่มคนไค อ้ายเอ้ย
    บอกฝากใจกับนาง ยามห่างกันอย่าลืมอ้าย
    คิดฮอดหลายจนนั่งไห้ ยามได้ยินพิณแคนม่วน
    อยากจะหวลกลับมาบ้าน พาลพบพ้อบ่าวพี่ชาย แท้แหล่ว
    คืนเดือนหงายฟ้าแจ้ง ใต้ฮ่มผักกะเดาหม่องเก่า
    ฝากสัมพันธ์ฮักเอาไว้ ตอนเฮาได้พบกัน นั้นเด้
    จนตะวันรุ่งแจ้ง มื่อใหม่ได้ผ่านมา
    หล่ายังคงคนิงหา อกอุ่นชายผุหมายซ้อน
    วอนจันทร์จ้า ฝากเอาใจไปถามข่าว
    ให้อ้ายบ่าวเซียงน้อย คนฮักข่อยเพิ่นอยู่เย็น แน่เด้อ
    แก้ไขครั้งสุดท้ายโดย ข้าวต้มมัด; 16-12-2010 at 14:37.

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานบ่าวเซียงน้อยจ๋า คือมาเว้าม่วน แท้หลานรำพันฮอดผุสาวมวนจ้ามาให้กำลังใจหลานจ้า

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,156
    บล็อก
    9
    จังแม่นหล่ะมนต์รักให้ต้นสะเดา อย่ากลับเด้อข้าวต้มมัดต้นสะเดามันขมบ่แซบ อิ อิ

  5. #5
    5555555555 แม่นผุเฒ่าเคยไปเฮ็ดอิหยังกันยุใต้ต้นกะเดาน้อ อิอิ

    ม่วนจ้าอ้ายเซียงน้อย สุดยอดเลยจร้า

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เห็นหนุ่มสาวมาหอมแก้มใต้กกกะเดาเซามีแฮงนั่งเบิ่งก่อน
    สิมาเอาไปกินกับป่นปลาคอน้อยข่อนย่อนต้นนี่มันแซบหลาย

    เห็นผู้ซายผู้ยิงเว่าวาจาหวานต้านคำส่ง
    ข่อยกะเลยตกลงโงอ่วยกลับบ้านใจกะย่านอีแม่ตี

    สูได้มาทอนี่ตี๊ต้นกะเดานั่นมันมีดอก
    บอกให้ไปต้นนั้นซางมาเว่าลืนควม

    พวมกำลังสิขึ้นต้นกะเดาล่ะอีแม
    ลูกย่านได้แต่งแก้ ขอให้แม่จงเมตตา

    "ดอกกะเดาบ่ได้ดอกอีแม่ ได้ยอดกะเดามาซำนี่ล่ะ กินไปก่อน ต้นนั้นมื่อนี่มดแดงหลาย ๆ ดอกกะบ่ค่อยมี สงสัยเพิ่นสิมาเอาไปก่อนแล้วล่ะอีแม่" ตั๊วะอีแม่อีกแล่วข่อย ฮ่า ๆ ๆ ๆ





    แก้ไขครั้งสุดท้ายโดย พล พระยาแล; 16-12-2010 at 11:58.

  7. #7
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    431
    บล็อก
    3
    ไปเห็นหยังมาน้ออ้ายพล จั่งสิได้แต่งแก้ บัดทีเนี่ย....ผีหลอกกลางเว็นตี้

  8. #8
    อ้ายพล พระยาแล ฮ่าๆแบบนี้หล่ะค่ะเขาค่อยเอิ้นนักประพันธ์
    อ้ายบ่าวเซียงน้อยเพิ่นแต่งม่วนหลายค่ะ น้องหล่ะอินนำปานว่าเคยพ้อกันแล้วกะเฮ็ดตามบทประพันธ์อีหลี่ อิอิ
    สำหรับข้าวต้ามัดถือว่าอ้ายบ่าวเซียงน้อยเป็นนักประพันธ์ระดับ 5 ดาว
    ที่สามารถถ่ายทอดความรู้สึกได้ดีค่ะ ซวดๆๆอีกเทื่อ แทนความคิดฮอดคิดถึงและบทกลอนผญ๋าม่วนๆค่ะ

  9. #9
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    ฮ่า ฮ่า ฮ่า อ้ายฮั่นว่าอยู่ได้ยินเสียงแค๊กๆๆ อยู่ข้างโพน บัดได่แท้ แม่นน้องหญ้านาง กับ อ้ายพล พระยาแล มาหล่อยจอบเบิ่งเขาหอมแก้มกันนี้เอง //น้องข้าวต้มมัดไปคอบผู้ใหญ่บ้านใว้แหน่เด้อ ว่าอ้ายพลมาหล๋อยจอบ ฮ่าๆๆๆ

  10. #10
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    อืมมาจอบฟังคำผญาเผิ่น กล่าวต้านกันซื่อๆ ดอก ฟังแล้วละม่วนหูหลาย แต่ละคนๆ สุดยอดทั้งนั้นครับ
    เฮียนมาตะใสน้อ คือมาเก่งแท้

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •