หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ปีใหม่สิเอาหยังไปฝากอีพ่ออีแม่ดีน้อ

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    เรื่องฮิตน่าอ่าน ปีใหม่สิเอาหยังไปฝากอีพ่ออีแม่ดีน้อ

    ใกล้สิฮอดบรรยากาศปีใหม่แล้วเด้อ คึดไปคึดมาแล้วเร็วปานหมอลำเนาะ แป๊บ ๆ เดียวกะปีใหม่แล้ว จั่งวาดผ่านไปมื่อวานมื่อก่อนนี่ล่ะ

    หน่าเทศกาลต่าง ๆ ทางอีสานบ้านเฮาถนนหนทางรถเต็มถนนไปเบิ๊ด โดยเฉพาะรถยนต์ส่วนตัวทะเบียน กทม. แสดงว่าทางบ้านเฮาพากันมีหมากกะตังหลาย พากันขนซีดี โทรทัศน์จอแบน มอเตอร์ไซต์ พากันไปเลาะ แต่ระยะเวลาเลาะบ่หลายปานสงกรานต์ดอกเนาะ สงกรานต์ม่วนกว่าหลายเติบ

    ถ่าเบิ่งโลดขากลับ กทม. ทั้งกระสอบข้าวสาร ทั้งเครือกล้วย จักหยังต่อหยังทั้งลังทั้งกล่องกระดาษเบียร์เหล้าแต่ข้างในมีหัวข่า หัวขิงไค ใบบักกรูด แนวกินอีแม่ห่อให้เต็มไปเบิ๊ด

    ทุกปีข่อยสิไปผจญภัยอยู่หมอชิต บ่ได้จองตั๋วไว้ดอก ข่อยว่ามันลุ้นดีและเป็นการเดินทางที่ตื่นเต้น ถึงแม้สิขึ้นรถทัวร์ แต่คนกะนั่งร่องกลางทางคนหย่างจนเต็ม เข้าห้องน้ำกะบ่ได้ ได้เอาน้ำลายทาสายบือไว้ยามปวดอุจจาระ (ทางบ้านเฮาเอิ้นขี่เนาะ) ปวดเยียวกะดาย

    แม้ว่าทาง บขส. (บริษัทขนส่งเด้อ บ่แมนบ้าขนเสา) สิมีนโยบายบ่ให้ยัดผู้โดยสาร ให้มีที่นั่งเต็มแล้วกะออก แต่เป็นความสมัครใจของผู้โดยสารเอง ยืนกะยืนว่าแต่ได้ไป สมัยก่อนอยู่หมอชิตหน้าเทศกาลยาดกันขึ้นรถ ยืนขาเดียวสลับกันไปฮอดชัยภูมิกะเคยมาแล้ว ซูมื่อนี่แม้ว่าสิลำบากหน่อยกว่าเก่า แต่กะดีขึ้นหลายระบบขนส่งมวลชนบ้านเฮากะดาย

    ยามแวะเข้าปั้มกะยาดกันอยู่กันกิน ผู้หญิงเข้าแถวกันเข้าห้องน้ำเป็นตาหลูโตนหลาย บางคนต้องขอเข้าห้องน้ำผู้ซาย ย่อนแนวนี้มันอดบ่ได้เด้ มันเป็นเรื่องสุดวิสัย

    ซุมที่มีรถส่วนตัวแวะข้างทางกะได้ แต่ข่อยต้องอดทนไว้ มีคนบอกให้ข่อยซื้อรถสิได้ไปมาสะดวกพะนะ อย่าว่าแต่มีปัญญาซื้อเลย ถึงแม้ว่าสิมีคนเอารถให้ซือ ๆ กะบ่มีปัญญาซื้อน้ำมันซื้อแก๊สเติม

    บางเทือเด็กน้อยพากันไห่ระงมมันฮ่อนหลาย บางคนกะฮาก แอร์มันบ่เย็นคนหลายคัก บางเทือข่อยกะได้กลิ่นแก๊สออกมาเป็นระยะ ๆ ข่อยกะได้แต่จกยาดมออกมาดมเอา จั่งสิไปตู่ไผ ขนาดนั่งในรถตู้แท้ ๆ ข่อยกะบ่กล้าท่วง ต้องถ่าให้กลิ่นเบิ๊ด บางเทือข่อยกะอดบ่ไหว ปล่อยมาดุโพด ข่อยวินหัว ข่อยกะว่าสงสัยหมาตายข้างทางเด้นี่ กลิ่นเหม็นข่อยกะว่าจั่งซี่ล่ะ ปีใหม่สิเอาหยังไปฝากอีพ่ออีแม่ดีน้อ

    ส่วนของฝากกะอยากสิให้ญาติพี่น้องหลายอยู่ดอก แต่พี่น้องหลายโพด กะได้แต่ได้ไปซื้อสบู่ยาสีฟันอยู่ร้านสหกรณ์ชุมชนนั่นล่ะลงสมุดไว้ อย่างหน่อย ๆ พ่อแม่เลาสิได้เงินปันผลแนซั่นดอก

    ขากลับอีแม่เลาจกแต่ปลาแดกให้ข่อย แต่ก่อนข่อยใส่แต่ถุงเจ็ดแปดซั่น ตอนนี้ฟักใส่ขวดน้ำอัดลมบิ๊กโคล่ามา บักสามลิตรกว่า ๆ ลองเบิ่งดู๊ คันบ่ปาเข้าไปเคิงไหโลดอ่ะ ฮ่า ๆ

    โอ้ บรรจุอยู่เด้น้อขวดนี่แมะพะนะ อีแม่ข่อยว่า หลังจากนั้นกะมีห่อข้าว แนวกิน และกะน้ำที่อีแม่ไฮให้ข่อย ถ้าบ่เอาเลากะสิยืนเบิ่งเป็นตาหลูโตนเลา ผุเถ่าเนาะ กะเลยเอามานำ แต่บ่กล้าจกกินบอกล่ะห่อข้าวกะดายมันเป็นอูยุอายะจั่งใด๋บุ มีฮอดป่นปลากับบักเขียขื่นแมะ กะได้มาซื้อกินกลางทางคือเก่า กลับฮอดกรุงเทพฯ จั่งค่อยจกออกมากิน โอ้..แซบ ๆ แม่ โทรไปบอกเลา เลากะดีใจแล้วล่ะ ตี๊หล่า ๆ พะนะเลาว่ากะดาย

    ช่วงเวลาพิเศษถ้าไปหาพ่อหาแม่ได้กะไปโลดครับ เพิ่นกะสิแนมทางหาเฮาอยู่ ลูกผู้นั่นกะไปผุนี่กะไป เพิ่นดีใจหลายครับ เพิ่นบ่ได้หวังหยังจากเฮาดอกครับ ในช่วงที่เลายังมีชีวิตอยู่กะไปมาหาสู่เพิ่นแน ซื้อแนวเลามักไปให้เลาแน

    ปีนี้กะสิซื้อแนวอีแม่มักคือเก่าล่ะ กะคือปลาทูหอม ข่อยย่านไปแตกในรถทัวร์ข่อยสิเอาใส่กระเป๋าเอาไว้ใต้ท้องรถเอาดอก ส่วนอีพ่อเอาเงินให้เลาจักสองพัน โอ๊ะ ๆ สองร้อยบาทกะพอแล้วล่ะ ย่านบ่มีเงินค่ารถกับกรุงเทพฯ

    ขอให้จองตั๋วแต่เนิ่น ๆ วางแผนการเดินทางให้ดี และกลับบ้านโดยสวัสดิภาพเด้อครับพี่น้องครับ กลับมากรุงเทพฯ หรือมาทำการทำงานกะขอให้มีพลังใจที่สิต่อสู้ต่อไปครับ ธุจ้า





    ปล. คิวในช่วงปีใหม่ 16,18,19,21,22,25,26-28 ธ.ค. เต็ม หากต้องการอยากพบกรุณานัดแนะหรือโทรไปบอกล่วงหน้านะครับ ฮ่า ๆ ๆ ๆ
    แก้ไขครั้งสุดท้ายโดย พล พระยาแล; 16-12-2010 at 10:42. เหตุผล: แก้ไขเพิ่มเติมข้อความ

  2. #2
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ฮ่าๆๆๆๆ ปีใหม่ปีนี้ บ่มีหยังไปฝาก อิพ่อ อิแม่หรอกครับ ขอแค่ได้เฮ้ดกิจกรรมในครอบครัว

    ในวันหยุดยาวจั่งสิ กินข้าวฮ่วมพา หาแนวถึกปากผุเฒ่า เว่าคุยหยอกเหย้า กะมีความสุขใจแล้วครับ

    ฮ่าๆๆๆ แนวคนเงินน้อยน้อ ให้กะย้านบ่มีค่าน้ำมันโงโค้งกลับมาคือว่านั้นละ
    :b-b:b-b:b-b:b-b
    แก้ไขครั้งสุดท้ายโดย จ่าเหลือง; 16-12-2010 at 07:51.

  3. #3
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    .......ฮอบความคิดฮอด กองใหญ่ๆๆๆๆๆๆๆๆๆ....ไปฝากเพิ่น คือ น้องบุ๋มเด้อจ้า...........

  4. #4
    ที่ปรึกษาด้านกฎหมาย สัญลักษณ์ของ sert1964
    วันที่สมัคร
    Nov 2007
    กระทู้
    314
    ดีใจนำเด้อครับ สำหรับผู้ที่ได้ไปเที่ยวปีใหม่กะดาย กลับบ้านเฮากินเข่า(เหล้า)กับพ่อแม่พี่น้อง ขออวยพรให้สมาชิกฯเดินทางปลอดภัยทั้งไปและกลับ ท่านใดที่นำรถยนต์ส่วนตัวไปแล้วกะมีพรรคพวกนั่งกระบะหลัง ขอให้พูดจากับตำรวจเขาดีๆว่าสิพาญาติกลับบ้าน(มื้อวานไปประชุมมา ตำรวจโคราชเขาสิตั้งด่านจับ) สำหรับผมทุกเทศกาลบ่ได้ไปไสจักเทื่อ มีแต่คำสั่งห้ามลา ห้ามป่วย ห้ามตาย..โชคดีปีใหม่ 2554 ครับ :l-:b-b

  5. #5
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    ขอให้พี่น้องบ้านเฮาเดินทางกลับบ้านโดยสวัสดิภาพทุกคนเด้อครับ

  6. #6
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161
    เคยไปผจญภัยรถทัวร์แบบนี้ทีนึง กะอ้ายพลแม๊ รถมีที่นั่งกะบ่พาไปขึ้นแม๊ะ อิอิ

    โชคดีว่าคนขับรถเห็นว่าเป็นผุเถ่ากะเลยให้ไปนั่งที่นั่งของเด็กรถ สบายไป

    ปีนี้ว่าจะไปผจญภัยอีกสักรอบ ไม่เข็ด อิอิ....

    โชคดีในการเดินทางกันทุกคนนะคะ
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  7. #7
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    :l- :l- หอบความรัก กับความคิดฮอด ไปฝากอิแม่จ้า (แต่ไม่รู้ว่าจะได้กลับบ้านหรือเปล่า เพราะว่า หยุดงาน 3 วันเอง)-ขอให้พี่น้องชาวบ้านมหา ที่ได้กลับบ้านในช่วงวันหยุดปีใหม่ เดินทางโดยสวัสดิภาพทุกท่านเด้อจ้า............... :1- :1-

  8. #8
    แบ่งปันความรู้และประสบการณ์ สัญลักษณ์ของ nakorn
    วันที่สมัคร
    May 2009
    กระทู้
    60
    เอาไห่เพิ่นก่อนโลดอ้ายเงินนะ มื่อกลับกทม.จั่งขอค่ารถใหม่ เอาไว้กับจะของซื้อน้ำเลี้ยงหมู่เบิด

  9. #9
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,622
    ปีใหม่ปีนี้สิไปเที่ยวกรุงเทพดอก คนจั่งสิบ่หลายหาแล่นเล่นนำทางด่วนเบิ่งก่อนน๊าฮ่าๆๆ

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    แฮ่ม ปีใหม่ไปกรุงเทพฯ พะนะ หืย คนที่มาจากกรุงเทพฯ สิได้พ้อบ่ซั่นน่ะ สิบ่สวนทางกันซะบ้อ

    ได้ยินว่าคุ้มอุบลสินัดกันบ่แมนบ่หล่า

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •