มาเด้อจ้ามาเล่นหิมะกับสาวทองแพงจ้า

[ธิดายาเย็น]

น้องแพงจ๋า..ขนาดอากาศบ้านเฮาเพียงแต่ลมเย็นวอยๆมาเอื้อยกะยังบ่อยากอาบน้ำแล้ว ถ้าให้ไปเล่นหิมะคือจั่งน้องแพง มีหวังเอื้อยคางกะไตแข็งตายคักหล่า..ฮ่าๆๆๆ..แต่กะงามดีเนาะจ้า..

[เขมราฐ]

โอ้ว... อยู่อุบลฯ แค่ 15 องศาหลินกะเดี้ยงแล้วค่ะพี่แพง

หลินมักน้ำเขียวเด้อค่ะ กลิ่นครีมโซดา เทื่อหน้าเอาน้ำเขียวราดให้จักถ้วยแหน่ค่ะ

[ลาวดีน้อย]

เอ้าพี่แพงกินได้อยู่ติจ้า หิมะลาดน้ำแดง น้องขอจักถ้วยเด้อจ้าขอน้ำเขียวๆอิอิ

[noonam]

โอ้ยยยยยยยยยยยยยย นอนเกือกเด้เนาะจ้า คือสิม่วนน้อจ้า ฮิ้ววววววววววว

[ติ๋ม เปอร์โย]

บ่เล่นนำดอกน้องแพง พี่หนาว...ส่างกล้ากิน บ่หนาวตับตี้ อิอิ

บ้านพี่กะตกแฮงหลายมื้อคืนนี่ จนพี่บ่กล้าออกบ้าน ขาดโรงเรียนจ้อย...
มื้ออื่นเป็นมื้อสุดท้ายแล้วกะสิปิดคริสต์มาสแล้วจ้า...คึดยากสิขับรถอยู่ดอก
หิมะกะหลาย หนาวกะหนาวติดลบ20องศาแล้วหละน้องหล่า...เอื้อยว่าสิออกไปถ่ายภาพมาประกอบกระทู้ บ่ออกบ้านจ้อย อิอิ

[สะใภ้อิสาน]

น้องแพงหิมะลาดน้ำแดง ต้องใส่ลูกคิด ขนมปังด้วยลูกชายพี่ทำบ่อย เด็กเค้าไม่หนาว
เค้าจะเอากระมังน้อยไปรองหิมะ

[สาวทองแพง]

สูงกว่ามื้อแรกที่สาวทองแพงเล่นอีกจ้า


ตู้เย็นธรรมชาติจ้า เย็นไวกว่าใส่ตู้เย็นอีกจ้า ติดลบ10องศาจ้า


จากจุดนี้ ถึงบ้านที่เห็นหลังคานั้นละจ้าซอยบ้านสาวทองแพง
โชคดีจ้าทำงานใกล้ๆบ้าน เพราะรถเมล์บ่แล่นมื้อนี้
บ่ซั่นได้ขาดงานแท้ๆจ้า ถ้าตรงกับมื้อไปทำงานในเมือง




ความแตกต่างระหว่างฤดูหนาวกับฤดูร้อนจ้า สถานที่เดียวกันจ้า ม่องเลี้ยงงัวขะเจ้าจ้า

[ลาวดีน้อย]

อึยยยยยยย หน่าวจ้า ตะบ่มีหิมะน้องกะหนาวกะด้อแล้ว หนาวใส่ปีใหม่คักจ้าอิอิอิ

[ลุนนี ศรีเกษ]

น้องแพงจ๋า ใส่ถุงมือแหน่จ้าคันสิเล่นหิมะ อะสิไปซาวมันมือเปล่าเดอจ้า มันเย็นแฮงๆจนเนืี้อเฮาชาบ่อฮู้สึก เนื้อมันสิตายเป็นแผล เขาเอิ้นโรคหิมะกัด แต่เรื่องกินแทนน้ำแข็งไสนี้ ป้าบ่อฮู้จ้า
ว่ากินได้บ่อ แต่ย่านสารเคมีนอจ้าในอากาศ ในหญ้า ในชุมชนเขาบ่อค่อยกินกัน แต่ตามภูเขากะเคยเห็นเขาไปตักมาต้มเป็นน้ำชงกาแฟยุจ้า แพงคิงตะของแหน่นางเอ้ย สิได้ยุอีกหลายปียุดอกจ้า ใจเย็นๆถามคนคะเจ้าก่อน สิบฮู้บ่อท่อเคยนอจ้า ป้าเป็นห่วง(เบิ่งรูป)

[อาวอ้วนเมืองยศ]

เหอๆๆ มันสะมาเป็นตะหนาวแท้แพงเอ๋ย ตะภูบ้านเฮากะแย่แล้ว บ่ไปอยู่นำดอกต่างปะเทศซั่นหนาวปานนั้น หึยยยย แต่ว่าอั่นราดน้ำแดงนะ กินได้อะหลีติ