หาปลา กินเข่าป่า มื้อหยุด

[ฅนภูค่าว]

เมื่อวานวันอาทิตย์ ๑๙ธ.ค. ๒๕๕๓หยุดงานเลยชวนกันไปหากินเข่าป่าแถวๆบ้านกันผม สายจักราช หลังเขตอุตสาหกรรม


เป็นห้วยธรรมชาติกะบ่ใหญ่ปานได๋สิมีประตูน้ำปิดเปิดนำ มื้อนี่เพิ่นเปิดน้ำมาหน่อยกำลังพอดีเลย


สิมีขัวค่วม(สะพานข้าม)ตอนน้ำท่วมใหญ่เดือนตุลา ท่วมสูงจนมิดขัว ป้าดท่วมคักท่วมแน

เครื่องมือหากินมื้อนั่นกะมีแห 2 ปาก เลยซ้อมวงสวิงกัน แก้หนาวก่อน (วอร์มอัพ)

ปลาค่อโตแรกแฮกหมาน บ่แมนค่อกั้งเด้อ

ส่วนหลายปลาถึกแหสิมีแต่พวกปลาขาวส่อย ปลานิล ปลากดน้อย(ใหญ่บ่ทัน ไทบ้านหากินทุกมื้อ)

มันต้องลากแหเอาจากฝั่งพี้โดยสองคนยกตีนแหขื่นให่พ้นน้ำแล้วค่อยๆลากไปอีกฝั่งแล้วไปปักตีนแหไว้เทิงฝั่ง แล้วซ่อยกันงมได้ปลาดุกมาโต (ต้องใซ่ควมซำนาญจักหน่อยจังสิเอามันได่)

หนาวกะขื่นมาฝิงไฟ แล้วกะลงไปใหม่

ส่วนหนึ่งกะเอาเกียโฮย เขี่ยนถ่านออกมาแล้วปิ้งเป็นกับแกล้ม....

ส่วนปลาโตน้อยอีหลีกะเอาไปคัวขี่ออกปรุงเครื่อง ใส่ซ๊อส กระเทียม พริกไทย แล้วทอดให่กรอบๆเป็นกับเข่ากะได่

ไผหิวไผเมือยกะขื่นมาพัก ขื่นมาปั้นฮองท้อง สูบยาจักกอกเซามีแฮงจักคราวจังว่ากันมั่ย

อิ่มหนำสำราญแล้ว ได่เวลากลับบ้านกะเลือกโตใหย๋ๆ เอาเมือต้มกินแลงยุห้องพัก ที่เหลือคัวใส่ตู้เย็นเอาไว่นึ่งมื้อใหม่

อีพ่ออีพ่อถ่าข่อยแน ข่อยสิลงไปงมปลาค่อนำ....แถม :*-

[คนตระการ...]

อยากไปนำเด้แบบนี้ คือสิได้บรรยากาศดีคัก.........

[จ่าเหลือง]

สุดยอดเลยครับปิ้งปลาน้ำจืดบ้านเฮา โตน้อยๆจั่ง บ่มีก้าง ชั่งแต่หนาวนี้ละ ฮ่าๆๆๆ

[ลาวดีน้อย]

อยากกินปลาปิ้ง อิอิตาแชบเนาะจ้า บรรยากาศหนาวๆแบบนี้เล่นน้ำบ่หนาวติจ้า..

[หนุ่มคำก้าว]

เห็นปิ้งปลาแล้วน้ำลายไหลอยากข้าวเด้ปีใหม่นี่ละเด้อสิไปสาปลาอยู่นา

[บ่าวจัย]

ปิ้งปลากับแจ่วนำฝั่งห้วยตะแม่นสิแซบคักเนาะครับอ้าย
แต่ว่าเฮ็ดภาพให้มันใหญ่กว่านี้แนเด้อครับ มันน้อยโพดอิอิอิ

[ชัย หมอแคน]

แบบนี้ เทิ่งหนาว เทิ่งแซบ ..บรรยากาศใกล้เคียงกัน สุดยอดๆ เอาแบบซูมๆแนเด้อภาพ จั่งคักคับ

[thedon]

ได้เทิงบรรยากาศได้เทิงความแซ่บเนาะครับ อยากไปทริปแบบนี้หล่ะครับเป็นตาไปโตนน้ำดีคัก

[Baimon]

:b-bกินกัยแกล้มค้า อยากกินปลาเข็งนำเด้ค้า

[กำพร้าผีน้อย]

..เป็นตะแซบตะม่วนแท่ทั่น เทื่อไปยามพาเฮาไปแนเด้อแบบนี่..55

เมือบ้านไปกินปลาเขื่อนเอาภาพที่ว่ามาลงให้เบิ่งแนเด้อ...