ผ้าพันคออีกแล้วจ้า โครเชต์

[ติ๋ม เปอร์โย]

นั่งสมาธิอีกแล้ว อิอิ ใช้เวลาว่างให้เกิดประโยชน์อีกแล้วจ้า...
เห็นว่าลายงาม ถักง่าย เลยเอามาฝากค่ะพี่น้อง ถักเล่นๆ จิตใจสิได้นิ่งๆ สงบ
บ่อยากคึดนำอิหยังให้เจ้าของเป็นทุกข์ใจอีกแล้วหละติ๋ม....




ผืนนี่สีน้ำเงินเป็นสีหลัก...ถักยังบ่แล้วมีคนอยากได้แล้ว จักสิขายบ่ขาย จ่ายเงินตั้งราคาให้ติ๋มเรียบร้อย..
จำเป็นกะได้ขายให้...ว่าสิถักไว้ใช้เองแหม๋



ผืนนี่ถักโซ่ยาว451 ติ๋มถักโซ่หลายกว่าแพทฯเพิ่นอีก ของต้นแบบโซ่แค่351



หลังจากขายผืนนั่นไปแล้ว ติ๋มกะเลยเริ่มถักอีกผืนให้ตัวเอง...ผืนนี่โซ่ยาว551(หัวล้านหลื่นครูบ่ข่อย อิอิ)
โทนออกสีม่วง สีสำหรับคนบ่สมหวังอิหยังจักอย่าง จังบ่มีผู้ใด๋อยากได้นำเนาะ



ต่อไปสิถักโทนสีเขียวอีกผืนจ้า มีคนจองมาแล้ว เขาบ่มักสีม่วง พะนะ 555++



คั่นถักผ้าพันคอชุดนี่เบิดแล้ว ติ๋มว่าสิหัดถักนิตติ้ง พุ้นแหล่ว ซื้อด้าย+ไม้นิตมาแล้ว พะนะ
แล้วติ๋มสิถักเป็นบ่หละ คือซื้อมาหลายแท้...หย่องหมุ่นๆแล้วสิบ่ได้ถิ่มซะตี้555++
แต่สิพยายามถักให้เป็น กำลังศึกษาเบื้องต้นจากครู บา อาจารย์ หลายคนอยู่ แล้วสิเอาผลงานมาให้เบิ่ง อิอิ

ขอขอบคุณที่มาของแพทเทิร์นค่ะ

[เเมงสะดิ้ง]

เก่งเนาะจ้า
เข้ามาชื่นชมนำ
มักสีน้ำตาลข้างล่างเด้อ
จองแล่ว....อิอิ

[ไก่น้อย]

ซวดๆๆๆๆ ให้เลยจ้า สวยงามสมกับที่ตั้งตาถักบักอย่างคักเนาะจ้า
แมงสะดิ้งจองสีน้ำตาล เอื้อยไก่จองสีน้ำเงินเด้อจ้า อิอิ (ขายไปหละยัง 55+)

[แจ่มใสยิ้มสวย]

สวยจัง บลอกนี้พี่ก็เคยเข้าไปดูจ้า เบิงซงไหมพรมคือสินิ่มน้อจ้า

[สาวบ้านแต้]

สวยงามมากเลยจ้า มักๆๆๆๆ งานฝีมือ แต่น้องอี๊ททำบ่สวย (แบบว้า...ฝีมือไม่ให้แต่ใจรัก) อิอิอิ อี๊ทสิขอเอาไปเป็นแบบแนเด้อจ้า สิเอาไปถักหมอน ถักผ้าห่ม ไว้สมมาปู่่กับย่า ซั้นดอกว้า....เอิ้กๆๆๆๆ

[ธิดายาเย็น]

งามๆจ้าน้องติ๋ม ถักเก่งแท้จ้า คั่นแม่นเอื้อยล่ะจั๊กสิออกมาอิแนวได๋หรือว่าปีหนึ่งสิถักแล้วบ่บุ๊..ฮ่าๆๆๆ

[pui.lab]

จองสีฟ้าจ้า ส่งมาทางเมกาแน๊เด้อ อิ อิ

[ติ๋ม เปอร์โย]

แมงสะดิ้ง....สีน้ำตาลหั่นว่าสิถักนิตติ้งใด๋ แต่ถักยังบ่เป็น สิกล้าจองอยู่ตี้...อิอิอิ

ไก่น้อย+เจ๊ที่รัก...สีน้ำเงินขายไปแล้วจ้า บ่ได้ใช้เองจ้อย...บ่มักสีม่วงนำตี้ สีคนอกหัก ผิดหวัง อิอิอิ

พี่แจ่มใส...ไหมนุ่มมากจ้าพี่ สวยนำ ตอนนี่ติดใจถักไหมพรมแหม๋...หาเบิ่งแพทฯของชาวบ้านเพิ่นตามประสาคนออกแบบลายบ่เป็นหละจ้า อิอิ

สาวบ้านแต้...ดัดแปลงใช้งานตามสบายจ้าน้องอิ๊ท เป็นผ้าห่มพี่ว่าคือสิสวยดีเด๋เนาะ

พี่แจง...คั่นบ่มีแนวทุกข์ใจ ติ๋มกะบ่นิ่งเฮ็ดดอกจ้า...ตั้งแต่ถักเป็นกะซ่อยทางด้านจิตใจได้หลายอิหลี...

รอพบกับผืนสีเขียวและการถักแบบนิตติ้งต่อไป พะนะ ปานเรื่องสั้นเว่ยหละ...55555+++

[ร้อยหมื่นพันไมล์ไกลบ้าน]

งามแท้จ้า ส่วนงานนิตติ้งน้องติ๋มถักแพทเทิร์นได๋น้อ ถ่ามีเวลาเอามาลงให้เบิ่งแนเด้อจ้า
อยากลองเบิ่งนำค่ะ

พี่คิดว่างานนิตติ้งบ่ยากเท่างานโครเชต์จ้า
เสร็จเร็วกว่าด้วยค่ะ (ความคิดส่วนตัว แฮ่ๆๆ)

[ติ๋ม เปอร์โย]

อ่านแพทเทริ์นของนิตติ้งบ่เป็นจ้าพี่หน่อย...กะว่าสิเบิ่งที่ฝรั่งเขาสอนเบื้องต้นในยูทูปจ้าพี่...

ไก่น้อยกะว่าคือพี่หละ ถักง่ายกว่าโครเชต์อีก...ติ๋มลองเบิ่งแล้ว เอาไหมที่เหลือๆมาหัดเบิ่ง ค้องไหมใส่ไม้พอเป็น
แถว2นั่นตี้ เบิ่งเพิ่นเฮ็ดคือง่ายแท้ บาดติ๋มเฮ็ดมานคือแน่นอิ้งตี้งบ่ยอมหลุดออกมาอยู่ไม้ที่2เลย
คั่นเฮ็ดหลวมๆ กะหลุดออกมาที่ละ2-3ห่วง โอ้ยยยน้อ หมุ่นอุ้ยปุ้ยอิหลี...แต่กะสิพยายามต่อไป ท้อแต่บ่ถอย...