ทุกมื้อนี่ติ๋มกะคาแต่ยาก บ่ค่อยได้เข้าครัวดอกจ้า นานๆสิเฮ็ดกับข้าวเทือ...กินอาหารญี่ปุ่นเป็นส่วนหลาย(มาม่า อิอิ)
ไปร้านไทยได้ขมิ้นมา กะเลยคึดอยากกินไก่ต้มน้ำปลา เฮ็ดง่ายๆจ้า ไกลบ้านมีหยังกะใส่ ขาดๆเกินๆ
ต้มสุกแล้วกะหั่นใส่จาน กินกับน้ำจิ้มแจ่ว,น้ำจิ้มซีฟู๊ด แซบพอได้อยู่จ้า
เครื่องปรุง
ไก่ 1 ตัว, ตะไคร้, ขิงแก่ๆ,ขมิ้น, กระทียม,หอมใหญ่,พริกไทย,รากผักชีเม็ดทุบพอแตก
น้ำปลา 1ขวด ใส่จักหลายเติบ เกือบหมดขวด
น้ำเปล่าใส่จนท่วมโตไก่
ซีอิ๊วดำนิดหน่อย+น้ำตาลปี๊บ
เอาเครื่องปรุงลงใส่หม้อ ใส่ไก่ลงไป เอาหลังลงไปก่อน ใส่น้ำปลา เติมน้ำ ยกขึ้นตั้งไฟ
20นาทีผ่านไป กลับไก่เอาหน้าอกลง ต้มต่อประมาณ30นาทีหรือจนไก่สุก
ป่นปลาทูนี่กินบ่อยสุด เฮ็ดง่าย แซบ เก็บไว้ในตู้เย็น อุ่นกินได้หลายมื้อ พะนะ
เครื่องปรุงตามเคย...ทุกอย่างที่เห็นหละจ้า ติ๋มมักตำป่นใส่พริกกระเหรี่ยง,หอมแดง,กระเทียมคั่ว
หอมดี เผ็ดได้ใจอีกต่างหาก แล้วติ๋มกะมักต้มหมากเขือใส่นำลูก2ลูกพอ..เทือนี่ใส่แมงดานาพร้อม หอมคัก
น้ำต้มปลาแดกกับปลาทูหั่นหละ กรองเอาก้างออกไว้ปรุงรส ใส่ต้นหอม ผักชี
ก่อนสิเติมน้ำปลา ให้ชิมก่อนเด้อจ้า ใส่แต่น้ำต้มปลากะนัวแล้วหละ
ยกมาเสริ์ฟกับผัก เท่าที่หาได้ ไปร้านไทยมาได้สะเดา เอามาลวกกินกับป่น แซบดี แต่ขมขนาด
มื้อนั่นหุงข้าว บ่ได้แช่ข้าวเหนียว...มาเด้อพี่น้องกินข้าวนำกัน...
Bookmarks