กำลังแสดงผล 1 ถึง 8 จากทั้งหมด 8

หัวข้อ: อมตะรัก บ้านทุ่ง ตอนที่3

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    อมตะรัก บ้านทุ่ง ตอนที่3


    (ขอบคุณทุกๆแรงใจที่มีส่งมาให้นักเขียนหน้าไหม้ โอะ หน้าใหม่ หลายๆเด้อจ้า ว่างบ่ได้ อิอิ ฟ้าวมาปั่นต่อจ้า )

    หลังหมดเทศกาลสงกราต์ ย่างเข้าเดือนหก ฝนต้นปีเริ่มรวยริน กลิ่นไอดินที่ถูกฝนเริ่มส่งกลิ่นหอมอ่อนๆ ดอกไม้ ดอกหญ้าเล็กๆตามนา เริ่มจะแตกกิ่ง แข่งกันชูยอดอ่อน เห็ดเล็กๆตามคันนา เริ่มจะมีให้เห็น

    " เคนเอ้ย แม่ว่าปีนี้ควายบักตู้เฮามันส่งเถ่าลงหลายเนาะ แม่ว่าสิไปเว่าควายพ่อลุงเส็งเบิ่ง เพิ่นมีหลายโต แม่ว่าสิไปยืมแล้วมาพอแล้วนาปีนี้ รึมึงว่าจั่งได๋ " เสียงยายทุม ปรึกษาหาลือเรื่องทำนากับลูกชาย ในขณะที่หมากยังเต็มปาก

    "ดีคือกันหละแม่ พ่อลุงเส็งเพิ่นกะเคยบอกยุตะปีกลาย ข่อยกะว่าบักตู้มันโตเดียวกะสิแล้วนายุ กะเลยบ่ได้ไปเอานำเลา " พ่อลุงเส็งที่บักเคนกล่าวถึงคือพี่ชายแท้ๆของตายัง พ่อของบักเคนที่เสียชีวิตไปแล้วนั่นเอง

    "แม่ออกไปวัด แล้วสิแวะหาเฮือนพ่อลุงเลายุดอกสั่น มื้อนิ " นางพูดพลางเก็บข้าวของที่เตรียมไปทำบุญที่วัด

    แดดตอนสายๆกลางทุ่งนา ชายหนุ่มร่างกำยำกำลังขะมักขะเม่น กับการป้านคันนา ตวายักตู้ ที่เป็นทั้งพาหนะ และเพื่อนคู่ใจของมันกำลังเล็มหญ้าที่พึ่งแตกกอจากฝนแรกที่ได้รับ แดดอาจจะทำให้ผิวกายของบักเคนไหม้เกรียม แต่ไม่อาจลบความคมสัน ของมันลงไปได้

    " ดู๋แทะน่อ กินข้าวสวยหละติอ้ายเคน" เสียงทักทายจาก อิเพ็ญ สาวน้อยที่มีที่นาติดกับนาของยายทุม และแอบหมายปอง บักเคนมาตั่งแต่เริ่มแตกเนื้อสาว แต่บักเคนหามีความสนใจไม่ มันไม่เคยคิดเป็นอื่นไกลกว่าคำว่าน้องสาว

    "กินแล้วจั่ง ลงมานิหละเพ็ญ .... ออกมาเอางัวกินน้ำติ " เสียงตอบรับและทักกลับจากบักเคน

    "จ้า .... อยากมาเบิ่งอ้ายเคนป้านคันแทนำนั่นหละ " สาวน้อยบ้านนา เริ่มทอดสะพานนิดๆให้บักเคน แต่หาได้รับความสนใจจากชายหนุ่มแม้แต่น้อย มันอมยิ้มนิดๆ แต่ในใจมีแต่หน้าของอิสาย ลอยเด่น แจ่มจรัสอยู่ในใจของมัน


    ตกค่ำวันนั้นหลังจากกินข้าวเย็น บักเคนสำรวจคลาดไถ เพื่อที่จะเตรียมพร้อมสำหรับการทำนาในปีนี้ การไถฮุดนา ตามภาษาของชาวอิสานที่จะต้องเริ่มลงมือไถกันตั้งแต่ฝนแรกที่มาเยือน
    " เคน หลวงพี่ขุนเพิ่นบอกแม่ว่าสิสิก ออกพรรษาปีนี้ ว่าสั่น" ยายทุมพูด พรางสีหน้ามีความกังวลไม่น้อย กับลูกชายอีกคนที่อยู่ในร่มกาสาวพัฒน์
    "ดีคือกันตั้วแม่ สิได้มาเฮดนาส่อยกัน " บักเคนพูดไปอย่างไม่ทันคิดอะไร
    "แม่ ใจบ่ดี ได้ยินเด็กน้อยเลาะวัดเว่ากัน ว่าหลวงพี่อยากสิก ย้อนมักอิสาย ลูกสาวพ่อใหญ่มี คุ้มใต้"

    เหมือนสายฟ้าฟาดเปรี้ยงลงมากลางใจของบักเคน หนุ่มน้อยบ้านนา ที่พึ่งจะเริ่มมีความรู้สึกพิเศษกับหญิงสาวคนบ้านเดียวกัน และความตั้งใจลึกๆของมัน เสร็จหน้านาปีนี้ มันกะอยู่ในใจลึกๆจะสานสัมพันธ์กับอิสาย สาวน้อยนางเดียวที่อยู่ในใจของมันมาตั้งแต่ไปวัดวันสงกรานต์
    คำเล่าเรื่องของพี่ชายจากปากแม่ ทำให้สีหน้าของบักเคนถ้าความมืดไม่ปิดบังคงจะมองเห็นความซีดเผือก อยู่ไม่น้อย
    " เอ่า ....หลวงพี่สิเฮดนาได้ติ อิแม่ เลามาสิเคยจับหางไถ" เสียงพูดจากอินางน้อยแว่วมาจากในครัว

    " จั่งว่า กูคิดยากยุนิหละ '' เสียงผู้เป็นแม่ดูมีความกังวลไม่น้อย ...

    เงียบกริบ ไม่มีคำพูดใดหลุดมาจากปากบักเคน มันดูเศ้ราซึม จนน้องสาวคนเดียวของมันสังเกตุได้
    " อ้ายเคน ...ข่อยถามสื่อๆเด้ออ้าย " อินางน้อยได้โอกาส อยู่ตามลำพังกับพี่ชาย หลังอาหารเช้าของวันต่อมาเสร็จสิ้นลง และยายทุมก็ออกไปดูลูกให้อิจันลูกสาวคนโต

    " เจ้ามักอิสายบ่ ... มื้อไปวัดมื้อนั่น อิสายมันถามข้อยว่าเจ้ามีผุสาวหละไป่ สงๆข้อยว่ามันกะสิมักเจ้า " เสียงพูดจากน้องสาว สายตาที่จริงจังรอฟังคำตอบจากพี่ชาย

    " โอย ไผเขาสิมาสนใจ คนบ้านนอกคอกนา อนาคตมีแต่หางไถ ส่ำอ้ายมึงน่ออินางเอ้ย"
    คำพูดที่ออกมาจากปากของบักเคนดูจะสวนทางกับใจของมันอย่างสิ้นเชิง ก่อนที่จะพลุดลุกขึ้นไป พร้อมกับแบกไถขึ้นบ่า

    (ความรักของหนุ่ม-สาว บ้านนามาเจออุปสรรคต่อนบักใหญ่แล้ว อย่าลืมมาติดตามตอนต่อไปเด้อจ้า ผู้เขียนขอโตไปอาบน้ำก่อน อิอิ ถึกจ่มอีกแล้ว ฮ่าๆๆ )



  2. #2
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    มาติดตามอีกแล้ว กำลังเข้าที่เลยไปซะแล้ว บักเคนสิเฮ็ดจั่งได๋น้อๆๆๆๆๆๆๆๆๆๆๆๆๆๆ

  3. #3
    เอาอีกๆๆกำลังม่วน มาเอาใจซ่อยบักเคน

  4. #4
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ได้ยินว่าหลวงพี่ขุนสิสึกออกมาย้อนมักอิสาย ลูกสาวพ่อใหญ่มี..ข่อยล่ะใจหายนำอ้ายเคนเด้..

  5. #5
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    หั่งว่าละตั้วบาดเทื่อนี้ อุปสรรคขวากหนาม มันย่อมมียุสุหม่องสุทาง หนามเล็บแมวป่าบักใหญ่เลยบ่บาดนี่แมะ
    ครับก้อเขามาติดตามอ่านผลงานอีกแล้ว อ๋อยน้อ ได้ถ้าได้รอตอนต่อไปอีกแล้วบาดนี่แมะ

  6. #6
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,990
    บล็อก
    1
    หว่าแล้วตั๊วเผิ่นสิดึงเรตติ้ง
    ปานเบิ่งละครทางช่องเจ็ดสีเอาโลด :l-

  7. #7
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    อ๋อยยย...ต่อไปสิเป็นจั่งได๋น้อบาดเนี๊ย บักเคนข่อย..ชวนให้ติดตามแท้น้อ..ฟ้าวอาบน้ำเด้อไก่น้อย...

  8. #8
    หนาวปานนี้ อย่าอาบด่นเด้อจ้าพี่ไก่น้อย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •