อ้างข้อความนี้
เหลืองเป้นตาแซบคักแท้ครับ
ข้าวจี่ทาไข่ (สาธิต โดยนางแบบกิติมศักดิ์)
ข้าวจี่ทาไข่ (สาธิต โดยนางแบบกิติมศักดิ์)
มื้อนี้ฅนภูไทมีเมนูเด็ดเมนูประจำฤดูกาลมาฝาก หนาวๆแบบนี้ต้องข้าวจี่ทาไข่ นั่งผิงไฟนึ่งข้าวสุกใหม่กะจัดการจี่ข้าวจี่ได้ทันที ฅนภูไทได้เกียรติจากนางแบบกิติมศักดิคนดังทางอ.หนองแสงมาสาธิตวิธีเฮ็ดข้าวจี่ทาไข่ มาเบิ่งกันเลยครับ
ตะเว็นเริ่มขึ้นกะเริ่มได้เวลาจี่ข้าวจี่กัน
วิธีเฮ็ดกะบ่ยากครับ แค่ปั้นข้าวใส่ไม้โฮยเกลือเพื่อความนัวจักหน่อยแล้วกะเอาไปขางไฟ
จัดการขางไฟอ่อนๆจนเหลือง ให้หอมฮิ่นๆ
พอเหลื่องได้ที่เฮากะเอาไข่มาทาเพื่อความแซบยิ่งขึ้น
เอาไปขางไฟอ่อนๆอีกเทื่อ สิได้กลิ่นหอมฮวนๆ
เพื่อความแบยิ่งขึ้นเฮากะเอามาทาไข่อีกรอบ
เสร็จแล้วเฮากะเอามาขางไฟอีกรอบ จนว่าหอมได้ที่
พอสุกได้ที่เอากะใส่จานกินได้ทันทีรึสิคาไม้เลยกะได้แซบคือกันครับ
ปล.ขอบคุณนางแบบกิติมศักดิ์ทางอ.หนองแสงมา ณ.ที่นี่นำเด้อครับ
เหลืองเป้นตาแซบคักแท้ครับ
ฮืมมมม..สุดยอด....ยอดสุดดดด..แล้วจ้า..ข้าวจี่ทาไข่..
เฮ็ดคือแม่อี๊ทเลย แต่ว่าแม่อี๊ท สิให้ปลายไม้ ซอดออกมา เอาไว้ค้างกับเตาอีกด้านหนึ่ง
แซบหลายเนีจ้าฝีมือ อิแม่นี่
คือเอาคนข้าวมาจี่ มันสิบ่ไหม้บ่จ้า
เหลือง อ่าย ฮ่าย เป็นตาแซบ...
โอ้ววว เป็นตาแซบ แต่กะชังอย่างเดียวมันติดแข่วววว
แก้ไขครั้งสุดท้ายโดย maxwell007; 23-12-2010 at 10:47.
เป็นตะหอมแซบน้อค่ะ ทางบ้านยายกะใส่น้ำอ้อยยัดใส้นำจ้า
ยามน้ำอ้อยถึกควมฮ้อนก็จะละลาย กัดข้าวจี่แล้วจะได้ควมหวานหอมจากน้ำอ้อยนำค่ะ
ป๊าดดดดด เป็นตาแซบจ้า เกิดมายังบ่เคยกินจักเทือปุ้ยข้าวจี่นี่แหม๋ อิ อิ อิ
ขอบคุณนางแบบกิตติมศักดิ์จ้า
วิธีกินข้าวจี่ทาไข่
1.ถอดไม้ออกแล้ว เอาน้ำอ้อยยัดเข้าไป(กรณีมักหวาน) หรือเอาปลาแดก เป็นต่อนยัดไส้( กรณีมักนัวลึก)
2.กินคาไม้ ให้บี๋กินรอบเฉพาะส่วนที่มันกรอบๆ หลังจากนั่นกะขางไฟต่อ พอมันแห่มแล้ว กะ ทาไข่อีกรอบ อิอิ แซรบบ ครับ
กลับบ้านตอนต้นเดือนพี่สาวทำให้กินสองไม้ค่ะ อิ่มชะมัด
