กำลังแสดงผล 1 ถึง 10 จากทั้งหมด 10

หัวข้อ: ปราชญ์ประพันธ์ บ้านมหา

  1. #1

    ปราชญ์ประพันธ์ บ้านมหา

    ทางเมืองกรุงเพิ่นมีการมอบรางวัลกวีพนธ์สำหรับผู้สร้างสรรค์งานเขียนประเภทร้อยแก้วร้อยกรอง ส่วนอีสานบ้านมหาเฮา ผมขออนุญาตมอบให้เพิ่นผู้นี้ครับ
    อันคำความผญาต้าน อาจารย์ศรีกวีป่อง ผู้อ่านเอย
    ฮีตอีสานสืบคอง ตามทำนองเอ่ยเอื้อน อ่านแล้วม่วนยิน
    วรรณศิลป์แม่นแม้ง สอดใส่กระบวนจิต อุปมาคมคิด ปนโวหารเว้า
    ตามสำเนาศิลป์พื้น หลิ่นคำควรค่า อักขราแต่เค้า เขาเจ้าสืบกอน
    เมธีเฮาบ่ฮ่อนข้อน เขินขาดเมืองอีสาน ไปตามกาลสมัย ยังอยู่ยืนยาวไว้
    ไทยกรุงเอิ้นกวีนิพนธ์ล้ำค่า ปราชญ์ประพันธ์ค่าล้ำ คือแก้วจารย์ศรี


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    agree with u ... ว่าติ อิอิ เดวเอื้อยไปบิ้วอารมณ์มาต่อผญานำเด้อจ้า ตอนนี้มึนตึบคิดบ่ออก แมะจ้า

  3. #3
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    ทางนี้สิถ้าอ่านถ้าฟังนำเด้อเอื้อยไก่น้อย บ่บิ่วอารมรมณ์นำดอก อิ อิ
    แม่นความตามว่าละครับ ตำแหน่งนี้เหมาะสมแล้ว

  4. #4
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330

    ดวงดาว The Star

    .
    ..เห็นดีนำอยู่ครับ อ้ายศรีสะท้านแห่งบ้านมหา เรื่องผญาต้องยกให้เพิ่น ซวดๆครับ..

    น้องไก่น้อย มีการไปบิ้วอารมณ์อีก ฟ่่าวๆมาเด้อนาง ถ่าอ่านยุ...5

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    แม่นๆๆๆๆๆๆๆๆๆๆๆวัฒน์เห็นด้วย
    มื้อได๋น้อเลาสิมารับมอบถ้วยกาไก่ โอะ บ่แม่นถ้วยรางวัล55555

  6. #6
    ศรีเอ้ยศรีสะท้าน สมตำนานท่านนักปราชณ์
    สมกับคาดการไว้ คนไกลใกล้ได้ฮู้นาม
    เพิ่นทำท่าบ่ฮู้ อยากให้เอิ้นดู๋ดู๋ อาจาร์ยใหญ่
    บ่มีไผ๋อีกแล้ว ผญ๋าแก้วคู่อีสาน สั่นแหล่วพี่น้องเอ้ย

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ข้าฯบ่ห่อนฮับไว้ ในเกียรติอันสูงศักดิ์
    ขอแต่มีคนฮัก อ่านกลอนกะพอแล้ว
    ฮักษาแนวกวีเค้า ของดีเฮาอย่าถิ่มปล่อย กะพอหละ
    อนุชนหนุ่มน้อย ภายหน้าสืบเมือ
    คือดั่งเกลือเค็มเข้ม ให้ยังเต็มอย่าจางจืด
    ดุจดั่งพฤกษ์พืชต้น มวลไม้สืบแนว นั้นนา

  8. #8
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    172
    โอ๊ย พุข้าว่าบ่เป็นนำดอกผญานั่น แต่หากมักอ่านตั๊วล่ะ อ้ายศรีเพิ่นจ่ายผญาเก่ง เหมาะสมแล้วครับ

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    สมควรแล้วแนวดินหินแห่
    ล้วนแต่เป็นสินธุ์แร่ในหั่นฮ่อนหา
    ภูมิปัญญาพาเตื้องคนเมืองน้ำก่ำ
    จ้ำไฮไฟผู้พี่ศรีสะท้านสนั่นเมือง
    ธุจ้าธุจ้าธุจ้า

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    สมกับคำเพินย้อง มองเห็นเป็นคักแน่
    หลานศรีเอ้ยแมนเก่งแท้ คำว่าแพ้นั่นบอมี
    เป็นที่หนึ่งได้เต็มที่ บทกวีนี่เลิศค่า
    สมตำแหน่งบ้านมหา ปราชญ์ ผญาเลิศล้วน
    สำนวนนั่นแมนคักหลาย แท้น้อหลาน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •