กำลังแสดงผล 1 ถึง 9 จากทั้งหมด 9

หัวข้อ: ตั๋วเจ้าของว่าคึดกับน้องแค่น้องสาว

  1. #1

    คำถาม และรอคำตอบ ตั๋วเจ้าของว่าคึดกับน้องแค่น้องสาว

    น้องสาวเอ้ย ฮู้บ่ ว่าอ่ายตั๋วเจ้าของไปมื่อ มื่อ ว่าเจ้าคือน้องสาว
    บ่พอคราวใจกะคิด อยากมีสิทธิ์หลายกว่าอ่าย
    สายสัมพันธ์ที่เคยสร้าง ย่านถืกม้างย้อนฮักเกิน
    จักสิเดินทางได๋ หากแม่นใจน้องบ่ว่าง
    ทางใจนั่นกะแฮ่งย่าน เจ้ารำคาญยามโทรหา
    จักสิว่าแนวได๋ ย้อนว่าใจมันฮักแล้ว
    เบิดสุแนวที่อ่ายเว่า อยากให้เจ้าฮู้ไว้ว่า
    เถิงภูผาสิขวางกั้น แต่ใจนั่นฮักบ่ลืม น้องสาวเอย


  2. #2
    ศิลปิน นักแสดง
    นางไหขวัญใจบ้านมหา
    สัญลักษณ์ของ noonam
    วันที่สมัคร
    Jan 2010
    กระทู้
    235

    ได้อ่านละ ขนลุกน้อจ้า ขนาดแค่อ่าน คันมีไผ๋มาเว้าให้ฟังคือสิทั้งเขิลทั้งอายน้อจ้า

  3. #3
    แบ่งปันความรู้และประสบการณ์ สัญลักษณ์ของ มะนาว
    วันที่สมัคร
    Sep 2008
    กระทู้
    136
    ม่วนๆๆจ้า.....

    อ้ายเอ้ย คันอ้ายว่า....เถิงภูผาสิขวางกั้น แต่ใจนั่นฮักบ่ลืม

    ใจน้องกะแอบปลี้ม บ่ลืมหล่องกะผ่องกัน อ้ายเอ้ย...

    5555555 เว่าบ่เป็นกะอยากเว่านำ พะนะ :1-

  4. #4
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    ตั๋วไผ๋กะตั๋วได้ แต่ว่าตั๋วใจเจ้าของบ่ได้นี้ติ๊ มันอุ๊กหลาย เนาะอ้ายเนาะ อิอิ..:l-

  5. #5
    น้องสาวได๋ซ่างเฮ็ดให้ หัวใจพี่ชายหวั่น
    สานสัมพันธ์ฉันท์พี่น้อง มามีหม่องต้องลื่นควม
    ฮักมากวมกุมกอด ความคิดฮอดเกินน้องพี่
    เหงานั้นตี้มาหงำอ้าย คลายลงบ้างหว่างพบเธอ
    ฮู้อยู่เด้อเธอเป็นน้อง ตำแหน่งครองคืออ้ายฮัก
    แต่ความรักที่รุมเร้า เกินคำเว้าว่าพี่ซาย...



    คิดยากนำยุครับ 555 อดเอาครับ อิอิ

  6. #6
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    ม่วนเนาะ

    ม่วนเด้เนาะ..
    อ่านแล้วกะใจละลายเด้หละ อั่นน้องผู้นั่นกะดาย
    :l-
    โอน้อ...อ้ายเอ๊ย
    เก้าสิหล่ม..สิบสิหล่ม..ย้อนว่าจ่มฮักน้อง
    ความหมายปองบ่คือเก่า..ฟังคำเว้าหยอดคำหวาน
    ซ่างบ่ย้านหมู่เพิ่นว่า..อดสาเอาซะเด้อชาย
    คนที่ "ใช่"บ่แม่นน้อง..คนที่จองบ่แม่นใจ..ซั่นแหล่ว..อ้าย

    ม่วนเนาะ

  7. #7

    โกรธแล้วน่ะ ลืมอ่ายสาถ่ามีเขา

    น้องสาวเอ้ย ดีใจนำเด้อน้องหล่า งินเขาส่าว่าสิดอง
    ขอให้คองความฮัก ไปจนสักไม้คันท้าว ขอให้บ่าวสาวคู่นี้
    ให้สุขขีมั่นแก่น สายแนนคู่กันแล้ว คงบ่แคล้วสิห่างกัน
    ฝันที่อ่ายเคยวาดไว้ คงเป็นได้แค่ความฝัน จบสัมพันธ์ของเฮาสา
    อ่ายคึดว่าบ่เหมาะแล้ว แนวน้องมีเขาเฮียงข้าง อ่ายขอห่างไปสาก่อน
    ขอไปนอนฮมใจ เอายาใส่หม่องมันช้ำ คือจั่งกรรมของอ่าย
    เป็นได้แค่อ่ายฮัก ผู้เจ็บหนักแม่นเป็นอ่าย ขอยอมพ่ายให้เพิ่นแซง สาน้องหล่าเอย..
    ลืมอ่ายสาถ่ามีเขา

  8. #8
    แบ่งปันความรู้และประสบการณ์ สัญลักษณ์ของ ตุ๊กตา
    วันที่สมัคร
    Jun 2010
    กระทู้
    45
    ฮักได๋แต่ใจ เนาะอ้าย อ่านแล้วซึ้งนำเด้ เป็นตาอยากฮู้น้องสาวคนนั้นเด้ เนาะ คืดสิผู้จบผู้งาม

  9. #9
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    61
    ในหัวใจบอกฮักน้อง สาวเนื้อค่องละอองขวัญ ใจผอวลหลงฮักบอกฮักนางในใจนั้น ขอให้ผันคำอ้างเป็นวาจาได้เอื้อนเอ่ย เผยวจีให้เผิ่นฮู้ว่าตัวอ้ายคิดจั่งได๋ อย่าไปอำเอียงไว้เผยความในออกมาเบิ่ง เหิงนานไปสิกลุ้มสุ่มไว้ระหว่างใจ แด้พี่เอ้ย คิดจั่งได๋บอกจั๋งชั่น ที่อ้ายมั่นมาหา ย้อนว่าใจหลงฮักม่อมพระนางผู้สวยโก้ บ่แม่นพาโลเว้าเอาคำมาเว้าอ่อย บ่ได้ออยออดเว้าเอาแท้ตั้งแต่โต ขอเป็นแฟนโก้ๆ สิได้บ่หนอทางใจ คิดกับอ้ายจั่งได๋ให้บอกมาสาหล่า ก่อนสิบ้าดอกท่าวตาย น้องสาวเอ้ย...น้องสาวเอ๋ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •