วรรษกาลปีขาลพ้น ปีเถาะวนมาแทนที่
วันเดือนปีสิเคลื่อนย้าย กระต่ายจ้อมาต่อเสือ
แนบสนิทชิดเชื้อ เครือใจสายใยเก่า
บ้านมหาของเฮา ให้ร่มเงาความแช่มชื่น เริงรื่นและซุ่มเย็น
ผู้มาเห็นผู้มาพ้อ มาสานต่อก่อสัมพันธ์
แหล่งสร้างสรรค์พันวิชา แหล่งศึกษาและค้นคว้า
เข้ามาคัวเข้ามาค้น เข้ามาคนเข้ามาเบิ่ง
ความบันเทิงมีเพียบพร้อม สาระอ้อมแม่นอั่งเฮือน
ทั้งมวลมิตรผองเพื่อน กลาดเกลื่อนผู้มาแจม
มาสอดแซมส่งสาร์น กล่าวขานกันม่วนกุ้ม
เป็นที่น่าภูมิใจแท้ ส่อยกันแลส่อยกันส่อง
ส่องกันครองคงฮีตไว้ ลายเค้าบ่เปล่าสูญ
เป็นจั่งบุญเนาะได้พ้อ ขอยอกรอวยพรส่ง
สิ่งประสงค์มวลมิตรมุ่ง ให้สมมาตรปรารถนา
แนวโรคาพยาธิฮ้าย อันตรายให้ไกลแหล่ง
สุขภาพแข็งแร็ง ให้ร่ำรวยลื่นล้น ทุกคนท่านบ้านมหา....สาธุ..
อ้างข้อความนี้
Bookmarks