ต้มไก่ใส่บักขามอ่อน...จากครัวฝึกหัด

[สาวทองแพง]

สวัสดีจ้าพี่น้อง พอดีเห็นสาวบ้านแต้เพิ่นต้มไก่ใส่ใบบักขามอ่อนเป็นตาแซบ
ก็คึดอยากนำเพิ่นจ้า แต่แม่ครัวฝึกหัดบ่มีใบบักขามอ่อนจ้า มีแต่หน่วยบักขามอ่อน
ที่เฒ่าแม่ห่อให้มานำจ้า กับเครื่องเทศที่แช่แข็ง ปีกไก่กะแช่แข็งไว้ตะยามได๋บุ๋จ้า

เอาน้ำใส่หม้อ พร้อมตะไคร้ ข่า ใบบักกรูด บักขามอ่อนทุบ
พริกแดง หอมหัวใหญ่ เกลือ ต้มให้เดือดจ้าบาดนี้


น้ำเดือดแล้วใส่ไก่ลงไปจ้า บ่ต้องคนหม้อเด้อจ้า เดียวสิคาวจ้า


พอไก่สุก ก็ชิมเบิ่งจ้า มักรสชาตได๋ ขาดหยังก็เติมลงไปจ้า


ได้รสชาตตามชอบแล้ว ก็ใส่บักเขือเทศ หอมเป(ผักชีฝรั่ง)
ลงไป พอหม้อเดือดอีกครั้งก็ปิดไฟได้เลยจ้า


ตักใส่ถ้วยเสิร์ฟฮ้อนๆได้เลยจ้า ข่าเหลืองโบราณของแท้จ้าเสิงสางจ้า หอมๆ
บ่แม่นข่าย้อมขมิ้นคือในตลาดเด้อจ้า เห็นเขาเฮ็ดข่าเหลืองขายแล้วจ้า ข่าย้อมขมิ้นคักๆจ้า

ธุจ้า ขอบคุณสำหรับพื้นที่และทุกกำลังใจที่แวะมาชิมจ้า