กำลังแสดงผล 1 ถึง 4 จากทั้งหมด 4

หัวข้อ: ความหวัง...ลึก ๆ ลอย ๆ

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    รอบยิ้มพิมใจ ความหวัง...ลึก ๆ ลอย ๆ

    ...หัวใจเต้นตุ้มต้าม ยามคิดฮอด นางสิมา
    เฮ็ดอีหยัง กะเปรียวไว ฮอดบ่มี แนวข่อง
    แนวว่าใจ อ้ายคึดนำแต่น้อง ลมหายใจ เข้าออก หล่าเอ้ย
    หายใจเข้ากะแม่นเจ้า หายใจออกกะแม่นเจ้า สิเป็นบ้าป่วงนำ พุ้นแหล่ว
    ...นี่ล่ะน้อเพิ่นว่า ได้ฮักแล้ว แม่นสิเก้าแม่น้ำ สิบแม่น้ำ กะได้ท่องเทียวหา
    ทางสิบคืน ซาวคืน กะบ่มี ทางท้อ
    ขอแต่มา ได้เห็นหน้า กะเป็นตาพอได้ซื่น
    ต่อชีวิตไปข้างหน้า ให้ยืนมั่น ซื่นบาน
    ...อ้ายอยู่บ้าน คอยหล่ำแลหา นางเอ้ย
    กินข้าวแลง กะแนมทาง คึดว่านาง สิมาร่วม
    เตรียมผ้านวม มาไว้ ยามนางนอน ได้ตุ้มห่ม
    ยามหัวลม พัดจ้าว สิคลุมน้อง ให้อุ่นคิง
    ...เตรียมทุกสิ่ง ไว้ถ่า ฟ้าวมาเด้อ น้องพี่
    ยามฮอดบ้าน อีหลี ขอสิ่งเดียวท่อนั้น
    ........ให้เตรียมแก้ม ให้พี่หอมแหน่เด้อ........


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    สู้ๆๆๆๆๆ เป็นกำลังใจให้บ่าวต่ายนำเด้อจ้า ฟ่าวมาเด้อๆๆๆๆสาวเอ็ยยยยย

  3. #3
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    นี่ล่ะน้อเพิ่นว่า ได้ฮักแล้ว แม่นสิเก้าแม่น้ำ สิบแม่น้ำ กะได้ท่องเทียวหา
    ทางสิบคืน ซาวคืน กะบ่มี ทางท้อ


    ทางสิเป็นโสกเด้จ้าเทียวหลายเด้อจ้าอ้าย ต่อไปสิได้พายเรือไปหากะเจ้าเด้จ้า:l-:l-

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ...แม่นสิลึก คือส่าง กะแล้วแต่ ทางเดิน เด้อหล่า
    แม่นสิเป็น หุบเหว กะบ่มี ทางย้าน
    ว่าแต่ทาง ใจน้อง บ่มีแปร ปลิ้นเปลี่ยน
    อ้ายนี้ โสสิสร้าง สะพาน ข้ามไต่เดิน
    ...แม่นสิมี แม่น้ำ สมุทรใหญ่ ขวางทาง
    อ้ายสิแปลง สำเภาทอง ล่องมาหาเจ้า
    หรือสิเป็น พงไม้ พงไพร แถวเถื่อน
    อ้ายสินำ ผ่าม้าง มาหาน้อง ให้ดั่งใจ อ้ายแหล่ว
    ...หล่าเอ้ย....

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •