...หัวใจเต้นตุ้มต้าม ยามคิดฮอด นางสิมา
เฮ็ดอีหยัง กะเปรียวไว ฮอดบ่มี แนวข่อง
แนวว่าใจ อ้ายคึดนำแต่น้อง ลมหายใจ เข้าออก หล่าเอ้ย
หายใจเข้ากะแม่นเจ้า หายใจออกกะแม่นเจ้า สิเป็นบ้าป่วงนำ พุ้นแหล่ว
...นี่ล่ะน้อเพิ่นว่า ได้ฮักแล้ว แม่นสิเก้าแม่น้ำ สิบแม่น้ำ กะได้ท่องเทียวหา
ทางสิบคืน ซาวคืน กะบ่มี ทางท้อ
ขอแต่มา ได้เห็นหน้า กะเป็นตาพอได้ซื่น
ต่อชีวิตไปข้างหน้า ให้ยืนมั่น ซื่นบาน
...อ้ายอยู่บ้าน คอยหล่ำแลหา นางเอ้ย
กินข้าวแลง กะแนมทาง คึดว่านาง สิมาร่วม
เตรียมผ้านวม มาไว้ ยามนางนอน ได้ตุ้มห่ม
ยามหัวลม พัดจ้าว สิคลุมน้อง ให้อุ่นคิง
...เตรียมทุกสิ่ง ไว้ถ่า ฟ้าวมาเด้อ น้องพี่
ยามฮอดบ้าน อีหลี ขอสิ่งเดียวท่อนั้น
........ให้เตรียมแก้ม ให้พี่หอมแหน่เด้อ........