หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: เป็นจั่งใด๋แนน้อพี่น้องกลับบ้านปีใหม่

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    พบปะพูดคุย เป็นจั่งใด๋แนน้อพี่น้องกลับบ้านปีใหม่

    มาเล่าให้กันฟังเบิ่งดู๊ครับ ไปบ้านปีใหม่ม่วนบ่ครับ วันที่ 30 ธ.ค.53 ออกจากบ้านตอนหกโมงเซ่า ได้ขึ้นรถปรับอากาศชั้น 2 กรุงเทพฯ - ชัยภูมิ รถออกสองโมงเซ่าครับ ไปฮอดบ้านพ่อกับแม่เกือบบ่าย 4 โมงแลงครับ นอนอยู่คืนหนึ่งครับ บ่มีหมู่จักคน (จักไผถามข่อยดอกล่ะ ฮังอยากเว่าให้ฟัง) เป็นจั่งใด๋แนน้อพี่น้องกลับบ้านปีใหม่

    วันที่ 31 ธ.ค.53 เดินทางไปบ้านแม่เถ่าครับ พอดีนั่งกินกับรุ่นพี่ข้างบ้านที่เป็นตำรวจครับ ลูกเพิ่นนัดหมู่มาฉลองกัน กะเอิ้นข่อยไปกิน ข่อยกะหิ้วเอาอุปกรณ์ประกอบการสนทนาไปนำ ว่าสิเค้าท์ดาวน์นำเพิ่นอยู่ครับ แต่อากาศหนาวคักนั่งต่อบ่ไหว ขอไปเค้าท์ดาวน์ใต้ผ้าห่มดีกว่า ฮ่วย...บ่แมนไปเค้าท์ดาวน์ใต้...แนวอื่นเด้อ ดีเจเด็กน้อยเพิ่นบ่ได้ไปนำเด้อ ฮ่า ๆ :l-

    เสียงจูดกะโพก กับพลุ ดังตุ้มตั้ม ๆ ปานออกพรรษา ซุมผู้อยู่เทิงเขาแลนคา หม่องจุดชมวิว กะพากันจุดพลุกัน ข่อยนอนฟังแล้วหนาวแทน ข่อยอาบน้ำแต่ยามกังเวนพุ่นแหล่วหนาวหลาย ถ้ามีลมพัดมาอีกบ่อยากพากษ์พี่น้องเอ้ย เป็นจั่งใด๋แนน้อพี่น้องกลับบ้านปีใหม่

    ปีใหม่ผ่านไปก็เห็นพี่น้องบ้านเฮาพากันไปสีเอาข้าวใหม่มากินกัน คนที่มีรถส่วนโตไป บรรทุกวาซ่านจนล้อหน้าสิยก สงสัยสิเอามากินเป็นปี ข่อยกะได้แต่นั่งเบิ่งเพิ่นซือ ๆ ดอก บ่มีปัญญาซื้อรถนำเพิ่นดอก ขึ้นรถโดยสารจากอำเภอหนองบัวแดงมาฮอดชัยภูมิแหย่กันพอปานหยังซือ ๆ

    มาฮอด บขส.ชัยภูมิ พ่อแม่เอ้ย คนหลายโพดว่า ลูกซายกะถามว่าเฮาสิได้ไปบ่ล่ะพ่อพะนะ ข่อยกะไปถามตั้งแต่เที่ยงกว่า ๆ มีเที่ยวว่างตอน 6 โมงแลง และกะมีที่นั่งว่างอยู่ 3 ที่ข้างหลังพะนะ

    ข่อยเห็นรถเมืองเลยแลนเข้า บขส. ข่อยกะมาถามเพิ่นขอนั่งร่องกลางได้บ่ครับ เพิ่นว่าได้ ๆ พะนะ ข่อยกะแบกกระสอบข้าวสารใส่รถ และพาลูกขึ้นนั่งเก้าอี้พลาสติกเสริม อันหัวกลม ๆ นั่นแมะ เพิ่นให้ถือขึ้นไปคนละอัน หม่องรถจอดพักกะถือลงมานำ พอพักแล่ว ๆ กะถือขึ้นไปนั่งอีก ต้องถ่าให้ผู้เพิ่นมีที่นั่งขึ้นไปก่อน จั่งค่อยบ่เหยียบเล็บขบกัน ฮ่า ๆ

    หม่องพิงกะบ่มีปวดแอวคักพี่น้อง แอร์กะบ่เย็น ยางตาย (เหงื่อ) ออกเสื้อข่อยเปียกเบิ๊ด ลงหมอชิตข่อยกินน้ำไปขวดหนึ่ง พอฮอดบ้านข่อยกินน้ำปานอูฐ เมือยกะเมือย เป็นจั่งใด๋แนน้อพี่น้องกลับบ้านปีใหม่

    หน้าเทศกาลหลายคนบ่อยากกลับเพราะรถติด ยาดอยู่ยาดกิน มันแมนอีหลีล่ะ แต่ข่อยมักข่อยว่ามันได้บรรยากาศตื่นเต้นดี ตื่นเต้นแต่ไปบ่ได้จองตั๋วไปตายดาบหน้าอยู่หมอชิตพุ่นล่ะ คนกองเอ้เล่อยู่

    คนอีสานบ้านเฮาเป็นคนฮักถิ่นฐาน หน้าเทศกาลพากันกลับบ้านไปยามพ่อแม่พี่น้องคึกคักดี บางคนกะกลับไปอยู่บ้านเฮาหลายแล่ว เพิ่นว่ามาอยู่กรุงเทพฯ หลายปี มีแต่หาอยู่หากินซือ ๆ บ่ได้อีหยังพะนะ

    เว่ามาข่อยงึดหลายพี่น้องบ้านเฮาที่เฮ็ดงานโรงงานเพิ่นเอาเงินมาแต่ไสซื้อรถปิคอัพคนละคัน ๆ แถะซั่นดอก ข่อยเฮ็ดงานตั้งสองคน สามคนกับลูก (ในอนาคต) ข่อยยังบ่มีปัญญาอยู่

    อย่าว่าแต่มีปัญญาเถาะ ถึงแม้ว่าสิมีคนซื้อรถให้ข่อยฟรี ๆ ข่อยกะบ่มีปัญญาซื้อแก๊สซื้อน้ำมันมาเติมกะจั่งว่า เพราะข่อยเป็นประเภทน้ำซึมบ่ทรายอีหลีล่ะ ได้มายามใด๋กะไหลหนีโจ้ก ๆ เว่าพื่นเงินกะดาย บ่กู้แต่ระเบิดล่ะซูมื่อนี่ เป็นจั่งใด๋แนน้อพี่น้องกลับบ้านปีใหม่

    กลับมาฮอดที่ทำการทำงานแล้ว กะหากินซามตาย โอ๊ะ ๆ กะขยันหาขยันเก็บกันต่อไปเด้อครับเด้อ (สำหรับผู้ที่เก็บได้) ฮอดโอกาสดี ๆ กะเมือบ้านเฮาเนาะครับ...โชคดีปีใหม่อีกเทือเด้อครับผมธุจ้า

    เป็นจั่งใด๋แนน้อพี่น้องกลับบ้านปีใหม่


    เป็นจั่งใด๋แนน้อพี่น้องกลับบ้านปีใหม่

    สุขสันต์วันปีใหม่
    ขอส่งใจรักห่วงใยและคิดถึง
    จงสุขกายสุขใจให้คนึง
    ให้คิดถึงพล พระยาแล แน่วแน่เอย

    โชคดีเด้อครับผม


    พล พระยาแล

    เป็นจั่งใด๋แนน้อพี่น้องกลับบ้านปีใหม่
    แก้ไขครั้งสุดท้ายโดย พล พระยาแล; 03-01-2011 at 18:14.

  2. #2
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    กะยังดีครับอ้ายพลกะยังได้กลับยุ ผุบ่ได้กลับไปใสบ่ได้นี่ติหละครับ หน้าเทศกาลมู่เพิ่นหยุดหั่งเป็นหน้าทำเงินของทางนี้ แต่ลบะอาชีพการงานเนาะครับ เวลาวันหยุดกพแตกต่างกันไป เวลาเพิ่นหยุดหลายๆ วันหยุดหลาย นั่นหละเวลาทำเงินของอาชีพผม กะเลยบ่ได้หยุดนำมู่
    ดีใจนำพี่น้องผุได้กลับเมือยามบ้าน มีโอกาสได้เมืออีกสิเอาบรรยากาศมาเว่าสู่ฟังคือกันครับ

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    โอ้ อาวอ้วน วันหยุดของเพิ่น เป็นวันทำเงินทำทองของเจ้าวะติ พอว่าละแหม วันเพิ่นบ่หยุดเจ้าจั่งค่อยหาเลาะเนาะซั่น ปีหนึ่งเฮ็ดงานเฉพาะวันหยุดกะรวยแล้วล่ะเนาะ ...ป๊าดดดด... สะออน

    มื่อไปงานคุ้มบูรพา ข่อยบ่อยากอาบน้ำทะเลปานใด๋น๊าอาวอ้วนข่อยคัน

    พาข่อยไปอาบหม่องมันบ่คันแนเด้อ 5555

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    หลานพลจ๋า ตาสงสารแท้ๆเนาะจ้า ได้นั่งเก้าอี้เสริม จังซี่หล่ะจ้า หน้าเทศกาล รถโดยสารประจำทางมักสิแหน่น ไปยากมายาก แต่ก็ต้องในเมื่อยามจำเป็นที่ต้องไปเนาะจ้าก็น่าเห็นใจ คือว่า
    เพราว่าต้องกลับไป หาพ่อแม่พี่น้องของเฮาเนาะจ้า ป้าก็ขอให้หลานโชคดีมีความสุขไร้โรคภัยไข้เจ็บ ร่ำร่ำ รวยๆหล่อๆ อยู่อย่างนี้ตลอดนี้และก็ตลอดไปเด้อจ้า

  5. #5
    ร่วมถ่ายทอดความรู้สู่สังคม สัญลักษณ์ของ ไทเมืองมุก
    วันที่สมัคร
    Mar 2010
    ที่อยู่
    mukdaharn
    กระทู้
    319
    นี่แหละชีวิต อาว์พล เก้าอี้พลาสติกนั่น เพิ่นบ่แถมให้เอาไปนั้งยุเฮือนบ่ครับ 555555

  6. #6
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161
    ฟังบรรยากาศแล้วเป็นตาม่วนเนาะ อิอิ

    แม็กกี้นั่งรถไฟปรับอากาศไป สบายบรื๋อ ไม่มีรถติด ไม่มีคนเบียด อิอิ
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  7. #7
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    หยุดกะซ่ำบ่หยุดจ้า/ หยุด2มื่อกะบ่ได่ไปใสนอนเฝ้าห้อง/ นอนแล้วก้อกิน/ กินแล้วก้อนอน สวัสดีปีกระต่ายทองจ้าอ้าย พล และทุกคนบ้านมหาจ้า

  8. #8
    แบ่งปันความรู้และประสบการณ์
    วันที่สมัคร
    Mar 2008
    กระทู้
    79
    อ้ายพล กู้สหกรณ์ จิเอาหลายปานได๋ รถคันได๋งามๆ ชี้เอาเลย ลูกพี่ อิอิ

    **** รับกู้ทั่วราชอาณาจักร ยกเว้นระเบิด แต่ถ้ากู้ระเบิดได้ตังค์ เรียกด้วยเด้อ***

    เป็นได๋ สโลแกน เป็นตารวยไปหน้าบ่ 555

  9. #9
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    จั่งได๋กะขอให้เดินทางกลับเมือเฮ็ดงานปลอดภัยทุกคนเด้อครับ

  10. #10
    กะแบบนี้แหละจ้าหน้าเทศกาล...แย่งกันทุกอย่าง..
    แต่กลับแล้วกะคุ้มค่าจ้าเพราะอบอุ่น พร้อมหน้าตาพี่น้อง ชาวบ้านแวะมาถามข่าว
    หาหม่องได๋บ่ได้แล้ว นอกจากบ้านนอกเฮา...กะดีใจนำเด้อจ้าอ้ายที่ได้กลับ อิอิ อิหล่าสงสัยลืมทางกลับละมั้งจ้า

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •