หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: อีสานบ้านเฮาเปลี่ยนไป

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    พบปะพูดคุย อีสานบ้านเฮาเปลี่ยนไป

    หลายปีมานี้ข่อยสังเกตเห็นความเปลี่ยนแปลงของหมู่บ้านอีสานบ้านเฮา ในหมู่บ้านมีประชากรหลายคักพี่น้องเอ้ย รถมอเตอร์ไซต์สิซนกันตาย ผู้คนก็ซื้อกับข้าวกับน้ำกันดีคัก บ่พากันเฮ็ดกินน้อซูมื่อนี่ เพิ่นว่ามันบ่คุ้มพะนะ

    ร้านค้าขายกับข้าวกับน้ำในหมู่บ้านกะหลาย แนวอยู่แนวกินกะมีป่นปลา ส้มผักกาด ส้มผักบั่ว ปลาทูนึ่ง ปลาทูเค็ม หม่ำ ไส้กรอก ปิ้งไก่ ปิ้งโครงไก่ ฯลฯ รวมไปถึงผักนางอางหญ่า (ผักชนิดต่าง ๆ)

    ในหมู่บ้านแต่ละหมู่บ้านมีฮอดตลาดนัด หมู่บ้านข่อยผู้ใหญ่บ้านเพิ่นสิจัดลานคนเดินอาทิตย์ละสองมื้อ (2 วัน) คนในหมู่บ้านมีหยังกะเอาออกมาขายกัน ทั้งของเก่าของใหม่ เอามาแลกกันไปใช้ ปานตลาดคลองถมเอาโลด ราคาบ่แพง

    หลายคนก็หนีจากกรุงเทพฯ ไปเปิดร้านขายกับข้าวกับน้ำ ขายดีบ่แพ้กรุงเทพฯ พี่น้องเอ้ย ป่นปลาถุงละ 5 บาท ส้มผักถุงละ 5 บาท ข้าวเหนียวห่อละ 5 บาท กะพอแล่วอยู่เด้ล่ะ

    รถไถนา รถเกี่ยวข้าว รถสีข้าว กะหลายซูมื่อนี่ เฮ็ดนาบ่ลำบากคือแต่ก่อนปานใด๋ สวนอ้อยสวนยางพารากะมีหลาย คนกะพากันออกมานอนไฮนอนนากันหลาย เพราะไฟฟ้าน้ำประปา น้ำบาดาลกะมี สะดวกสบาย แต่ข่อยบ่กล้าไปนอนดอก ย่านผี อีสานบ้านเฮาเปลี่ยนไป

    ที่สำคัญเด้อพี่น้อง หมู่บ้านข่อยมีฮอดอินเทอร์เน็ต ข่อยขี่รถจักรยานเที่ยวบ้าน เห็นเด็กน้อยนั่งเล่นอินเทอร์เน็ทกัน ติดตามข้อมูลข่าวสารกันปานในเมือง

    เด็กน้อยวัยรุ่นบ้านเฮาซูมื่อนี่พากันจับคู่กันในทางชู้สาว เล่นแชต เล่นเอ็ม เล่นเฟซบุ๊คกันภายในหมู่บ้าน แต่งโตทันสมัยพากันนุ่งกางเกงขาสั้น ย้อมผม แต่งหน้า เบิ่งหน้าตามีแต่ผู้หน้าตาทันสมัย บ่ไปทางอีสานบ้านเฮาปานใด๋ เบิ่งแล้วสบายหูสบายตาดี

    ยามมื่อแลงพากันขี่รถมอเตอร์ไซต์ไปนั่งกินข้าวร้านอาหารในอำเภอพุ่นแหล่ว กินอยู่บ้านบ่แซบพะนะ

    ตอนนี้วัยสะรุ่นในหมู่บ้านพากันเว่าไทย (ภาษากลาง) กันเบิ๊ดบ้าน บ่เว่าภาษาลาว (อีสาน) คือเก่า ถึงแม้สิเว่า กะเป็นภาษาตลาด (ในเมือง) ไทยปนลาวจั่งใด๋บุ บางคนกะว่าดัดจริตพะนะ แต่ข่อยว่าน่าฮักดีอยู่เด้ เป็นไปตามยุคตามสมัยเนาะครับ

    อีกสิบปีข้างหน้าสิเป็นจั่งใด๋ล่ะบาดเนี่ย ซูมื่อนี้สิหย่างข้ามถนนกะลำบาก รถยนต์ รถมอเตอร์ไซต์กะหลายคัก ขับกะขับเร็ว วืนวัน ๆ อยู่ บ้านข่อยฮังใกล้ถนนซะแนแล่ว ยามกลางคืนย่านแลนเข้าไปจอดในบ้านข่อยยามข่อยกำลังนอนแถะหือ ฮ่า ๆ ๆ




    อีสานบ้านเฮาเปลี่ยนไป
    แก้ไขครั้งสุดท้ายโดย พล พระยาแล; 03-01-2011 at 18:36.

  2. #2
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,024
    บล็อก
    28
    เห็นภาพเบิด .....อ้ายพลจ๋า อ้ายพลรู้บ่ว่าอ้ายพลมีแฟลคลับตัวจริง อยู่ญี่ปุ่นพู้นล่ะ
    เพิ่นติดตามอ่าน งานเขียนอ้ายพล ปานว่าอ้ายพลเป็นดาราเชียวนะ เพิ่นอยากรู้จักหลาย .....พล พระยาแล.....นี่แมะ

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ตามสมัยตามวัยรุ่น ดีแล้วเนาะจ้าหลานพลจ๋า ป้าว่า เด็กๆหัวดีมีเน็ตใช้กัน แชทกันเป็นเป็น ป้าก็อยากเห็นเด็กอีสานบ้านเฮาทันสมัย คือกันจ้า จะได้บอต้อง ถืกคนในเมืองกรุง มาเว้าใส่ว่าบ้าน น๊อก บ้านนอก อิอิอิอิ

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ครับคุณป้าครับ เด็กน้อยซูมื่อนี่ทันสมัยครับ กะเป็นสิ่งที่ดีครับ ฉลาดขึ้นครับ

  5. #5
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    877
    แม่ผมกะชวนไปยุบ้านคือกัน ไปเฮ็ดกินยุบ้านกะรวยได่ บ่ต้องยุกรุงดอกซั่นว่า

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ไปปลูกบักนัดบ่บ่าวอิง ป๊ะ ๆ กลับบ้านเถาะเฮา ไปนอนไฮนอนนา เลี้ยงไก่ ยิงหนูกินเถาะ

  7. #7
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    กาลเวลากะเปลี่ยนแปลงทุกอย่างเนาะครับเนาะ บ้านเฮากะมีการพัฒนามีการตามเทคโนโลยี
    ความเจริญทันสมัยแพร่ขยายไปทุกหย่อมหญ้าละครับ

  8. #8
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    เมือยามบ้านล่ะคึดพ้อควมเก่าเว้าฮอดควมหลัง ละกะมาเปรียบเทียบกับปัจจุบันเพิ่นเอิ้นว่าผุเฒ่าตั๊วะจ้าอ้ายพล 555 แต่กะแม่นคืออ้ายวาละจ้าเมือเทือนี้เห็นอีหยังเปลี่ยนไปหลายอย่างคัก ที่ชัดเจนกะคือตะของนี่ล่ะ ผุบ่าวผุสาวส่ำน้อยเอิ้นป้าแตกแซ่วอยู่ เหอๆๆๆๆ เป็นป้าแล้วกะยังวา ยังหลงคิดว่าเจ้าของฮะกะแตกเนื้อสาวอยู่ตั้งด่น

  9. #9
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    แม่นครับอ้ายสมัยซุมื้อนี่บ่ได่ไล่ต้อนงัว-ควายไปหาจีบสาวแล้วครับเขาเล่น feacbook จีบกันแล้วครับทันสมัยคัก
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  10. #10
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ฮ่าๆๆๆ วัฒนธรรมเปลี่ยนแปลงคับ อ้าย อิอิ

    มีการแลกเปลี่ยนขื้อขาย ของเล็กน้อยๆ ทุกมื้อต้องใช้เงินชื้อ ขอกันใช้ บ่ค่อยเห็นแล้วครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •