หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: แล้วแต่ใจ..จะไขว่เอา

  1. #1
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    แล้วแต่ใจ..จะไขว่เอา

    แล้วแต่ใจ..จะไขว่เอา


    แสงตะเวนคล้อย ลอยต่ำลงน้ำทะเล
    คือจั่งใจหันเห เพพังใจม้าง
    บุญเคยสร้าง สองเฮาบ่ได้ฮ่วม
    พวมได้พบพ้อเจ้า กะหันหลังเข้าดอกใส่กัน

    ปานว่าใจเจ้านั้น หันเหไปทางใหม่
    หรือว่าใจเจ้าพ้อ น้อซู้ผู้เก่าคืน
    ฝืนกะฝืนใจแล้ว แนวคนบ่หันฮ่วม
    ใจบ่ร่วมทางหย่างแล้ว แม่นได้แคล่วดอกคลาดกัน

    ฝันกะฝันไปเถ๊าะเจ้า ประสาเฮาบ่แม่นคู่
    แม่นมีผู้ยกยอย้อง เห็นพ้อว่าใส่กัน
    แม่นใจบ่ฮักหมั้น สรรหาควมกะบ่แม่น
    ได้แต่แล่นหนีจ้อย บ่คอยทางอ้ายดอกต่าวคืน....


    แล้วแต่ใจ..จะไขว่เอา ข้อมูลอ้างอิง แต่งเองค่ะ มาจากบล๊อกนู๋น้อย

  2. #2
    ศึกษาหาความรู้ สัญลักษณ์ของ บ่าวน้ำโสม
    วันที่สมัคร
    Mar 2010
    ที่อยู่
    ไต้หวัน
    กระทู้
    235
    หึคือว่าซงนั่นล่ะ แม่บักสไปร์..อิอิ ไผ๋ล่ะมาหันหลังให้แมะ แทงข้างหลังโลดแหม...ฮ่าๆๆๆๆๆๆๆๆๆ

    เก่งๆๆๆแต่ผญากะเป็นน้อ..

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แล้วแต่ใจจะไขว่คว้า อยากสิคัวเอาคือว่า
    แต่หากวาสนาหน่อย คอยยื้อหยืดบ่ถึง
    บ่อาจดึงเหนี่ยวโน้ม เด็ดดมสมประสงค์
    เพราะอนงค์องค์อวน นวลนางส่างไกลเยิ้น
    แนวหงส์เหินเซิ่นยุฟ้า สิเทียมกาผู้หน้าก่ำ
    แนวไหมคำบ่ห่อนร่วม ฮวมฝ้ายเข้าใส่ผืน
    ได้แต่ยืนแนมหน้า เห็นเพิ่นมาได้ลี้อยู่
    หวังสิคู่เคียงน้อง คือกระต่ายจ้องเฝ้าฮ่วมเดือน..แท้น้อ




    มาขอแจมนำครับ...เป็นกำลังใจให้ครับ นู๋น้อย..
    แก้ไขครั้งสุดท้ายโดย พลายแก้ว; 07-01-2011 at 17:50.

  4. #4
    ศึกษาหาความรู้ สัญลักษณ์ของ mewcoppy
    วันที่สมัคร
    Apr 2010
    กระทู้
    315
    ฝันกะฝันไปเถ๊าะเจ้า ทางข้าน้อยสิหาใหม่ หาคนงามบ่อได้ ค่าซั่นแล้วกะมอมเอา..........ดอกว้า

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    หลาน นู๋น้อยจ๋าคนงามที่รัก แหม คือแต่งผญามวนแท้หลานป้า เก่งอีหลีเลย

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    ธุจ้า ขอบคุณจ้า คุณป้า อิอิ อารมย์มันพาไปแต่งบ่ทันเก่งดอกจ้า


    :l-
    อั่นว่าใจนางน้อง คอยคองสุบาดแล่น
    คาดแต่แถน แนนแต่ฟ้า บุพเพสร้างดอกฮ่วมกัน
    ฝันบ่ไกลใจยังสู้ ภูพา เขา อย่ามาเกี่ยว
    หงส์บ่บินลงจากฟ้า กาบ่บินขึ้นจากน้ำ
    ใจฮักหมั้น ตั้งต่อกัน

    อย่าได้เปรียบเทียบชั้น ชนทางให้มันเหงา
    อย่าได้แนมเบิ่งเขา จ่นว่าเฮามันคนฮ้าย
    อย่าได้ผลักไส น้องจากอ้ายเพราะความหมายคือคนต่าง
    น้องบ่ติดใจอ้าง ทรัพย์สินน้อย บ่แม่นควม...เด้อพี่เอ้ย

    คิดเอาวั่งฮั่น ตอบอ้ายก๋า :l-
    แก้ไขครั้งสุดท้ายโดย นู๋น้อย; 08-01-2011 at 13:15.

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    อ้ายแสบ
    "หากะหาไปเถ๊าะเจ้า แนวคนเฮาคึดสะลี้
    บ่ได้หนีไปจากหน้า แต่กะหาบ่เคยพ้อ
    ใจนี้น้อ..พองมไว้ ใส่ไหอัดไม้แก่น
    คาดบ่แม่น ถึงสิดื้อ คือบ่พ้อดอกก่อมัน....."

    ตอบกันเล่นๆเด้อจ้าอ้าย....อยากพ้องูในความฝันเด้ แต่พ้อแบบในคออ้ายแสบกะบ่เอา แล่นหนีลูกแดว แจ๋วววววว...

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    :l-:l-
    ฮ่าๆๆๆๆ ม่วนครับ ขอแจมนำต่ออีกเด้อครับ อิอิ


    คาดแต่แถนแนนแต่ฟ้า เกาะกันมาคือตาหน่าง
    วางกะวางบ่ได้ สิไลถิ่มกะบ่กลาย
    ย่านเด้..ย่านได้เสียแฮงสร้าง กฐินแฮบ่ได้แห่
    ผู้บ่ได้สร้างแท้ๆ ผัดมาได้แห่ไป
    แม่นจั่งได๋ชาตินี้ คันบ่ได้เข้าร่วม กะขอฮ่วมควมจา
    รักมาเริงเรรวน ป่วนใจให้มันฮ้อน
    คิดสะออน..เจ้าผู้พั้วดอกล้ำ ได้มาล่ำแต่เพียงตา
    ว่าสิมาแคนมูล จั่งแม่นบุญพี่ชายก้อม
    บุญบ่พร้อมส่งยู่ ซูไปให้ถึงฝั่ง
    เหมิดความหวังทางได้ซ้อน พอปานค้อนหน่ำกะบาล..แท้แหล่ว..

  9. #9
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    เอาอีก ม่วนคือกัน ลองตอบอีกก่อน :l-

    " อ้ายเอ้ย บุญผลาน้องหน่อย บ่พอส่งให้ถึงฝัน
    เอิ้นจั่งได๋กะบ่หวน ต่าวคืนมาหาน้อง
    แม่นจะขอวอนไหว้ องค์พระ สิ่งศักดิ์สิทธิ์
    ขอวอนผู้ทรงฤทธิ์ ให้สมหวังดั่งใจต้อง

    ชาตินี้ ขอเพียงแค่ได้ต้อง เอื้อนเอ่ยน้อวาจา
    ดูแลเพียงสายตา กะดีใจพอแฮงแล้ว
    หากชาติหน้าบ่คลาดแคล้ว ขอพบพ้อคือจั่งว่า
    ให้ได้ดูแลทั้งสายตา และหัวใจพี่ชายเจ้า..."

    ถืกต้องตามอักขระบ่ดอกเด้อจ้า :l-:l- นู๋พึ่งหัดเรียนใหม่

  10. #10
    ศึกษาหาความรู้ สัญลักษณ์ของ mewcoppy
    วันที่สมัคร
    Apr 2010
    กระทู้
    315
    อันว่าโต แจ๋วนั้น เคยแนมแต่โตหนังสือ
    คันโตจริงคือสิดื้อ สิถือไม้ดอกไล่ตี
    เว่ากะเว่าหยอกเล่น โตชายบ่ออยากฝัน
    แมนว่าฝันอ้ายแม่นนั่น ขอให้ฝันได้..ให้ใหญ่กว่าอยู คอ..อ้ายซั่นแหล่ว
    ...............วาจาใดที่มาในโตหนังสือ ถ้าสะกิดใจให้ใจฮ่าย ให้เอาผ้าเย็นถูไว้เด้อครับ ...มวนๆครับ จร้วดดด หน้าตาคือข้าน้อย บ่อหน้าสิมาแต่งกลอนเล้ยยย

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •