สวนยางพารา ของบ่าวจัยได้กรีดแล้ว

[บ่าวจัย]

ตอนนี้ยางที่ยุทางหนองคายได้เปิดหน้ายางแล้วครับ พ่อกับน้องชายเป็นคนกรีดยุพุ้นครับ
คึดยุว่าสิเมือบ้านไปหากรีดยางซะบ้อ แต่คิดอีกทีย้านอดคิดฮอดพี่น้องบ้านมหาบ่ได้เลยอดอยู่ใน กทม.
จักปีสองปีก่อน

พอดีตอนเมือบ้านมันหนาวแฮง เอาผ้าห่มไปให้เพิ่น
เลยเอาภาพมาฝาก พี่่น้อง ดีใจนำราคายางตอนนี้ครับ เศษยางที่ทางบ้านผมขายยุตอนนี้
โลละ 81.21บาทครับแพงหลายปานทองคำ

หย่างเลาะข้างเถียงนาน้อย เห็นแปลงหมากถั่วฝักยาวแม่เพิ่นปลูกไว้กิน
แต่ว่ามีตะไก่ไปตอดกินจนว่าสิบ่เหลือ ว่าสิเอามาต้มยุไก่แต่ว่ามีตะแม่ลูกอ่อนเลยอดไว้สงกรานต์อิอิอิ

นี้ละครับป่านี้ละ และมื้อนี้ 10/01/2554 เพิ่นกำลังสิเก็บขี้ยางไปขาย
พ่อเพิ่นว่าสิได้ยุดอกจักสามหมื่นพะน่ะเพราะว่าทุกครั้งที่กรีดกะได้ยุประมาณนี้ละครับ 2อาทิตย์เก็บเทือหนึ่งครับ

น้องนานากะแล่นเล่นนำต้นยางเนาะครับ ตามประสาเด็กน้อย ทั้งลูกทั้งหลานเต็มสวนเลย
กะได้เด็กน้อยพวกนี้ละหยอดน้ำกรดให้ ลงกรีดตอนเที่ยงคืนกว่าสิเสร็จก็เกือบแจ้งพอดี
กินข้าวกินน้ำแล้วกะไปหยอดน้ำกรดต่อเสร็จอีกทีตอน4โมงเช้าพี่น้อง

นี้ละครับอ้ายหมาน้อย อาจารย์ไทเมืองมุก มาซ่อยแนเด้อครับกำลังเอาอึ่งตอนนี้ราคายางเป็นใจ
ดีใจนำพีน้องสวนยางทุกคนครับ คึดว่าสวนที่อยู่หนองบัวได้กรีดราคาคือสิดีกว่านี้เนาะครับ
บ่แม่นยามสิได้กรีดไฟไหม้ตายเบิ่ดละหน่ายตายเด้

[บักขามป้อม]

เป็นตาออนซอนนำเนาะจ้าอ้ายบ่าวจัย ดีใจนำพี่น้องทางอิสานเฮากะพ่องกันจ้า มื้อวานเห็นข่าวบอกว่า ที่ดินทางภาคอิสานเฮาเป็นราคาอย่างคักจ้า พี่น้องทางภาคใต้พากันหลั่งไปซื้อที่ทางบ้านเฮาไว้ปลูกยางจ้า มีพรายกระซิบทาง อ.ท่าชนะ จ.สุราษฎร์บอกว่า อีก 10 ปี ยางทางภาคใต้กะจิตายเบิดแล้วจ้า ยินดีนำเด้อจ้า ช่วงนี้หาเงินทุนไว้ก่อนจ้า จิเมือไปอยู่บ้านคือกันล่ะจ้า อิอิ

[บ่าวจัย]

อยู่บ้านผมเพิ่นประกาศขายที่พร้อมยางพาราที่พร้อมกรีด 10 ไร่ 1.5ล้านครับเอื้อยขามป้อม

มื้อเช้าแม่ผมเพิ่งสิไปรับเพิ่นมาเบิ่งว่าสิขอแบ่งค่านายหน้ายุ55555

[สหายพง]

55 บ่าวจัยบ่อยากได้เผ้าสวนยางบ่ครับผมผมสมัคเด้อครับอ้าย555

[นู๋น้อย]

ปาดดดดดดดดดดทางไทหนองคาย ได้กรีดยางแล้ว โอ้ววมันสุดยอดไปเลยอ้าย เฒ้าแก่แล้วตั๋วนี้อ้ายข้าน้อย ง๊ากกกกส์ ทางไทสีเกดอีกประมาณ 3ปี จั่งสะได้กรีดคือกันจ้า ปลูกช้าก่อทางไทหนองคาย แต่ ต้นแดง นะ ใกล้สะพอตัดขายละเด้อ้าย มื้อได๋สะลงมาซื้อกะบอกล่วงหน้า ก่อนเด้อ มีคนจองเพียบ เฮ็ดเฮือน เสา 12 ต้อน ได้ประมาณ 5 หลังนี้ละอ้ายจัย ต้นแดงซุมนั้นนะ ตอนนี้ทางไทสีเกดกำลังขายมันสัมปะหลังกะขายต้นยูคา(ที่เว้ามานี้ของคะเจ้าดอกบ่แม่นของนู๋น้อย) เอิ้กกกธุรกิจครัวครอบ พะนะ สะเลี้ยงหมูดอก พอได้ฮ้องเพลสู่หมูฟัง หมูสะได้อารมย์ดีบ่เจ็บบ่ไข้ :l-

[นู๋น้อย]

:b-b:b-b บ่ต้องไปไกล ท่านฟรี่หาย มาทางเบญจลักษ์กะได้ อีก 3ปี จั่งบ่ไกลบ้าน เอิ้นพ่อบักหมีมานำ :l-

เจ้ๆๆใกล้ทางอุดร ซื้อไว้แม่ะ จักเคิ่ง พอดีเรย กรีดโตซื้อใหม่ก่อนจั่งค่อยคึดต่อ 10 ต้นจากท่าชนะ กั่ว 10 ต้นสะใหย่ เน๊าะ น้ำมันปาร์มสะราคาท่อได๋น้อตอนนั้น

[ชัย หมอแคน]

ว่าที่นายหัวจัย อยู่ใกล้ๆนี่ตั้ว ข่าวตอนเที่ยงนี่ บอกว่าโชว์รูมรถ คนแน่นทุกมื้อครับ ย้อนว่ายางราคาดีดี .ดีใจนำพี่น้องเด้อคับ ผมเสียหลักแล้ว คิดอยากหลกต้นยูคาทิ้มแล้วล่ะ..ทุกมื้อนี่

[พงศ์น้อย ส กสิน]

รับสมัครมือกรีดบ่ครับ ไปหัดกรีด บาดว่าไร่เจ้าของสิได้เฮ็ดเป็น อิอิ

[คนบ้านบ้าน]

ดีใจนำกับนายหัวคนใหม่..........นายหัวจัย

[ม๋าน่อย]

สวนยางงามคักเนาะจ้าบ่าวจัย น้ำยางคือสิหลายเนาะ ได้คนกรีดยางซ่อยแล้วไป่