มาเด้อกิน ข้าวต้มมัด เฮ็ดมาแจกพี่น่องค่ะ

[ข้าวต้มมัด]

น้ำตาไหลรินย้อย ฟังคำต้อยผญ๋าแม่
สงสารหลายคักแท้ แพ้คิงไข้กินบ่ลง
หลานสิลงมือทำให้ เอาอันใหม่ได้บ้อแม่
นางคัดสรรบรรจงแท้ ตกแต้มแต่งปรุง
เพื่อบำรุงร่างก่าย ให้หายจากพยาธิ
มือสะอาดวาดจากใจ สิลองใส่เจรจา
ตัวสาวหล่าเฮ็ดข้าวต้ม ผสมใส่หมูสับ
ในเมนูมีไข่ทับ กับหอมซอยฝ่อยขิงพร้อม
ใส่ให้หอมกระเทียมเจียว สีเขียวหน่อยแม่นหอมหั่น
น้ำใส่ขันรินมาพร้อม ยกมาต้อมให้แม่นาง
คันแมนจางให้เพิ่มเกลือ สิ่งที่เหลือยังบ่อใส่
แมนรสชาดเป็นแนวได๋ ชิมแล้วให้จาต้องต่อนาง เด้อแม่เด้อ

[chudhancock]

ลูกแม่เอ๋ย ข้าวต้มมัด ลูกแม่

ข้าวต้มหมู แซบแท้แท้ กินแล้วแมนถืกใจ
เซาก็เซาบอได้ มันแซบหลายเลยกินต่อ เอาให้เบิ๊ดอยู่ในหม่อ
เนาะจ้า ว่าจังได๋ อิอิอิ มีแฮงหลายได้กินแล้ว เฮี่ยวแฮงกะดีขึ้น
ซื่นหัวใจไข้ซ่วงแล้ว หายสิ้นฮ้อนใน ขอบใจหลายเด้อลูกหล่า
ที่อุตส่า ต้มให้แม่ แซบนัวหลายอีหลีแท้ ว่าบอต้องตื่มหยังเลย นี่แหล่วลูก

แซบๆๆๆจ้าขอบใจมากๆเลย ขอให้มีแต่ความสุขความเจริญรุ่งเรืองในชีวิตคิดสิ่งใดขอให้ได้สมดังมโนนึกเด้อจ้า

[หญ้านาง]

มักนำยุจ้าเอื้อยข้าวต้มไส้หมู ขอนำแหน่เด้อจ้า อิอิ
มักแฮงกะข้าวต้มโคมจ้า ข้าวต้มผัดบ่ปานได๋ดอก

นางฮักชายหมายฮักซ้อน
คือนอนตองค้องตอกอ่อน
ชายกับนางเคียงซ้อน
คือนอนฮ่วมก่วมคะนึง
ฮักมาตึงปานตอกเกี้ยว
คือชายเดียวกับนางหนึ่ง
นึ่งให้สุก(สุข)ทุกข์บ่ใกล้
ยามเฮาได้เป็นคู่กัน......... ซะหล่ะหละ อิอิ ขะหยอนคะเจ้าเอาข้าวต้มใส่พาขวัญเนาะ อิอิ

[ข้าวต้มมัด]

ขอขอบใจน้องหญ้านางที่มาแจม แต่งได้ม่วนหลายค่ะ




หล่าน้องหญ้านางเอ้ย เลือกเอาเด้อข้าวต้มโค้น
ข้าวต้มโคมกลมบักใหญ่ กินข้าวไปหล๊ายหลาย
บ่ทำลายดอกท้อง นางน้องจงเลือกเอา
อันว่าตัวพี่ข้าวต้มฯ ได้งมทำเป็นร้อยมัด
มีข้าวผัดข้าวต้มกล้วย และขาวรวยยุข้างเทิง (ข้าวต้มหัวหงอก)
เคิ่งหนึ่งได้นำไปถวายพระ เบิ่งเอาเด้อน้องหล่า
เอื้อยคัดหาข้าวต้มมัด จัดไว้เป็นถาดถาด
ป่าวประกาศผุผ่านมา บ้านมหาไทพี่น้อง
เพื่อนพ้องน้องพี่ ไผ๋ผ่านมาทางนี้ กินฟรีเด้อพี่น้องเอ้ย

[pcalibration]

มักแฮงเด้"ข้าวต้มมัด"ภาษาใต้เรียก "เหนียวห่อกล้วย"(คนกะมักอยู่เด้อ555)
เพราะว่าหากินยากมาก..นอกจากมีงานบุญหรือเทศกาล
ที่สำคัญทำยากมากหลายขั้นตอนหลายอุปกรณ์ที่นำมาใช้

[จำปา]

พอได้ยินว่าแจกข้าวต้ม..ขนมเฮาแต่เก่าก่อน
ตาออนซอนสะออนเซื้อ..อยากเมือบ้านห่อเฮ็ดกิน..เด้น้อ

อั่นหนิห่อข้าวต้มไกลบ้านเด้อค่ะ กล้วยกะใช้กล้วยอบน้ำผึ้ง :l-

[ข้าวต้มมัด]

ขอบคุณค่ะอ้ายพี ทางใต้เอิ้น" เหนียวห่อกล้วย" เป็นความรู้เพิ่มเติ่มค่ะ
เพราะบ่เคยได้ยินมาก่อน การทำกะบ่อยุ่งอยากปานได๋ค่ะ ถ้าแม่นเฮ็ดยุบ้านเฮาบ่ได้ชื่อหาหยั่งจักแนว
อยากแต่ยุเมืองนอกตองแพ๊ง แพงค่ะ


น้องจำปา คือดีแท้จ้าได้ฮอดกล้วยอบน้ำผึ้งมาห่อ เป็นเอื้อยกินหมดก่อนห่อ อิอิ
ตองแพงหลายจ้ายุอิตาลี่ บ้านเจ้าแพงบ่(5 -6 ก้าน บ้านเฮา 10 ยูโรหว๋า)
ชื้อใบตองมาเฮ็ดพานถวายพระปีที่แล้ว วันวิสาขบูชา(วันเกิด) เหลือตองนิดหนึ่งเลยห่อข้าวต้มผัด อิอิ