หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: เป็นหยังจั่งตีกันหน่าฮ่านหมอลำ

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    พบปะพูดคุย เป็นหยังจั่งตีกันหน่าฮ่านหมอลำ

    ตั้งแต่สมัยรำวงตั้งแต่กี้แต่ก่อน กะมีตีรันฟันแทงกัน หมอลำฮังคักซุมมั่วหน้าฮ่านจักหน่อยกะตำกันเหยียบตีนกันตีกันมุ่นอุ้ยปุ้ย จนหมอลำได้พักการแสดง บางคณะบอกไว้ก่อนว่าพี่น้องอย่าตีกันให้เห็นเด้อ ถ้าบ่ซั่นสิเลิกลำ พากันมิดอิ่มซิมย่านบ่ได้เบิ่งหมอลำ บางทีกะตีกันหมอลำได้เก็บฮ่านหนียามกลางคืน สมน้ำหน้าเถาะบ่ได้เบิ่งจ้อย เป็นหยังจั่งตีกันหน่าฮ่านหมอลำ

    วัยรุ่นซูมื่อนี่บ่ตีกันธรรมดา มีฮอดเอามีดแทงกัน ยิงกันตายหรือปาระเบิดกะมี ฮังหมอลำซิ่งฮังตีกันคัก บางบ้านผู้ใหญ่บ้านกะเอาห้องขังเคลื่อนที่ออกไปวาง ไผตีกันจับไปขัง บางบ้านลูกเต้าไผตีกันพ่อแม่ต้องจ่ายค่ามหรสพและค่าเสียหายภายในงาน โทษฐานเฮ็ดให้งานพัง

    บางบ้านซุมวัยรุ่นย่านผู้ใหญ่บ้านคักกว่าตำรวจอีก ผู้ใหญ่บ้านบ้านข่อยเลาเป็นทหารพรานเก่า ซุมเล่นโบกเล่นไพ่พากันย่านคักกว่าตำรวจ จนเลาได้รางวัลแหนม ...โอ๊ะ ๆ แหนบทองคำ เป็นหยังจั่งตีกันหน่าฮ่านหมอลำ

    สมัยเป็นหนุ่มเวลาข่อยไปเบิ่งหมอลำ ข่อยสิมักไปกับผู้เถ่าหิ่วต่าหมากให้เพิ่นแล้วกะไปนั่งหม่องกลาง ๆ หม่องคนหลาย ๆ ข่อยย่านข่อยถึกตี เวลาปวดเยี่ยวกะให้เพิ่นพามาเยี่ยว ปลอดภัยดี เป็นหยังจั่งตีกันหน่าฮ่านหมอลำ

    เจ้าภาพบางคนกะจ้างหนังให้มันแล่วโลดพะนะคนจั่งบ่ตีกัน ปานนั้นกะยังบ่เว้น แต่สถิติตีกันหน่อยกั่วหมอลำยุดอก อีกอย่างจ้างหนังบ่เปลืองคือหมอลำปานใด๋ มีคนอยู่สามสี่คน บ่คือหมอลำยามเดิก ๆ ต้องเลี้ยงข้าวเลี้ยงน้ำอีกรอบ ซอดแจ้ง ตอนสิกลับกะต้องห่อแนวอยู่แนวกินให้อีกต่างหาก

    ตอนข่อยแต่งงานใหม่ ๆ ไปเบิ่งหนังกับเมีย จั่งว่าก้อนดินหือก้อนหินดึกสากหัวข่อยวืนวัน ๆ อยู่ เสียงตุ๊บ ๆ ตั๊บ ๆ จนข่อยได้หอบสาดกลับบ้าน ครั้งล่าสุดข่อยไปจูดกะโพกออกพรรษา โยนกะโพกหัวหอมใส่หน้าแคงข่อยจนเป็นห่อเลือด หลังจากนั้นข่อยเข็ดปานตอนแมว เวลามีมหรสพข่อยบ่ออกจากบ้านจักเทือ เป็นหยังจั่งตีกันหน่าฮ่านหมอลำ

    เวลาไปเบิ่งงานที่มีคนหลาย ๆ ข่อยสิหลีกเลี่ยงย่านเจอแจ็คพ็อตนำเพิ่น แต่อยู่ไสกะตายคือเก่าล่ะเนาะถ่ามันสิตาย แต่ป้องกันไว่กะดีคือกันล่ะ

    ระวังแนเด้อล่ะเวลาไปเบิ่งหมอลำนั่นกะดาย บ่ว่าสิเป็นลำเพลิน ลำหมู่ หรือลำซิ่ง ให้ระวังซุมตีกันแน อย่าสิอยากไปเป็นฮีโร่หลาย หมู่ข่อยโดนแทงตายหน้าฮ่านหมอลำย่อนอยากเป็นฮีโร่นี่ล่ะ ถ่าเลือกได้ให่ไปเบิ่งหมอลำกลอนเด้อ

    อย่าว่าเถาะล่ะ ขนาดหมอลำกลอน ซุมผุเถ่ากะยังตีกันเนาะนับประสาอีหยัง แต่ข่อยเซืออยู่อย่างหนึ่งว่าถ้าบ้านมหาของเฮาจัดงานใหญ่ ๆ มีหมอลำมางัน ข่อยว่าบ่มีตีกันเด็ดขาด แม้ว่าสิเหยียบตีนกันกะซาง ข่อยรับรอง เพราะว่า...สิมีคนมาห่าม มาแยกซะก่อนนั่นแหล่ว ฮ่า ๆ ๆ ๆ เป็นหยังจั่งตีกันหน่าฮ่านหมอลำ

    เป็นหยังจั่งตีกันหน่าฮ่านหมอลำ
    แก้ไขครั้งสุดท้ายโดย พล พระยาแล; 11-01-2011 at 06:49.

  2. #2
    ศึกษาหาความรู้ สัญลักษณ์ของ mewcoppy
    วันที่สมัคร
    Apr 2010
    กระทู้
    315
    แต่ข่อยเซืออยู่อย่างหนึ่งว่าถ้าบ้านมหาของเฮาจัดงานใหญ่ ๆ มีหมอลำมางัน ข่อยว่าบ่มีตีกันเด็ดขาด แม้ว่าสิเหยียบตีนกันกะซาง ข่อยรับรอง เพราะว่า...สิมีคนมาห่าม (โอ้ยถ้าตีกันแข่วกะหลุดตั้วครับ )เดี๋ยวบ่อมีหย่ำข้าวครับ รักกัน รักกัน เสมอเหมือนรักกิ้กครับผม

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    มันเป็นอีหยังที่แก้ยากครับเรื่องนี้ บางคนกะว่าเด็กน้อยบ่อมีการศึกษา เออ...(บัดเด็กโรงเรียนอาชีวะยังไล่ฆ่ากันอยู่ทุกมื่อบ่อมีว่าสิหยุด ) เรื่องการศึกษามันวัดกันบ่อได้...
    อยู่ในสภา สส.กะยังตีปากกัน เอาเกิบไล่ฟาดกันกะมี นอกสภากะหย่องกัน ....ไผมีแนวแก้กะซ่อยบอกแน่....

  4. #4
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,008
    บล็อก
    7
    สงสารและเห็นใจ ทั้งเจ้าภาพ และ ศิลปินครับ และโดยเฉพาะผู้ชมที่หวังเข้ามาเสพมหรสพ...ต้องโดนหางเลขด้วย

  5. #5
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,100
    บล็อก
    5
    เป็นค่านิยมที่ผิดๆไปแล้วครับสำหรับวัยรุ่นบ้านเ ฮา บ่ว่างานได่ จักมันเก่งคัก
    สำหรับศิลปินบ่เมื่อยกะแม่นอยู่แต่ กะบ่ได้แสดงความสามารถสู่พี่น้องฟังน่อครับ

  6. #6

    พบปะพูดคุย บ่อยากสิพากษ์จ้า

    บ่แม่นยามบุญกะตีกันเด้อจ้าทางบ้านสาวทองแพง
    ข่าวล่ามาไวมื้อวาน(12ม.ค54) ตอนนี้ขึ้นเตียงให้หมอผ่าเอาเลือดคั่งในตาออกอยู่รพ.มหาราช 1ราย
    เหตุเกิดระหว่างสองหมู่บ้านบ่ถืกกัน บ่เลือกเวลาหรือสถานที่จ้า ว่าแต่พ้อกัน
    ได้ค่าทำขวัญมา3หมื่น คุ้มบ่ดอกจ้า แม่นสาวทองแพงบ่ปัวเอาดอกจ้า ปล่อยมันตาบอดโลด
    ค้านหาเงินไปเสียค่าทำขวัญให้มันยามไปตีลูกไทบ้านอีกจ้า
    งวดก่อนกะใช้ทันเมิดอันไปยืมเงินดอกมาเสียให้ขะเจ้า สงสารแต่พ่อกับแม่มันนิละจ้า
    เลี้ยงมาใหญ่แล้วว่าแม่นสิสบาย คืนได๋กะนอนผวา ว่ายามได๋เขาสิมาส่งข่าวให้ไปฮับศพลูกชาย
    ถ้ามีงานบุญกะดาย นี้เป็นคำเว้าจากปากผู้เป็นพ่อ เป็นแม่ เด็กวัยรุ่นในหมู่บ้านของสาวทองแพงจ้า
    จ่มแล้วๆหนีไปนอนดีกว่าจ้า บ่อยากสิพากษ์จ้า อุกอังนำจ้า
    เมื่อความจนผลักไส ดิ้นรนเท่าไรยิ่งไกลบ้าน

  7. #7
    ศึกษาหาความรู้ สัญลักษณ์ของ บ่าวน้ำโสม
    วันที่สมัคร
    Mar 2010
    ที่อยู่
    ไต้หวัน
    กระทู้
    235
    นี้ล่ะพี่ไทยครับอ้ายพล ยุไสกะตีกันฆ่ากัน ยุทางผมยุนี่กะพอปานกันนำร้านอาหารตีกันประจำครับผมล่ะงึดคะเจ่านิมาหาเงินหึมาหาหยังกะบ่จักดอกอ้าย แต่กะมีที่ฮักกันแพงกันยุเด้อครับ และกะส่วนหลายล่ะว้า..แก้บ่หายดอกครับ

  8. #8
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,622
    อย่าว่าเถาะอ้ายเอ้ย.. ขนาดหมอลำคู่อยู่บ้านน้องกะยังตีกัน แม้กระทั่งหนังกลางแปลงกะยังบ่เว้น..แม่นแท้แฮงหมอลำซิ่งประเภทมั่วหน้าฮ้านนี้แฮงคักเต้นไปเต้นมาซูนคิงกันแนเพิ่นกะฟัดกันโลดแมะ..น้องล่ะบ่ทนแต่สิหอบสาดแล่น..ส่วนมากกะสิเป็นวัยรุ่นขึ้นใหม่ๆดอกเพิ่นห่าวกัน..

  9. #9
    แบ่งปันความรู้และประสบการณ์ สัญลักษณ์ของ สาวทุ่งฝน
    วันที่สมัคร
    Nov 2008
    ที่อยู่
    ห้องพี่สาว
    กระทู้
    490
    มันก็เป็นนิสัยหยาบๆของพวกขี้เหล้า ใช้อารมณ์ตัดสิน แสดงออกด้วยกำลัง ถ้าอยู่ตามลำพังก็เหงาคือแมวป่วยนิ...คันมีเป็นฝูงหละ....คักโพด

  10. #10
    แบ่งปันความรู้และประสบการณ์ สัญลักษณ์ของ กะทิสด
    วันที่สมัคร
    Mar 2010
    กระทู้
    408
    ....เคยตียุเทื่อนึงครับ......ผมเป็นประธานผ้าป่าไปทอดบ้าน....วัยสะรุ่นตีกัน....บอกแร่ว + ขอแร่ว..กะบ่ฟัง...อยากอายหมู่ตะ กทม. ไปทำบุญนำ...กะโดดถีบโลดแร่ว.....เทิ่ง ผู่ใย่บ้าน + อบต...แล่นห่ามกัน แซว- ซะ.....

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •