กำลังแสดงผล 1 ถึง 6 จากทั้งหมด 6

หัวข้อ: หอมข้าวใหม่ใจเหงา

  1. #1
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    55

    ฟังเพลงแบบ Flash Radio And Music หอมข้าวใหม่ใจเหงา

    ข้าวขึ้นนาปลาขึ้นเล้า สายลมหนาวผัดมาผ่าน อยากกลับเมื่อยามบ้าน อีสานเค้าดอกเก่าศรี คิดฮอดชุบบักหมี้ กับข้าวจี่เคยกิน น้ำตารินหลั่งไหล ตั้งแต่ไกลเมืองบ้าน มาทำงานจนใจดิ้น อยากคืนถิ่นไปกินปลา เตินพี่น้องลงสาส่อนปลาชิวกุ้ง อยู่เมืองกรุงมันแสนยุ่ง รุ่งรังปานเชือกค่าว อยากขอเชิญหมู่เจ้าไปเยื่ยมบ้านพ่อแม่เฮา สั่นดอกว้า....สันดอกว้า

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คึดฮอดบ้านอีสานเก่า เฮานอ
    คึดฮอดกอวงศ์วาน หมู่พันธุ์พงศ์เซื้อ
    คือดั่งเครือหมากแตงซ้าง บ่หอนวางถิ่มค้างปล่อย
    หมากเขือเครือหน่วยน้อย บ่ลืมก้อยแม่มดแดง
    เถิงยามแลงสะนูห่าว ยามหนาวคีงสะเหม่น
    ปลาค่อโดดโลดเต้น ลงบั้งโบกไห
    เฮ็ดเวียกไกลเกินบ้าน ทรมานอดทนใส่
    เพื่อประสงค์ส่งให้ ทางบ้านอยู่สบาย
    เถิงสุขกายแต่ใจนั้น ยังโศกัลย์คึดบ่ส่วง
    ยังเป็นห่วงพี่น้อง อีสานเค้า บ่เล่าลืมนั้นแล้ว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    379
    บล็อก
    2
    คึดฮอดกะคืนมาสาอ้าย
    มากินข้าวบ่ายหมากขาม
    ตกยามแลงก่อไฟ
    หมกมันแกวกินพร้อม
    หอมห่วยๆ ข้าวจี่ปิ้ง
    หอมจริงๆ ปิ้งทาไข่
    ปั้นใหญ่ๆ จี่สุกแล้ว
    กะแบ่งปันกันกิน ซั่นแล่ว

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    เพินผู้อยู่ทางพุ้น ทางบ้านเฮากินข้าวใหม่
    อันผู้อยู่ทางไกล น้ำลายไหล ได้คิดพ้อ
    เลยวาดภาพ แล้วกะกิน นี่แหล่ว อิอิอิอิ

  5. #5
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ข้าวขึ้นนาปลาขึ้นเล้า ผักกะเดาเริ่มสิป่ง อ้ายมีจุดประสงค์......โอ๊ะบ่แม่น อิอิ


    หอมข้าวนาปลาเคยบ้อน
    สาวเคยนอนกวมผ้าห่ม
    ลมพัดพาพลอยไฮ้
    อาลัยเค้าเก่าอีสาน
    หอมข้าวหวานใจจ้อย
    เสียงแคนคอยอยู่ฮิ่นๆ
    ใจถวิลอ่าวโอ่
    อยากโงโค้งอ่วยหลัง.
    ....แท้น้อ

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    หอมข้าวใหม่ใจถวิน..ถิ่นนาดอน
    ด้วยจากคอนมาด่น..อยากอวยคืนเมือบ้าน..แท้น้อ
    กลับสถานถิ่นหมั่น..เผ่าพันธุ์อีสานเก่า
    ยังคิดฮอดหมู่เจ้า..เหง่าเซื้อพงศ์เดิม..พี่น้องเอ้ย


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •