-
ร่วมถ่ายทอดความรู้สู่สังคม
อนุโมทนานำหลายๆเด้อน้องหล้าเพ็นนี ที่เอารูปงานลักขีงามๆมาฝากพี่น้องบ้านมหาเฮา เอื้อยหล่ะบ่ได้ถ่ายรูปมาฝากไผเลยจักปี (ไปร่วมงานทุกปี แต่กะบ่ได้ถ่ายรูปไว้จักเถื่อ คาแต่ยุ่งๆในงาน ดีหลายๆที่เพ็นนีเอารูปมาให้เบิ่งจ้า ถ้าไผอยากเพิ่งรูปและรายละเอียดเพิ่มเติมกะเข้าไปเบิ่งในเว็บ สมาธิดอทคอมได้เด้อจ้า)
เอื้อยหล่ะเพิ่งฟื้นจ้าน้องหล้า พอเสร็จงาน กะสลบไสล เมื่อยคักอีหลีแต่กะอิ่มบุญหลายๆจ้า แล้วกะเพิ่งเข้ามาให้บ้านมหา จังได้รู้ว่าน้องเพ็นนีสิมางานลักขี
เอื้อยต้องขอโทษหลายๆเด้อจ้าน้องหล้า ที่บ่ได้ติดต่อกลับไป เพราะว่าเอื้อยเข้าวัดไปตั้งแต่วันที่ 7 จ้า ตอนเช้าหลวงพ่อมีใส่บาตรพระเณร 92 รูป ตอนแลงๆ เอื้อยกะไปจัดเตรียมโรงทาน ตอนดึกๆก็ไปจ่ายตลาด ต่อจากนั้นเอื้อยกะอยู่ที่โรงทานตลอดสี่มื่อ(รวมวันที่ 11 นำ) 3 คืน เลยจ้า บ่ได้ไปไสเลย ยุ่งหลายๆกะยังว่า ปีนี้เอื้อยบ่ได้บวชชีพราหมณ์นำเพิ่น เพราะว่าทำโรงทาน มันบ่สะดวกถือศีล กะขออนุโมทนานำเพ็นนีหลายๆเด้อที่มาบวชนำเพิ่น ถึงสิมาร่วมได้วันอาทิตย์กะยังมาน้อน้องหล้า นี่แหล่ะเขาเอิ่นมาศรัทธาน้อจ้า
ขอบคุณเพ็นนีหลายๆเด้อจ้าที่ติดต่อเอื้อยมา ไว้เวลาวัดธรรมฯมีงานสำคัญๆๆต่างๆ เอื้อยจะส่งข่าวให้รู้จ้า ถ้าอยากมาร่วมงานกะบอกเอื้อย ยินดีแนะนำและต้อนรับจ้าน้องหล้า มื่ออื่นหลวงพ่อใหญ่เฮาเพิ่นกะสิเดินทางกลับแคนาดาแล้วหล่ะ ถ้าเพ็นนีอยากมากราบเพิ่นอย่างใกล้ชิด ก็ต้องมาช่วงเดือนมีนาอีกเทื่อหนึ่งเด้อจ้า แล้วเอื้อยสิส่งข่าว
ส่วนรูปคุณลุงเพ็นพี เอื้อยคุ้นๆหน้าจ้า เคยเห็นบ่อยๆที่วัดธรรมฯ เพิ่นมาซ่อยงานที่วัดธรรมบ่อยๆจ้า สงสัยเพิ่นสิเป็นครูสมาธิน้อจ้า แต่อาจจะหลังๆรุ่นเอื้อยลงมาแน จังได๋เอื้อยกะขออนุโมทนาบุญนำอีกเทื่อเด้อน้องหล้า ไว้เจอกันงานต่อไปจ้า สาธุๆๆๆ
-
แบ่งปันความรู้และประสบการณ์
สาธุ สาธุ สาธุ ขออนุโมทนา นำ เพ็นนี!
เด้อจ้า บุญหลายสายยาวเด้อจ้าจั่งได่มาบวชนำหลวงปู่เพิ่น จ้า !
แก้ไขครั้งสุดท้ายโดย นา ดอกจาน; 13-01-2011 at 01:58.
เหตุผล: ย่อขนาดภาพ
-
ศิลปิน,ช่างภาพอิสระ
ขออนุโมทนาบุญ และขอบคุณไปยัง
ม๋าน้อย ขอให้มีความสุข สุขภาพแข็งแรงคือกันจ้า
พี่นิ สะไภ้อีสาน รับพรปีใหม่ด้วยกันจ้า
อ้ายเดอะดอน ของน้อง ขอบคุณหลายๆจ้า
เอื้อยแจง เช่นกันจ้าเอื้อย
ชมเชย ขอบคุณที่ชื่นใจจ้า สิสรรหามาให้ชื่นใจหลายๆจ้า
เอื้อยสาวกะสิน น้องพยายามนำหาเต๊นท์โรงทานครูสมาธิ รุ่นที่ 7-8 กำนำหาบ่พ้อ คนหลายคักเอื้อย เป็นวินๆ แต่กะดีใจที่มีโอกาสทั้งๆที่เฒ่าแม่พยายามให้ไปเฮ้ดหน้าที่แทนเพิ่น บาดฮอดเวลาน้องกะยินดีไปเองโดยที่เลาบ่ได้บอกคือตะกี้ ช่วงที่น้องป่วยใจมีอาการของโรคซึมเศร้า เฒ่าแม่ให้ไปเรียนสมาธิ น้องกะบ่ได้ไป ฝึกเองยุบ้านโดยระลึกถึงครูบาอาจารย์ ส่วนเฒ่าแม่กับคุณลุงเพิ่นเป็นครูสมาธิจ้า รุ่นหลังเอื้อยด่นเติบยุจ้า เพิ่นเรียนประมาณ 4 ปีที่แล้วจ้า ปีนี่เฒ่าแม่ยุต่างประเทศ กะฝากปัจจัยไปส่อยบุญโรงทาน ประทีปเด็กไทย และอีกหลายๆอย่าง น้องทันส่งของที่ระลึกให้เลายุจ้าเอื้อย...มีข่าวคราวจั่งได๋รบกวนเอื้อยโทรหาน้องแน๊เด้อค่ะ ยินดีเป็นอย่างยิ่ง
เอื้อยนา บุญหลายสายยาวสิยาวไปสุแห่งที่มีโอกาสนั่นละเอื้อย ขอบคุณหลายๆจ้า
-
แบ่งปันความรู้และประสบการณ์
ขออนุโมทนาสาธุนำเด้อจ้า งานดูยิ่งใหญ่มาก เป็นตะได้บุญหลายน้อจ้า สาธุ สาธุ
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks