พรที่ดีที่สุด ในวันเริ่มต้นปีใหม่ 2554
เนืองจากติดภาระกิจ เรื่องการงานปีที่แล้วไก่น้อยบ่ได้กลับบ้านช่วงปีใหม่ ปีนี้กะเลยจองคิวเจ้าของไว้ ยากปานได่กะสิเมื่อบ้าน (ย้อนอยากเบิ่งโปงลาง อิอิ )
กะเป็นประจำทุกปีเนาะจ้า ปีใหม่หลายๆท่าน บ่ว่าสิเป็นคนรู้จักกัน หรือบ่รู้จักกันส่วนมากกะสิมอบ คำอวยพรดีๆให้กัน ซึ่งเป็นธรรมเนียม ประเพณีที่ดีๆที่ควรอนุลักษณ์ หรือเป็นแบบอย่างให้ลูก-หาสนรุ่นหลังเพิ่นได้สืบสานแนวดีๆของบ้านเฮาไว้เนาะจ้า
สำหรับยุบ้านไก่น้อยเอง พี่สาวของไก่น้อยกะพาไหว้ขอขะมาพ่อกับแม่ และขอพรดีๆจากท่านในวันเริ่มต้นปี เป็นบรรยกาศที่อบอุ่นอิหลีจ้า ไปเที่ยวกับหมุ่กับพวก ไก่น้อยกะไปมาเมิดแล้วหละ แต่เทศกาลสำคัญๆขออุทิศเวลาที่เหลือให้กับครอบครัว คือว่าหละเนาะจ้า ไผสิเอาไปลองปฏิบัติเบิ่งกะบ่สงวนลิขสิทธิ์เด้อจ้า :l-
น้องสะไภ้ของขะน้อย เพิ่นกะไหว้ปู่-ย่านำกัน
ขอขะมาพ่อกับแม่ด้วยการล้างเท้าให้เพิ่นจ้า ( อย่าเอาไปล้างหน้าให้เพิ่นต่อเด้อหละ ฮิ้วว)
2หลานสาววัยรุ่นของขะน้อย เพิ่นกะมาไหว้ปู่กับย่า
สมาชิกใหม่ตัวน้อยๆของครอบครัวขะน้อยกับพี่สาวจ้า (ลูกสาวน้องชายขะน้อยเอง งงกับลำดับญาติเจ้าของแล้วหละ 555+ )
หลานสาวหลังจากไหว้ตากะยาย /ปู่กับย่า มาพากันมาเก็กสวย อินางคนกลางเพิ่นเตรียมโตไปเรียนต่อป.โทเมืองอเมริกาเดือนหน้าจ้า (บึ่ยย..เมืองไทยมีกะบ่เรียนดอกมัน)
เล็กๆน้อยๆเอามาฝากพี่น้องบ้านเฮานำกันเนาะจ้า การแสดงออกถึงความรักต่อบุพการีหรือผู้มีพระคุณเป็นสิ่งที่ดี ที่เฮาสามารถทำได้ และสร้างความสุขให้เพิ่นได้ดีที่สุดในตอนที่เพิ่นยังรับรุ้ได้ปกติ บ่มีประโยนช์ที่เฮาสิถ่าไปไหว้ตะกระดุกเพิ่นตอนยุในธาตุ ไผมีพ่อ มีแม่ที่ยังบ่เคยไหว้ท่านกะหาโอกาส ไหว้สาเด้อจ้า
อ้างข้อความนี้
Bookmarks