บอกใจ..ให้ฮู้แน่..

[พลายแก้ว]

มะเหมี่ยว..จะแม่นฟ้าวมาเสริมกันดีโพดดอกเนาะ ฮ่าๆๆๆๆ มาม่วนนำกันหล่า..

น่าน..ซอดพ้อว้อแพ้แว้ มาตั้งแต่ชายแดน
ฟ้าวแล่นมาซ่อยเสริม ตื่มเติมคำต้าน
คำหวานๆบ่มีเอื้อน คำเฝื่อนๆผัดมาถม
พากันจ่มมุมมุม ว่าซุมพ่อชายใจเลี้ยว
ซ่างบ่เหลียวเจ้าของบ้าง บ่ซอมทางผู้หญิงแน
หึยยย..ปากแปๆซ่างกล้าเว้า เอาดีอ้างแต่เจ้าของ
บ่เชื่อลองเบิ่งบ่หล่า ขวดเปล่ามาวางเบิ่ง
ว่าชั้นเชิงหญิงซาย ทางผู้ได๋ใจเที่ยงแท้
ปัสสาวะใส่ขวดแมะ ไผ๋สิแซไผ๋สิซื่อ
ย่านบ่คือดั่งคำอ้าง ย่อนทางเจ้านั้น..ซะซาย...ฮ่าๆๆๆๆ

ผญาพาไปเด้อขอรับ ขะน้อย..:l-:l-

[pcalibration]

อย่าฟ้าวเอาข้างเข่าสู่ ถูเสาเฮือนกะเทือนขื่อ
มันคือกันอยู่ซู่ด้าน ซุมฝ่ายค้านเผิ่นสิเถียง(โต้ตอบ)
เว้ากันคือเซียงเหมี่ยง แบบพอเพียงฟังหง่ายหง่าย(ง่ายๆ)
ญิงหรือซายมีเทิงจริงของเก๊ บ่เห็นเล่ห์เลศนัย...ดอกนา
…บ่ต้องเถิงกับปัสสาวะใส่ขวดดอกบ่าวฯ
ขอแค่ปัสสาวะเป็นโต ก.ไก่ ได้นี่กะสุดยอดแล้วหละ...ครับ
55555..ผมเว้าหยอกเหล่นเด้อกลอนมันพาไป
ได้มาจากเด็กน้อยแม่ญิงผ่อซายเถียงกันหว่าไผเก่งกั่วกันซั่นดอกหวา

[หญ้านาง]

อ้ายเอ๊ย....
นางย้านวาจาวาทย์
หงส์อาจเป็นเซื้อเผ่า
นางย้านวาจาเว้า
มาตั๋วเล่นไล่กา
วาสนาสิได้ย่อ
กลองบ่ต๋อมีแคนต่อ
วาสนาบ่ได้ย่อ
แคนสิหย้อหย่องกลอง.....อิอิ
ย้านแต่มองมาตำข้าว
สาวบ่คนอ้ายสิก่น....บ่หล่ะ
บาดว่าคนบ่ได้
สิเทียวไง้ใส่แต่มอง...เด้ 5555 มาม่วนนำเด้อจ้าอ้ายบ่าว

[หนุ่มหน้าลาว]

...ฟังคารม หมู่เจ้า เว้าว่า กันไปมา
มาเป็นตา อยากอายคน ย่านเพิ่นซัง หนังหน้า แท้นอ
เว้าไปมา บัดได๋แท้ พอพอกัน ดอกข่อยว่า
ข่อยนั่งซอม เบิ่งแล้ว ซายญิงนั้น ส่ำส่ำกัน 55555
...บ่คือข่อย ผุนี้นั้น คนหล่อ ผุสาวโฮม
แม่นสินอน อยู่เทิงเฮือน สาวหลั่งมา เต็มบ้าน
จนว่าซาน ข่อยเย้ ขางเฮือน ข่อยจนเอ่น
บ่ห่อนออก จากบ้าน ไปหาเกี้ยว ผุได๋ เสี่ยวเอ้ย