"อ่อมปูนอก" ส่งการบ้านสาวบ้านแต้จ้า

[เเมงสะดิ้ง]

พอดีคึดพ่ออิปูที่ได้มาจากพี่คนไทยที่ไปพ่อกันยุวัดตั้งแต่ปีกลายนี้เพิ่นให้มาด้วยควมเสน่หาเป็นการส่วนโต
กะเลยนำมาแช่แข็งไว้เกือบลืม คั่นบ่เห็นสาวบ้านแต้มานำเสนอกะบ่คึดพ่อดอก
ต้องยกควมดีนี้ให้สาวบ้านแต้เด้อจ้า ขอบคุณไว้หม่องนี่ล่ะเนาะ



เป็นปูทะเลจ้า ยามหน้าฮ้อนคนไทยทางนี้ผู้เพิ่นดู๋เพิ่นหมั่นเพิ่นพากันไปตกปู มาดองเป็นปูเค็มขาย
อันนี่ที่ได้มาเพิ่นวาแช่นำ้ปลาไว่แล่วคืนนึงพ่ะนะ เพิ่นเอาไปขายยุงานวัด มันบ่เบิ่ดเพิ่นเลยยัดเยียดใส่มือให่แต่บ่เอาเงินนำ
เพิ่นวาอยากเฮ้ดบุญนำพ่ะนะ เอ๋า จั่งซี่กะมีติ่ เลยสาธุรับมาด้วยใจเบิกบาน




ปลิดขาออกแล้วกะตำใส่ครกเทียละโต จนแหลกเอ่เหล่เทิ่งกระดูกกระเดี้ยว
ตักออกเก็บใส่ถ้วยไว่ แล้วกะตำโตใหม่ต่อ หย่อนเนื้อปูหลายน้ำกะมีนำ
เลยหย่านน้ำมัน*เดียกใส่ตา พ้อมทั้ง*ข่วดมันปูจากกระดองใส่นำ
บึ๊ย...ดีใจแฮงขุดคำนี้ออกมาได้จากเมมโมรี่
*เดียก=กระเด็น
*ข่วด=ข่วน,ควัก



ตำพริกแห้ง หอมแดง ตะไคร้ให้แหลกๆ ลงนำเป็นเครื่องอ่อม



ขั้นตอนตามนั้นที่สาวบ้านแต้เพิ่นพาเฮ้ดจ้า



พอสุกแล่ว ซิมเบิ่งคำแรก โอ๊ว...พี่น้องเอ๊ย เว่าไปหลายกะหย่านวาปากแปเว่าเป็น
แซ๊บบบบบบบบบบบบบ.......แซ่บ แซ่บคืออ่อมกะปูเลยพี่น้องเอ๊ย ฮ่ะฮ่า
กินคำสองกะแซ่บ คำสามกะแซ่บ คำสี่แห่งแซ่บคั่ก พอคำห้าคำหก ถ้วยเริ่ม*บก
เอ๋า...คือเริ่มแหย๋บาดเนี่ย ควมแซ่บลดลง แห่งกินแห่งบ่แซ่บไปหน้า ฮ่วยจั่งซี่กะมี
เลยเซากินเอาซื่อๆ พี่น้องเอ๊ยหย่อนมันเบิ่ดกะจั่งหว่ะ ฮ่ะเฮ๊ย เติ๊ด

*บก=พร่องลง,เหลือน้อยลง




ปูเนื้อหลายอิหลีจ้า จนจับโตเป็นก้อน กินแล่วเลยโทรไปอ้างยายทองพูนวาได้กินอ่อมอิปุ อิอิ
เล่าวา...ป๊าดคือดีแท้ได้กินพ่ะนะ แซ่บบ่ล่ะเลาถามมา แซ่บต่ะตอนแรก แต่ตอนหลังมันแหย๋ ตอบเลาไปสั่นดอก
เอ๋า...เพิ่นกะบีบเอาต่ะน้ำกับเนื้อปูลงหม้อตั่วนาง ฮ่อนกรองเอากากมันออกก่อนตั่ว เลาบอก
เอ๋า....ติ่สั่น



ส่วนสาม สี่ ห้า โตในถ้วยนี้ ต้มใส่น้ำปลาแดก จ่งไว่ป่นกินกับผักมื่ออื่นเซ่าดอกสั่น



จั๊กเป็นจั่งได๋ โลดหย่างเวิ่นอ้อมเฮียนยุ มันบ่เป็นตาอยู่กะจั่งหว่ะ
นี่บ๊อเพิ่นวา หย่ำแม่นปาก อยากแม่นท้อง เมื่อยเฮ้ดแม่นมือ
บาดสิแล่ว แม่นได้กินข้าวกับบักหุ่งสุกพี่น้องเอ๊ย...หวานจ้วยลงคอ
ถืกใจผู้เฒ่าวัยทองคั่กหลายกะจั่งหว่ะ ฮิ๊ว....มาๆ ยายหนูมากินเป็นหมู่กัน
:l-