หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 24

หัวข้อ: ย่าสอนหลาน

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ย่าสอนหลาน

    ข้อความคำกลอนดังจักกล่าวตามลำดับในกระทู้ต่อไปนี้ บ่ได้เกิดจากการรจนาแต่งแต้มโดยผู้ข้า ศรีสะท้าน เพียงแต่ผู้ข้าได้ถอดความ ปริวรรตมาจากภาษาลาวเดิม/อีสาน ที่ปราชญ์โบราณเพิ่นได้แต่งไว้ มาเป็นภาษาไทย(อ่านแบบสำเนียงลาว/อีสาน) เพื่อเป็นการเผยแพร่และฮักษาฮากเหง้าของบรรพบุรุษของเฮาในด้านวรรณกรรม เด้อข้าน้อย


    บัดนี้ ย่าจักสอนสั่งเจ้า คำขาดศักดิ์สิทธิ์
    ขอให้ ฝูงลูกหลาน จื่อจำเอาไว้
    อย่าได้ พากันเหล้น การพนัน เบี้ยโบก
    ลางเทื่อ โซคบ่ให้ ถงเป้งสิขาดกลาง
    อย่าได้ เว้าอวดอ้าง ตัวะล่ายมายา
    ย่าย้าน เป็นภัยเวร เวทนาบ่มีแล้ว
    อย่าได้ ทำตัวเผี้ยง หัวเพียงเพศอึ่ง
    มันหาก เหลือแต่ฮ้อง ความเว้าสิฆ่าโต
    ไผผู้ เว้าแหกบ้าน บ่ห่อนฮู่งเฮืองศรี
    ไผผู้ เว้าแหกเมือง บ่ห่อนดี โดยแท้
    คันว่า กูดีแล้ว บ่มีครู อย่าฟ้าวว่า
    หินบ่ ฮองฮะให้ แนวพร้า บ่ห่อนคม
    ซื่อว่า หมากบ่เคี้ยว ปากเปล่า บ่มีแดง
    แม่นมี สีทาเต็ง บ่ห่อนแดงเองได้
    อย่าได้ วาจาเผี้ยง เขาฮอ ขมขื่น
    อย่าได้ คึดม่อตื้น เสมอหม้อปากแบน
    อย่าได้ แสนแพนหน้า วาจาเว้าอ่ง
    ย้านว่า ฝูงพี่น้อง พงศ์เซื้อ สิหน่ายซัง
    คันได้ นั่งตั่งอี้ อย่าฟ้าวเปิบใจหลาย
    บาดว่า เพพังตก สั่งกันบ่ทันแล้ว
    ย้านว่า มรณังเมี้ยน ตกตายคอบตั่ง
    ลำหาก สูงลื่นไม้ ลมฮ้ายสิโค่นลง ฯ (อ่านต่อตอนหน้า)


  2. #2
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ถงเป้ง....แม่นถุงเปิดบ่ค่ะ
    คำว่า"เป้ง"เคยได้ยินแต่ว่า "เป้งฝาย เป้งปลา"

    อยากฮู้แจ้งแถลงคำสั่นดอกหว๋า อิอิ

  3. #3
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    ลุงทิด ลุงทิด อ่านแล้ว หนูงง แต่หนูกะอ่านจนจบเด้อ อิอิ

  4. #4
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,066
    บล็อก
    28

    ลึกซึ้ง

    วรรณกรรมภาษาลึกซึ้ง
    ต้องค่อยๆอ่านและแปลความหมาย
    ย้อนกะว่าน้องเกิดซ้า
    ถ้าเกิดโดนกว่านี้กะสิดีจ้า

    ปล. แต่กะพยายามเรียนรู้ เป็นสิ่งดีที่เรามีวัฒนธรรมของเราเอง

  5. #5
    อ่านจบสามรอบจ้า.. เข้าใจคำเดียวคะ ย่าสอนหลานอย่าเล่นการพนัน
    รู้แต่ว่าภาษาเพราะคะ

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    เลขาจากฝั่งซ้ายมาเองเลยจ้า ไก่น้อยแปลได้ประมาณนี้ ท่านอาจารย์ศรี พอผ่านได้บ่เค๊อะ .... อิอิ

    บัดนี้ ย่าจักสอนสั่งเจ้า คำขาดศักดิ์สิทธิ์
    ขอให้ ฝูงลูกหลาน จื่อจำเอาไว้
    คำสั่งสอนของย่า เป็นคำสักดิ์สิทธิ์ ขอให้หลานๆจดจำไว้

    อย่าได้ พากันเหล้น การพนัน เบี้ยโบก
    ลางเทื่อ โซคบ่ให้ ถงเป้งสิขาดกลาง
    การพนัน เล่นเบี้ย เล่นโบก (การพนันสมัยโบราญ ที่เอาเมล็ดมะขามมาเล่นมาผ่าคึ่งซีก ) เผื่อโชคไม่ดี กระเป๋าตังค์ที่เคยมีเงินเต็มถุง อาจจะเป็นกระเป๋าขาดก็ได้ (เปรียบเปรย เด้อ พี่น้อง)

    อย่าได้ เว้าอวดอ้าง ตัวะล่ายมายา
    ย่าย้าน เป็นภัยเวร เวทนาบ่มีแล้ว
    อย่าเที่ยวพูดจาโอ้อวด ย่ากลัวว่าจะเป็นการสร้างเวรกรรม ต่อกัน

    อย่าได้ ทำตัวเผี้ยง หัวเพียงเพศอึ่ง
    มันหาก เหลือแต่ฮ้อง ความเว้าสิฆ่าโต
    อย่าทำตัวเหมือนอึ่งอ่าง ที่ต้องตายเพราะปาก (อึ่งอ่าง มันชอบร้องให้ คนไต้อึ่งรู้ว่ามันยุไสนั่นนา 55+)

    ไผผู้ เว้าแหกบ้าน บ่ห่อนฮู่งเฮืองศรี
    ไผผู้ เว้าแหกเมือง บ่ห่อนดี โดยแท้
    ใครที่พูดจาไม่เข้าหูชาวบ้าน หรือพูดจาสร้างความแตกแตก หย่อมหาความเจริยได้ยาก

    คันว่า กูดีแล้ว บ่มีครู อย่าฟ้าวว่า
    หินบ่ ฮองฮะให้ แนวพร้า บ่ห่อนคม
    อย่าทำตัวเก่งเป็นศิษย์ไม่มีครู ถ้ามีดไม่มีหินรอง เวลาลับมีด มีดจะไม่มีทางคม

    ซื่อว่า หมากบ่เคี้ยว ปากเปล่า บ่มีแดง
    แม่นมี สีทาเต็ง บ่ห่อนแดงเองได้
    ปากคนเราเคี้ยวเฉยๆนย่ำไม่มีสีแดง ถ้าไม่ได้กินหมาก (สมัยก่อนกินหมากให้ปากแดง)

    อย่าได้ วาจาเผี้ยง เขาฮอ ขมขื่น
    อย่าพูดจา ส่อเสียด ประชด หรือสร้างความข่มขี่นให้คนอื่น (เขาฮอ = บอระเพ็ด)

    อย่าได้ คึดม่อตื้น เสมอหม้อปากแบน
    อย่าได้คิดอะไรตื้นๆ เหมือนหม้อปากแบน หย่อมไม่มีประโยชน์

    อย่าได้ แสนแพนหน้า วาจาเว้าอ่ง
    ย้านว่า ฝูงพี่น้อง พงศ์เซื้อ สิหน่ายซัง
    อย่าพูดจาหยิ่งยะโส ญาติพี่น้อง จะเกียดชังเอาได้

    คันได้ นั่งตั่งอี้ อย่าฟ้าวเปิบใจหลาย
    บาดว่า เพพังตก สั่งกันบ่ทันแล้ว
    ย้านว่า มรณังเมี้ยน ตกตายคอบตั่ง
    ลำหาก สูงลื่นไม้ ลมฮ้ายสิโค่นลง ฯ (อ่านต่อตอนหน้า)

    ถ้าได้ดีมียศฐา บรรดาศักดิ์ ก็อย่าทำตัว เหลิงอำนาจ เพื่อสักวันหมดอำนาจวาสนา อาจจะสร้างภัยให้แก่ตัว ยิ่งสูง ยิ่งตกลงมาเจ็บ ( อะไรประมาณนั่น )
    แก้ไขครั้งสุดท้ายโดย ไก่น้อย; 25-01-2011 at 04:21.

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ขอบคุณทุกท่านที่เข้าอ่านและให้คำเสนอนแนะ และที่สิอดขอบคุณบ่ได้เป็นอย่างยิ่งสำหรับฝ่ายแปลเอกสาร ทีมงาน ทกส. ว่าก่อนไปนาง อ้ายว่างสิมาซ่อยแปลดอก บัดนี้เชิญอ่านต่อ ข้าน้อย


    อันหนึ่ง อย่าได้พายเฮือขึ้น ทวนกระแสสินธุ์ใหญ่
    ย้านว่า พายบ่ม้ม ยามหล้มเพิ่นสิหยัน
    ยังบ่ ทันเห็นซี้น อย่าฟ้าวกล่าวหาแกง
    กินบ่ ทันลงคอ อย่าฟ้าวจาจงต้าน
    มันสิ คาคงแค้น อุกในมโนอั่ง
    ย้อนว่า ฟ้าวลื่นบ้าน คำเข้า(ข้าว)บ่ล่องคอ
    ยามเจ้า ฟันขวานค้าง อย่าวางใจเถิงเลื่อย
    มันสิ หลงบาดโย้ ขวานสิเลี้ยวใส่มือ
    ให้เจ้า มีสติไว้ จิตใจหมั้นเที่ยง
    อย่าได้ ลอกแลกเหล้น เขาสิเอิ้นว่าลิง
    อย่าได้ เห็นของฮ้าย เป็นดีมีค่า
    อย่าได้ เห็นด่านด้าว ดงกว้างว่าแปน
    อย่าได้ คึดก่อเกื้อ กรรมบาป หนาหนัก
    ให้เอา บุญเป็นสหาย ฮ่วมเฮือนเฮียงซ้อน
    คันอยาก มีสองซ้อน ให้ปรึกษาเถ้าแก่
    คันว่า พ่อแม่บ่พร้อม เซาท่อน อย่าเอา
    ญิงใด เซื้อซาติคร้าน อย่าหมายฮ่วมเฮียงฮัก
    มันจัก พาเสียศรี ก่ำสกุลสูญเศร้า
    ซาติที่ แนวคนฮ้าย ศีลธรรมบ่คึดฮ่ำ
    แม่นสิ งามเลิศฟ้า สิพาให้จุ่มจม
    ให้ค่อย คึดฮอบคอบ จอบเบิ่งการกิจ
    คันว่า เอาการงาน ค่องคือควรซ้อน
    คันว่า เป็นตาค้ำ ครองเฮือนก็เฮืองฮู่ง
    เป็นที่ สุดลื่นล้น ยืนหมั้นซั่วซีวัง ฯ (อ่านต่อตอนหน้า)

  8. #8
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,066
    บล็อก
    28

    ขอบคุณจ้า

    ขอบคุณจ้าเจ้าของกระทู้

    ขอบคุณพี่ไก่น้อยจ้า
    น้องอี๊ทเข้าใจหลายขึ้น
    เริ่มแล้ว เริ่มที่ทำความเข้าใจได้แล้ว
    แก้ไขครั้งสุดท้ายโดย สาวบ้านแต้; 25-01-2011 at 06:36.

  9. #9
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ตอนนี้..นู๋ยังมีหนังสือเล่านี้อยู่ค่ะ..แม่ชอบชอบอ่านให้นู๋ฟัง...เป็นประจำเลยค่ะ...
    ขอบคุณที่แบ่งปันนะค่ะ ท่าน อ.ศรี

  10. #10
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    858
    บล็อก
    1
    ขอบคุณอาวศรีสะท้านจ้า แต่ว่าป้าอยากอ่านเรื่องท้าวเสียวสวาดคำกลอน พ่ออาวมีบ่อจ้าเอามาลงเฉพาะตอนที่สำคัญๆกะได้จ้า

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •