ฝรั่งจ่ายผญา หน้าลาวเอามาลง [SorSor...MarMar]
...การหาเงิน สั่วสิหามาได้ แสนจนใจ ยากเอานี่
หาเหมิดมื้อ กะบ่ได้เคิ่งร้อย กินหอยต้ม อ่อมกะปู
ข้าวสิกินกะได้ซื้อ กุดจี่ กะขุดขาย
เงินกะอึดนอเฮา ลูกแอ่วกินขนมก้อน
...ข้าวบ่เหลือค้างเล้า ถงกะเปล่าบ่มีเงิน
เต็มทีหนัก นอชาวนา ขาดเขิน แลงเช้า
เงินสิหามาซื้อ ของเคยกิน กะยากยิ่ง
ตาลุโตน ไผผุมีลูกน้อย หาแนวป้อน แม่นป่นปู
...ทางผุแทนมีแต่ได้ ทางพวกไพร่เต็มทีหนัก
ผลที่สุด คนไทยทุกข์ พัฒนาอีหยังเจ้า
เจริญดี แต่ว่าศีลธรรมเสื่อม แนวพาดีอยู่ใสหน่อ
อีกบ่โดนกะสิพ้อ คนพาลล้นอั่งแผ่นดิน
...คึดให้คักเด้อพี่น้อง พวกเฮาแม่นประชาชน
เฮาเทิงอึดเทิงจน ให้อยู่ตามประสาบ้าน
เขาเอาเงินมาล่อ อย่าหลงกล ไปเชื่อ พวกมันเด้อ
บ้านเมืองเกิดเดือดฮ้อน วุ่นวายย้อน พวกหมู่เขานี่แหล่ว คนเฮาเอ้ย
อ้างข้อความนี้
Bookmarks