หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ... สายลมฟ้องว่าน้องลืม ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ... สายลมฟ้องว่าน้องลืม ...


    ... สายลมฟ้องว่าน้องลืม ...


    กาลเวลาพาลมล่อง ได้เปิดกล่องความทรงจำ สายฝนพลำจนกลายหนาว ตั้งแต่คราวบ่มีเจ้า


    ใจดวงเหงาบ่คลายล้า กาลเวลาบ่เคยซ่อย ความเหงาหงอยคอยตอกย้ำ ทำตาอ้ายเปียกสู่วัน


    คำที่ฮักเจ้าว่านั้น อยากเติมฝันน้องกับพี่ เพียงราตรีได้ผ่านพ้น มีคนออ้นเจ้าฮ่อนลืมมมม


    คนที่ฮักปักใจปลื้ม กลายเป็นตื่มทำใจเจ็บ ได้นำเก็บเศษฮักเพ จนย่างเซเด๊ยามล้าาาา


    หยดน้ำตาของคนแพ้ มีให้แก่ความทรงจำ หม่องเก็บงำใจดวงเหงา ที่ฮักเขาบ่เคยแล้ว


    ขอเก็บแววในตาเศร้า กับความเหงาอดีตผ่าน สายลมพานมาตำต้อง เปรียบมาฟ้องว่าเผิ่นลาเด้น้อง


    [FLASH]http://music.gmember.com/flash/jedakrAkraM.swf?songid=1104937501[/FLASH]

    แก้ไขครั้งสุดท้ายโดย บ่าวโจ่โล่; 29-03-2011 at 22:05.


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    อ้ายเอ้ย...

    อย่าเชื่อหลายสายลมเศร้า ว่าสองเฮาสิเป็นอื่น
    บ่ได้ฝืนคำจาอ้าง ทางเคยท่องฮ่วมพี่ชาย
    คืนเดือนหงายยังจำมั่น สัญญาคำที่เคยกล่าว
    สายลมหนาวสิผ่านพ้น ฝนสิเข้า ให้ลืมเจ้าแม่นบ่ลืมดอกอ้ายเอ้ย



    อ้ายพงษ์เอ้ย.. รักตลอดคิดฮอดเสมอ ปานต่ายอรทัยพุ้นแหล่ว ปี๊ดด.......... ไสหละของฝากจากเมียงลาว พะนะ ฮิ้วว

  3. #3
    เจ้าหน้าที่ประชาสัมพันธ์ สัญลักษณ์ของ คนบ้านบ้าน
    วันที่สมัคร
    Mar 2009
    กระทู้
    471
    [SIZE="5"]:*-:b-bกลับมาบ้านปะสิพากินข้าว หาดคูเดื่อ กุ้งเต้น ปลาเผา
    [SIZE="5"]
    แก้ไขครั้งสุดท้ายโดย คนบ้านบ้าน; 21-02-2011 at 13:17.

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    เอ่า มาฮอดหม่องนี้ผัดโควต้า แต๊งกิ้ว เหมิดซ้ำแม่ะอ้าย... มื้อนี้ฟิวส์บ่ไหลเลยแม่ะไก่น้อย ฝากไว้ก่อน สิมาต่อนำดอกเด้อ.. ย่านไก่น้อยได่หลื่น .. ฮ่าๆๆ

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ฮิ้ววววววววววว...มาเทื่อได๋ กะบาดใจ หล่าทุกเทื่อเลยเนอะอ้าย สุดยอดจ้า...

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961



    ตอนฮับฟังสายลมฟ้อง ฮ้องส่งข่่าวแต่ทางไกล

    คิดเห็นไผคนคือเธอ อยู่เสมอบ่มีแล้ว

    โตมันแนวกระบองใต้ บ่อวดไส่ไฟนีออน

    ดวงสมรที่เธอฝัน อ้ายคงหันเพียงมองฟ้า

    เข้าตำราทางคนไฮ้ ที่อยากไผ่อยู่เคียงหงส์

    จุดประสงค์ได้เพียงฝัน กับเบิ่งจันทร์อยู่เทิงฟ้า ถ่อนแล้วววเนาะ


    ขอบคุณครับสำหรับคำติชม และการกดให้คำขอบคุณจากพี่น้องทุกท่าน ห่างหายหน้าจาก
    บอร์ดไปดนเติบเนาะครับ บ่มีจินตนาการได้เขียนบทกวีอิสาน หรือกลอนลาวดนเติมหล่ะ
    กะอ่านไป ฟังหมอลำไป คิดไส่ทำนองลำล่องแล้วกะม่วนอีกแนวหนึ่งเนาะครับ อยากฟัง
    เสียงลำกะกด Play จากรูปในบทกลอนข้างเทิงเด้อครับผม




  7. #7
    สุดยอดผญาซึ้งตรึงใจคัก ขอรับพี่ชาย..อิอิ แม่นจั่งได๋กะม่วนครับ อ่านสื่อๆ หรือสิลำใส่กะม่วนครับ ติดตามอ่านทุกช็อตบ่พลาดจักกลอนครับ แฟนพันธุ์อิหลีอิหลอเด่ะครับนิ..
    ขอบคุณสำหรับผญาม่วนๆให้พี่น้องได้อ่านขอรับ..ขออีกแน่เด้อครับ พี่ชาย..

  8. #8
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ฟังบ่าวต้านผ่านผญามาเว้าจ่ม
    ฝากสายลมพัดต้อง อยู่ไกลหม่องกะบ่ืลืม
    ยังได้อิกแอกปลื้ม พอได้ตื่มควมหวาน
    เทิงลูกตาลลูกยอ ใส่กะทอมาเต็มล้น
    มาหลูตนแท้น้อข่อย เสียงลมลอยบอกข่าว
    ผุ่สาวลาวแตกจ้น แหล่นนำส่นกะบ่วาง
    ...มะส่างเป็นไผเห็นน้อ.....
    :,1-

    หยิกแกมหยอกบักกอกใส่ส้มตำหมอลำกะหม่วนๆ
    คิดฮอดล้วนๆครับบ่าวโจ่โล่ไซโลผญาหวาน

  9. #9
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    เรียงคำจาภาษาแต้ม แกมข้ออ่านพอหวานหู

    ปรับแต่งดูภาษาเขียน พอเปลี่ยนคำทำนองรื่น

    มีโตยืนคือคำพ้อง ให้ทำนองพอเว้าหม่วน

    ได้เชิญชวนซุมพี่น้อง หรือผองเพื่อนได้อ่านทวน

    บางบทม่วนชวนหวานซึ้ง หรือปั้นปึงยามได้อ่าน

    บ่อาจหาญเป็นผู้ฮู้ หรือครูเจ้าเว้ายกยอ พี่น้องเอ๊ยยยย




  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    สายลมพัดทางบ้านน้อง เย็นกะต้องลามทางใจ
    เสียงสะนูย้ำเตือนไว้ แอ่วโอดคล้ายอ้ายสั่งลา
    ฟังเสียงลมคือคนส่า ได่ผวาอยู่ทางใจ
    อ้ายคงลืมนางไว้ จั่งทิ่มไปบ่ไหลคืน ..น้ออ้าย


    ปล.. ได่สำนี้ล่ะ..บืนเกียบตาย..ฮ่าๆๆ (เว่าไปโลดอ้าย จั่งได๋กะม่วนคือเก่าอ่ะล่ะ..)

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •