หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 34

หัวข้อ: สายลมหนาวมาเยือน

  1. #1
    แบ่งปันความรู้และประสบการณ์ สัญลักษณ์ของ prayoon
    วันที่สมัคร
    Jul 2010
    ที่อยู่
    จ.นครปฐม
    กระทู้
    114
    บล็อก
    3

    สายลมหนาวมาเยือน

    ฝากรบกวนพี่น้อง มีรูปงามๆ เอามาใส่ให้แหน่ จักขอบคุณเป็นอย่างหลาย

    [MUSIC]http://www.file2go.com/mrun.php?me=1023s2[/MUSIC]
    สายลมหนาวมาเยือน

    สายลมหนาวโชยพานต้อง ทั้งใบตองเริ่มขุล่น
    หน้าหนาวมาฮอดแล้ว สายฝนซ้ำสั่งลา
    ข้าวในนาออกฮวงแล้ว เหลืองอร่ามงามไสว
    โอนเอนตามสายลม บาดพัดโชยมาต้อง
    โลกนี้หมุนไปเรื่อย วันเวลากะพ้นผ่าน
    ฤดูกาลถึงขวบแล้ว กายเฮานี้กะเปลี่ยนไป
    หน้าหนาวมาปีนี้ แสนเต็มทีอยากมีคู่
    อยู่คนเดียวลูดอ้างว้าง หาไผหม่นบ่ห่อนมี
    นอนเหน็บหนาวในหนุ่มเนื้อ น้าวหน่วงนี่หนักหนอ
    จั๊กว่าปานใดน้อ สิมีคนมามัก สิโดดโตตำเต้น
    เห็นข้าวงามปีนี้ หากราคาดีมีลุ้นอยู่
    ว่าขายไปใช้หนี้กู้ คงเหลือสู้อยู่เป็นแสน
    แต่หากจนใจแท้ แนวคุยสาวเว้าบ่เก่ง
    หาเงินคำได้แล้ว สิหาเจ้า...ผุจั่งใด๋...น้อ
    หรือสิหาสาวอยู่นี่ มีบ่บ้านมหา
    ไผสิสนชาวนา เมตตาสิโตนบ้าง
    แม่นหากมีมาเว้า สิหมายเอาเป็นเนื้อคู่
    สิพาแก้มตูหลู สิพาแก้มตุ้ยลุ้ย มาลุยสู้แข่งหนาว...สั้นดอก
    [MUSIC][MUSIC][/MUSIC][/MUSIC]
    แก้ไขครั้งสุดท้ายโดย prayoon; 24-01-2011 at 14:35. เหตุผล: จัดให้ตามขอค่ะ..

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    เฮือนบ่มีขื่อค้ำ
    ถึงสิงามกะบ่หมั้น
    ชายบ่มีคู่คั้น
    หนาวบั้นสิบั่นใน
    หาสาเด้อญาอ้าย
    หนาวในๆสิหายส่วง
    ปวงมาลาขาดแมงเผิ่ง
    ดอกสิเนิ้งหล่นขู.....
    เด้อจ้า อิอิ ขั้นบ่มีนางกะว่างยุเด้อ555555555555

  3. #3
    ศึกษาหาความรู้ สัญลักษณ์ของ น้องแนน
    วันที่สมัคร
    Jun 2010
    กระทู้
    31
    ນອ້ງຊີຂັນອາສາແຈ້ວພາຍເຮືອນໍາອ້າຍພີ່
    ພໍຊິມີໂຊກບໍອາ້ຍສາວຂີ້ຮ້າຍຜູ້ນີ້ຊິມີໂອກາດໄດ້ຮ່ວມທາງບ່ໍນໍ
    ຫລືວ່າເຈົ້າເລືອກເຟັ້ນມ້ກແຕ່ສາວສວາຍຣວຍເງີນຄໍາພັອມພໍາ່ທັງຄວາມຮູ້

  4. #4
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    หญ้านางเอย...สายลมหนาวมาแล่นช้น ปลายสายฝนสิเอิ้นสั่ง

    คือจั่งนางสิสั่งอ้าย สิไปแล้วบ่เอยลา

    คือจั่งมาหลอกต้ม หลงคารมแล้วถิ่มห่าง

    หนีไปป๋าเปล่าว่าง ลาแล้วสิลับไกล

    หลอกแค่หลงบ่ได้ใกล้ แล้วมาลัยสิถิ่มห่าง

    ปล่อยให้ใจอ้างว่าง แล้วนางน้องสิลับไกล....ละน้อน้องสาวเอย

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    เดือนสิบเอ็ด หัวลมค้อย ลมหนาวว้อย พัดวี่วี่
    เดือนสิบสอง ลมตีต้องใบเข่า จากเขียวนั้นผัสแมนเหลือง
    มองชำเลืองเหนือหรือใต้ เบิ่งทางได๋เหลืองคับท่ง
    สิได้ลงเกี่ยวเข่า เตรียมเคียวเกี้ยวใสมือ
    ใจน้องคืออยากซ่อยอ้าย นาหากหลายแมนคือกัน
    ขอให้ความสำคัญ นาของฉันก่อนเด้อพี่
    หากว่าแมนหม่องนี้ เสร็จก่อนสิไปซ่อยดอกอ้ายเอ้ย
    แก้ไขครั้งสุดท้ายโดย ข้าวต้มมัด; 16-10-2010 at 15:33.

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    กระทู้ต้นฉบับโดยคุณ เด็กla
    หญ้านางเอย...สายลมหนาวมาแล่นช้น ปลายสายฝนสิเอิ้นสั่ง

    คือจั่งนางสิสั่งอ้าย สิไปแล้วบ่เอยลา

    คือจั่งมาหลอกต้ม หลงคารมแล้วถิ่มห่าง

    หนีไปป๋าเปล่าว่าง ลาแล้วสิลับไกล

    หลอกแค่หลงบ่ได้ใกล้ แล้วมาลัยสิถิ่มห่าง

    ปล่อยให้ใจอ้างว่าง แล้วนางน้องสิลับไกล....ละน้อน้องสาวเอย
    อ้ายเอ๊ย...

    น้องนี้สัจจังหมั้น
    บ่ลืมวันที่เคยว่า
    ถึงโตไกลใจผวา
    ส่งสายตาแอบปลื้ม
    บ่ลืมเว้นหว่างหาย.
    ...เด้อจ้า

  7. #7
    ลมหนาวมาเย็นจ้อย หนาวคีงข่อยยุวี่วี
    ลมหนาวมาปีนี้ สิไปลี้ยุหม่องได๋
    ลมหนาวมาจับใจ แฮงคิดหลายน้อนำเจ้า
    ลมหนาวมาพัดใบข้าว คิดฮอดเจ้าคนเคยกอด
    ลมหนาวมาพัดซอด คนเคยกอดนั้นไปไส๋
    ลมหนาวมาพัดใกล้ สิมีไผ๋น้อให้กอด
    ลมหนาวมาแฮงคิดฮอด โอ้ยยยยยยยยยยยยยสิไปกอดน้อผุได๋...........
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  8. #8
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367

    ฤดูผันเหมันต์เคลื่อน...หนาวมาเยือนเตือนเนื้ออุ่น
    งามละมุนคือน้อง...คนปองนั้นหากบ่มี
    คิดอีกทีกะกลัวย้าน...ชายเกี้ยวพานเผิ่นมีคู่
    หมายเอ็นดูอยู่แล้ว...ฝ่ายนางแก้วบ่อาจขวง
    สุดแต่ดวงบุพเพสร้าง...เป็นหนทางพาพ้อคู่
    ได้พบดวงยอดชู้...ซูซ้อนหม่อมพะนาง..พะน้าพะนะ


    งามบ่ผุสาวหน่ะ

  9. #9
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    เดือนสิบเอ็ดหัวลมต้อง เดือนสิบสองหัวลมหย่าว
    สะนูว่าวดังถืดทึ้ง คณึงน้องผุห่างหาย
    เมื่อปีกลายยังมีเจ้า เกียวข้าวล้มก้มเคียงพี่
    มาปีนี้ผัดหายจ้อย พะนางน้อยไปอยู่ใส..น้อ
    ฮู้อยู่บ่ว่าทางอ้าย คิดฮอดหลายเทิ่งเป็นห่วง
    คิดนำดวงดอกไม้ ผุไกลข้างห่างคิง
    มาบัดนี้มิดอิ้งติ้ง สิหลิงหล่ำนำอ้ายบ่
    สิคิดพ้อหน้าอ้าย ชายพี่ที่ล่ำคอย บ่น้อ...

  10. #10
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    บ่าวก๋าคามครับ บ้านผมตอนนี้แล่นว่าวบ่อทันได้เด้อครับ
    น้ำท่วมข้าวอยู่ครับ 555555
    บัดเผิ่นสมากะมาตอนข้าวถอกเนาะฝนกะดาย

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •