เบิ่งเซ่าเลิกงานไปอยากกินแนวดิบๆครับ :l- แวะตลาดหม่องเก่านั้นหละเพราะจำได้ว่า เคยเห็นคะเจ้าขูดเนื้อปลาตองขายยุ ยังมียุครับ โลละ240 ซื้อเบิดโลคือสิกินบ่เบิดเนาะเลยเอาเคิ่งโลกะพอ ร้อยซาวพะนะ
ได้มาหละกะใส่ครกตำเลยครับ ตำไปเรื่อยๆมันสิเหนียวจนดึงสากบ่ขึ้นพู้นหละครับ ต้มน้ำปลาแดกเลยครับบ่านนี้
พอน้ำปลาแดกพออุ่นๆกะตักใส่ครกครับ ใส่เถื่อละ2ทัพพีแล้วตำไปเรื่อยๆ พอเริ่มเหนียวกะตักใส่อีกครับ หละกะตำไปเรื่อยๆ เฮ็ดจั่งซี้ดู๋ๆครับ จนเนื้อปลามันฟูขึ้นมาประมาณเคิ่งหนึ่ง แล้วกะเหนียวจนซิดบ่ออกจากทัพพีกะพอแล้วครับ
ตักใส่หม้อน้อยไว้คนลาบครับบาดนี้ หั่นหอมแดง ต้นหอม ผักชี ใบบักกูดใส่ลงไปครับ ข้าวขั่ว ผงนัว พริกป่น น่ำปลาใส่ตามลงไปครับ คนให้เข้ากัน
แล้วหละครับ แบ่งคั่วนำจักหน่อยหนึ่ง มันสิแซบอีกแบบหนึ่งครับ กินกับใบผักหนอกครับ มาๆกินข้าวนำกันครับ
Bookmarks