กำลังแสดงผล 1 ถึง 4 จากทั้งหมด 4

หัวข้อ: ฮ้อน..ซ้นฮ่มรัก..

  1. #1

    ฮ้อน..ซ้นฮ่มรัก..

    คิมหันต์หวนอวนอบเอ้า ฮ้อนฮุ่มไอระอุ
    สุระพาเพิกไพ พยับโพยพวยพุ่ง
    ส่องแสงฮุ่งทุ่งทาบ อาบทาทิวท่ง
    หนองเลิงหล่งขาดข่อน อุทกท้อนท่าสระพัง
    บ่มีหยัดอยู่ยั้ง อนิจจังแปรเปลี่ยน
    วัฏฏะเวียนวนสลาย มอดมะลายวายสิ้น
    พ่องเพภินท์พังม้าง ฐาปะนังบ่ตั้งเที่ยง
    เหลือแต่เพียงหัวใจอ้าย บ่เคยย้ายจากรักเธอ
    ซ่างบ่เผลอลืมเจ้า หรือเบาบางจักหว่างแน่
    คิดเห็นแต่หน้าน้อง ยังเฝ้าคองถ่าเจ้า
    แล้วกะคิดอยากเว้า นำเจ้าอยู่สุยาม
    ใจถามหาอยู่บ่แล้ว รบเร้าแอ่วให้โทรหา
    แม่นเวียกคากะบ่แคร์ ใจว่างแน่กะบ่ได้
    คือบ่หายเหือดแห้ง ยังฮักแฮงอยู่คือเก่า
    ความฮ้อนฮุ่มได้รุมเร้า อยากพักเซาฮ่มซ้น เข้าใต้ต้น...รักเธอ..


    ฮ้อน..ซ้นฮ่มรัก..ฮ้อน..ซ้นฮ่มรัก..ฮ้อน..ซ้นฮ่มรัก..


  2. #2
    ผุสาวได๋น้อเจ้า เว้าตาเขาดีใจ
    ให้ฟ่าวโทรไปไวไว คันแม่นใจนี้ฮักแท้
    เขาต้องฮักเจ้าแน่แน่ คงบ่แวไปทางอื่น
    แฟนผุอื่นยุทางพี้ สิยืนลี้ให้กำลังใจดอก เด้อเพื่อน



    ฮ่าๆๆๆ ว่าไปว่าไปติดตามอ่านยุจ้า

  3. #3
    อ้ายเอ๊ย....

    หนาวคิงคนเคยค้น
    กายก่นเกี่ยวหา
    บาดละดูมาเปลี่ยนลง
    อยากประสงค์บ่หอนซ้อน
    ฮ้อนนำแสงสายแจ้ง
    เปลวแดงแดดฮ่น
    ฮ้อนย้อนคึดนำคน
    ฮ้อนย้อนทนแดดจ้า
    ระอาอุ้นอุ่มทรวง
    ฮักมาลวงหายหน้า
    วาจากะปิ้นไป่
    ละดูไขข่าวแจ้ง
    ว่าชายแกล้งสิเน่หา......สั่นบ้อ...
    ......บ่ได้มาด่น ซงแปลกๆจั่งได๋ดอกจ้าผญานางกะดาย 55555

  4. #4
    โหย...สุดยอดครับ ม่วนหลาย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •