มื้อนี้เฮ็ดซุบบักมีคับผม คือสิเป็นกับแกล้มบ่ได้ดอกเนาะ อิอิ
เครื่องกะมีส่ำที่เห็นนี้หละคับ บักมี่ต้มเปื่อยๆ จั่งตำแหลกง่าย มื้อนี้ใส่ปลาทูน้อยสองโตต้มพร้อมน้ำปลาร้าเลยคับ ผักกะใส่สะระแหน่อย่างเดียว เครื่องปรุงกะมีพริกป่น ข้าวคั่ว น้ำปลา ผงชุรสท่อนี้หละคับ เฮ็ดง้ายง่าย
ตำบักมี่ก่อนให้แหลกๆ เรียบร้อยแล้วกะแกะปลาทูใส่ตำต่อไปให้แหลก ได้ที่แล้วกะเติมน้ำปลาร้าที่ต้มไว้อย่าให้ข้นหลาย หรือว่าอย่าให้แหลวหลายคับ พอใจแล้วกะใส่พริกป่น ข้าวคั่ว น้ำปลา ผงชูรส ตำให้เข้ากันคับ ชิมเบิ่ง พอแล้วกะใส่ผักสะระแหน่ที่เด็ดไว้ ตำอีกห้าหกเทื่อ กะตักไปกินได้เลย
เรียบร้อยแล้วคับ ได้หลายเติบอยู่ ห่าลังสูตรเพิ่นใส่งาคั่วพร้อมเด้
แล้วๆหาออกมาได้เลยคับ กว่าสิแล้วกะมึนพอดี พอกินข้าวแซบๆนี่หละคับผม
Bookmarks