กำลังแสดงผล 1 ถึง 5 จากทั้งหมด 5

หัวข้อ: บ่เป็นหยังดอกหล่า...

  1. #1

    บ่เป็นหยังดอกหล่า...

    เป็นเพราะกรรมเก่ากี้ พี่ถวายดอกไม้เหี่ยว หือได๋น้อ..
    เวรจึงเทียวมาใช้ ให้พบน้องบาดเมื่อสาย
    อันความรักของอ้าย แม่นฮักหลายกะเพียงมิตร
    บ่อาจคิดหวังเป็นแฟน ย่อนสายแนนบ่เถิงน้อง
    ได้แค่มองและหมองเศร้า บาดยามเขาพาเธอผ่าน
    มือประสานเกี่ยวก้อย สำออยเอื้อนสองคน
    อยากตะโกนให้ก้องฟ้า ดังๆว่า..ทนบ่ไหว
    รับบ่ได้ใจระทม ข่มหัวใจไว้สุดกลั้น
    ได้แต่หันเมินหน้า หลบสายตาหามุมเปลี่ยว
    บ่อาจเหลียวไปทางน้อง ย่านฮ้องไห้เพิ่นสิเห็น
    ยามอยู่ใกล้ใจกะเต้น เป็นงงๆซงคือป่วย
    อยากสิอ่วยเอ่ยปากเว้า ว่าฮักเจ้ากะบ่หาญ
    ย่านเจ้าหวั่นใจนำอ้าย สิทำใจลำบาก
    สิคิดยากบาดพบเขา อ้ายเลยขอเก็บเอาไว้
    เว้าออกไปกะบ่ได้ เก็บในใจกะอุกอั่ง
    อ้ายเจ็บเพียงลำพัง บ่เป็นหยังอ้ายทนได้ ขอเก็บไว้..ผุเดียว...


  2. #2
    ป้าดดดดบักหล่า คือคมแท้ว้า เก่งๆๆๆ อ่ายคือคึดบ่ออกน้อ เก่งอะหลี
    แนวนิละแม่นเลย เหอๆๆๆ

  3. #3
    ไผ๋เด้น้อสาวคนนั้น เพิ่นรำพันได้วิจิตร
    อักษรศิลป์หวังผูกมิตร เพื่อพิชิตใจคู่ซ้อน
    ไผ๋งามงอนของเจ้า ผุเฝ้าฮักหลุ่มหลง
    จนใจเจ้างวยงง คือคนหลงป่วงบ้า
    วาสนาบ่ถึงอ้าย หรือบ่อหมายสิเอื้อมต่อ
    วาสนางอคดเคี้ยว ดั่งเคียวเกี้ยวใส่เจ้าของ
    อยากสิค้องแขนควงอ้าย สามาหลายเจ้าหม่องแว
    ปากแปแปเว้าแง่ผุนั้นฮักคนนี้ จักคุณพี่สิเลือกไผ๋ ชายเอ้ย

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    เสี่ยวเอ้ย จงประสานแผลใจเพื่อนไว้ในเฮือนไว้นำแม่ เด้อ
    ผุฮักเฮาเที่ยงแท้บ่มีปลิ้นเปลี่ยนผัน
    ส่วนว่าญิงอื่นนั้น เพียงคำเอ่ยลมลวง หลอกเฮาแหล่ว
    บอกฮักเพืยงสามวัน กะเล่าลืมหลงซ้ำ
    บ่แม่นกรรมหยังเด้อเพื่อน นั้นคือญิงสมัยใหม่
    ได้คนใหม่แล้วกะถิ่มคนเค้าเก่าหลัง ตั้วเสี่ยวเอ้ย...
    ...เซาไห้สาเสี่ยวเอ้ย5555

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    พากันจำไว้เด้อซุมผู่บ่าวผู่สาว
    และผู่เถ่า(เฒ่า)กะดายเวลาถวายดอกไม้ทำบุญฯบูชาพระ
    อย่าสิพากันเอาแต่ดอกไม้เหี่ยวคักหลาย...เดี๋ยวสิมีแฟนเกิดดน(แก่)
    :,1-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •