กำลังแสดงผล 1 ถึง 10 จากทั้งหมด 10

หัวข้อ: ถามข่าว-ชาวเน็ต(โพสต์ซ้ำ)

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,989
    บล็อก
    1

    ถามข่าว-ชาวเน็ต(โพสต์ซ้ำ)

    ...(ลำล่อง)...หล่ะเหลียวคืนไปทางก้ำอีสานคำฟ้าหย่อนหย่อน เมืองอุดรถิ่นเค้าบ่เห็นเจ้าแวะเวียน
    หรือแหม่นสาวกระโปรงเฮี๋่ยนหันไปเรียนแบบญี่ปุ่น ย้านขาดดุลแท้หละอ้ายเจ้าหายหน่าได้คึดนำ
    หรือไปสุขเลิศล้ำเซ่าค่ำบ่หนหวย คันแหม่นรวยเงินเยนให่คิดเห็นเด้อคำอ้าย
    ชายที่เคยเทียวอ้อนสาวอุดรเอิ้นถามข่าว คิดเถิงคราวแต่กี้ยังมีเจ้าเป็นหมู่คุย
    ฝากถึงดีเจปุ้ยลองมาคุยบอกกันแหน่ หนทางไกลอยู่บ่แพ้มาแชร์บ้างข่าวสาร
    อีกทั้งศรีสะท้านอาจารย์ใหญ่ไฟแฮง กินข้าวแลงกับหยังหนั่งบัลลังก์กองร้อย
    หนาวหัวลมเย็นจ้อยมีคนคอยตุ้มผ่าห่ม ไผน้อจ่มให่เจ้ายามกินเหม่าแกมสุรา
    ครูผญาประจำบ้านมหากาฬกลอนกาพย์ อ่านแล้วใจปลาบปลื้มได้เติมตื่มแฮงพลัง
    คนอยู่หลังยังคอยให่ค่อยแซมาแลบ้าง อย่าให่เป็นอ้างว้างแนมแต่ทางจ่องป่อง
    เฮือนมหาฯพี่น้องยังโฮฮ้องหม่วนยิน ศิลปินหลายหน่าแวะเวียนมาบ่าวข้าวจี่
    แห่งเร็คคอร์ดฮ่มบักมี่บ่อนโฮมตุ้มหนุ่มสาว เดอะสตาร์บักพร้าวห่าวพากันหย่าวออน-ซอน
    อาจารย์ดอนเสียงดีอาจารย์ธีร์ปลัดพร้อม หลายคนมาฝึกซ้อมวอร์มเสียงสำเนียงเส่า
    ฟังเอาเด้อหมู่เจ้าพงศ์น้อยให้ส่อยเชียร์ ฝากไปเฟียคุณป้าฯยายหนูซิงแมงสะดิ้งแอวอ่อน
    ได้ยินเสียงวอนหว่อนบาดหัวใจพี่จ้าว อาวอ้วนฯเผิ่นหม่วนแฮง
    เลาะไปฮอดซอดแจ้งทุกหนแห่งตามหา พัทยาจอมเทียนถิ่นระยองครองแชมป์
    มีแต่หัวยิ้มแย้มเปิดฟ้าแจ่มบูรพาฯ ป้าลุนนีคนสวยจั่งแหม่นรวยทางเพื่อน
    หลายปีเดือนบ่เคยเฒ่าผมดอกเลาป้ายังแจ่ม ทางชีวิตที่แต่งแต้มแนมแล้วได้ซื่นใจ
    วิถีไทบ่เคยถิ่มยังจิ่มปิ่มในอินเตอร์ บ่ได้เผลอลืมวัยแค่ใจเป็นสุขล้น
    ดีเจพลฯคนโก้โชว์วาที่เว้าดีเด่น คุ้มสามเสนแหม่นบ่อนยั้งทางปั้มฮ่างกะสั่วแซว
    หม่องตำจอกหยอกแก้วเว้าแอ่วกันขัวนัว กินลาบงัวต้มขมผ่อนอารมณ์ยามเย็นย่ำ
    ฟังเสียงลำเสียงร้องพิณแคนแขนอ่อน ได้ยินแล้วอยากฟ้อนสะออนโอ้ได้โอ่นำ
    ...(ลำเดินขอนแก่น)..ผมมาย้ำพร่ำวอนเป็นกลอนกล่าว ช่วยบอกข่าวแฟนแฟนในทุกหน
    สุขเถิดหนาแฟนจ๋าทุกทุกคน เป็นสุขล้นวิถีทางที่ต่างกัน
    คงมีวันได้พบประสบหน้า ให้อุตส่าสู้ทนอย่านิ่งเฉย
    สู้ต่อไปวันหน้าจะเสบย ไปโลดเลยไทยแลนด์บ่มียั่น
    อยู่ต่างบ้านต่างแดนก็ถมเถ สุขหรือทุกบ้านมหาฯยังฮาเฮ
    มนต์เสน่ห์แดนอีสานบ้านของเฮา
    .....เชิญเด้อเจ้า..เด้อเจ้า..มาเซามาแอ่ว แตกแซวแซวอยู่คุ้มเป็นปุ้มหนุ่มสาว
    ปวดจ้าวจ้าว..พากันหย่าวใส่หมอลำ..จักหัวขาวหัวดำ.เผิ่นฮ่อนฮำกันเต็มฮ้านนนนนน...
    ***สืบเนื่องมาจากกระทู้..."ถามข่าวหา Mikaze"...ที่บ่าวก๋าคามตั้งขึ้น
    ผมกะเลยเขียนออกมาในแนว..ลำล่อง..พรรณนาแซวเพื่อเป็นการถามข่าวคราว
    ด้วยความคิดฮอดคิดถึงและเป็นกำลังใจพี่น้องชาวบ้านมหาฯอาจสิบ่ครบหมดทุกคน
    แต่กะขอให้ฮู้ไว้เด้อครับ...ฝากอาจารย์บ่าวข้าวจี่..คนพนมไพร(อาจารย์ธนิตย์)
    ใส่เสียงพิณเสียงแคนเสียงลำลองเบิ่งดู๊ครับ***
    (ปล.หายไปในเหตุการณ์กบแช่แข็งพร้อมกับแผ่นดินไหวจึงขอโพสต์ใหม่ครับ)
    แก้ไขครั้งสุดท้ายโดย pcalibration; 18-09-2014 at 11:15.


  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,724
    อยากลำเป็นเด้........คือสิม่วน เนื้อหาดีคัก

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ฮ่วย หมอลำตกฮ่าน ปีนขึ้นมาใหม่แล้วกะลำใหม่ซั่นน่ะหมอ เอ้าหย่าววววววววววววววววววว

  4. #4
    ดีๆๆครับ อยากได้ยินเป็นกลอนเด้ คือสิม่วน แฮง

  5. #5
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    คือบ่อัดเสียงมานำแหน่น้อครับท่านอาจารย์ อยากฟัง ครับ สุดยอดหลาย

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ย่อนมันยากนำแต่ได่จ้อนซิ่นยาวแล่นนิล่ะอ้ายพี เลยเปลี่ยนบรรยากาศไปใส่กระโปรงเหี่ยนเบิ่งซั่นดอกจ้า. :l-

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,989
    บล็อก
    1
    ญี่ปุ่นเกาหลีกำลังมาแฮงเนาะเสื้อออฟโรดกระโปรงโหลดเตี้ย
    :,1-

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    บ่ว่าแหล่วอ้าย อยู่พี้แม่ะหนาวป่านได๋กะพันขึ้นๆ จนสั้นสุดกิ้ดดิด บาดเหลียวเบิ่งต้นขาเพิ่นวะซั่นแดงจ่ายหว่าย เพิ่นหนาวหลายหั่งอดเอาย่านบ่อินเทรนด์แล่ว ..

  9. #9
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    คัก เด้อ พี่น้องคัก ใส่เสียงลำมานำแหน่อ้าย อยากฟังเสียงลำนำสิได้ อรรถรส อิอิ

    แก้ไขครั้งสุดท้ายโดย ๛หนุ่มบ้านไกล๛; 02-03-2011 at 15:46.

  10. #10
    แวะมาท่องกลอนอ้ายพีฯก่อน สิไว้หย่าวหน้าฮ้าน 55555 จะแม่นเพิ่นมีกลอนลำรีเทิร์นได้เนาะ น้องตี้ ต้นฉบับกะบ่ได้เก็บ ลืมฮอดหม่องขึ้นต้น คิดจนมาฮอดมื้อนี้กะคิดบ่ออก อิอิ..

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •